အမေရိကန် ဒီမိုကရက်ပါတီက ထရမ့်အဖွဲ့နှင့် ရုရှားတို့ကို တရားစွဲ

ဧပြီ ၂၁၊ ၂၀၁၈
M-Media

– ၂၀၁၆ ခုနှစ် ရွေးကောက်ပွဲမှာ အသာရအောင် ပူးပေါင်းကြံစည်ခဲ့တယ်ဆိုတဲ့ စွဲချက်နဲ့ ရုရှား၊ ထရမ့်ရဲ့ မဲဆွယ်ရေးအဖွဲ့တို့ကို ဒီမိုကရက်တစ်ပါတီက တရားစွဲဆိုလိုက်ပါတယ်။

မနေ့က စွဲဆိုလိုက်တာဖြစ်ပြီး ရုရှားက သူတို့ဟာ ဒီမိုကရက်တစ် နိုင်ငံလုံးဆိုင်ရာကော်မတီ (DNC) ကို ဆိုက်ဘာတိုက်ခိုက်မှုလုပ်ခဲ့ကြောင်း ထရမ့်မဲဆွယ်ရေးအဖွဲ့ကို အသိပေးခဲ့ပြီး အဲဒီနောက်ပိုင်းမှာ ဒီမိုကရက်တစ် သမ္မတလောင်း ဟီလာရီကလင်တန်ရဲ့ပုံရိပ်ကို ပျက်ဆီးစေတဲ့ သတင်းအချက်အလက်တွေ ထွက်လာခဲ့တယ်လို့ တရားစွဲဆိုမှုမှာ ဖော်ပြထားပါတယ်။

ထရမ့်ဟာ ၂၀၁၆ ခုနှစ်ရွေးကောက်ပွဲမှာ ရုရှားရဲ့ ကူညီမှုကို လိုလိုလားလား လက်ခံခဲ့ပြီး၊ ရွေးကောက်ပွဲမှာ အသာရအောင် လုပ်ခဲ့ကြောင်း ၀ီကီလိခ်နဲ့ တည်ထောင်သူ ဂျူလီယန် အာဆန်တို့လည်း ဒီကိစ္စမှာပါဝင်ကြောင်း ဒီမိုကရက်တစ်ပါတီက ပြောကြားခဲ့ပါတယ်။

“၂၀၁၆ ခုနှစ် သမ္မတမဲဆွယ်ရေးလှုပ်ရှားမှုမှာ ရုရှားဟာ ကျွန်တော်တို့ရဲ့ ဒီမိုကရေစီကို တိုက်ခိုက်ဖို့အတွက် အစွမ်းကုန် လုပ်ဆောင်ခဲ့ပြီး ဒေါ်နယ်ထရမ့်ရဲ့ မဲဆွယ်ရေးအဖွဲ့ကလည်း လိုလိုလားလားနဲ့ ပူးပေါင်းခဲ့တယ်ဆိုတာ တွေ့ရပါတယ်။ ဒါကို မကြုံစဖူး သစ္စာဖောက်မှုအဖြစ် မှတ်ယူလို့ရပါတယ်” လို့ DNC ဥက္ကဌဖြစ်တဲ့ တွမ် ပီရက်ဇ်က ပြောကြားခဲ့ပါတယ်။

ထရမ့်မဲဆွယ်ရေးအဖွဲ့ကတော့ ဒီလိုတရားစွဲဆိုမှုဟာ လုံးဝ အကျိုးရှိမှာမဟုတ်ဘဲ အချိန်တန်ရင် ပယ်ချခံရလိမ့်မယ်လို့ တုန့်ပြန်ခဲ့ပါတယ်။

ထရမ့်က သူ့အဖွဲ့ဟာ ရုရှားနဲ့ ပူးပေါင်းဆောင်ရွက်မှု မရှိဘူးလို့ အကြိမ်ကြိမ်ငြင်းဆိုထားပြီး ရုရှားကလည်း ကန်ရွေးကောက်ပွဲမှာ ပါဝင်ခဲ့တယ်ဆိုတဲ့ စွပ်စွဲချက်တွေကို ငြင်းဆိုခဲ့ပါတယ်။

၂၀၁၆ ရွေးကောက်ပွဲမှာ ရုရှားက ၀င်ရောက်စွက်ဖက်ခဲ့တယ်ဆိုတဲ့ စွပ်စွဲချက်တွေအတွက် အမေရိကန်မှာ အထူးကိုယ်စားလှယ် မူလာဦးဆောင်ကာ စုံစမ်းစစ်ဆေးမှုတွေ လုပ်နေပါတယ်။

Ref: Aljazeera