စင်ကာပူတွင်ကျင်းပမည့် အာဆီယံအစည်းအဝေး ဒေါ်အောင်ဆန်းစုကြည် တက်မည်မဟုတ်

ဧပြီ ၂၄၊ ၂၀၁၈
M-Media

– နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ အခုတစ်ပတ်နှောင်းပိုင်း စင်ကာပူမှာကျင်းပမယ့် အာဆီယံ ထိပ်သီးအစည်းအဝေးကို တက်မှာမဟုတ်ဘူးလို့ မြန်မာအစိုးရ တာဝန်ရှိတစ်ဦးက မနေ့မှာ ပြောကြားလိုက်ပါတယ်။

ဒါဟာ ၂၀၁၆ ခုနှစ် အာဏာရပြီးနောက်ပိုင်း ပထမဆုံးအကြိမ် ဒေါ်အောင်ဆန်းစုကြည် အာဆီယံအစည်းအဝေးကို မတက်တာပါ။

အစိုးရပြောရေးဆိုခွင့်ရှိသူ ဦးဇော်ဌေးက စနေနေ့မှာ စတင်မယ့် အာဆီယံအစည်းအဝေးကို ပြီးခဲ့တဲ့လမှာ ကျမ်းကျိန်ခဲ့တဲ့ သမ္မတသစ် ဦးဝင်းမြင့် တက်ရောက်လိမ့်မယ်လို့ ပြောပါတယ်။ ဒါပေမယ့် ဒေါ်အောင်ဆန်းစုကြည် ဘာ့ကြောင့် မသွားတာလဲ ဆိုတာကိုတော့ ဦးဇော်ဌေးက ပြောကြားခဲ့ခြင်း မရှိပါဘူး။

ရခိုင်ပြည်နယ်မှာဖြစ်ပွားနေတဲ့ ကိစ္စအတွက် ဒေါ်အောင်ဆန်းစုကြည်ဟာ နိုင်ငံတကာရဲ့ ဝေဖန်မှုကို ခံနေရပြီး ပြီးခဲ့တဲ့လက ပြုလုပ်ခဲ့တဲ့ အာဆီယံ-သြစတေးလျ အစည်းအဝေးမှာလည်း ဒီ ကိစ္စအတွက် ဖိအားပေးခြင်း ခံခဲ့ရပါတယ်။

အမျိုးသားလုံခြုံရေးအကြံပေး ဦးသောင်းထွန်းကတော့ ဒေါ်အောင်ဆန်းစုကြည်ဟာ ကိုင်တွယ်စရာတွေ အများအပြား ရှိနေတဲ့အတွက် အပြင်ကို ထွက်လို့မရဘူးလို့ ပြောကြားခဲ့ပါတယ်။

ပြီးခဲ့ရက်ပိုင်းအတွင်း ဒေါ်အောင်ဆန်းစုကြည်ဟာ ဗီယက်နမ်နိုင်ငံကို ၂ ရက်ကြာခရီးအဖြစ် သွားရောက်ခဲ့ပြီး၊ ပြီးခဲ့တဲ့နှစ် ဖိလစ်ပိုင်မှာလုပ်ခဲ့တဲ့ အာဆီယံအစည်းအဝေးနှစ်ခုနဲ့ ၂၀၁၆ ခုနှစ် လာအိုနိုင်ငံမှာလုပ်တဲ့ အာဆီယံအစည်းအဝေး ၂ ခုတို့ကိုလည်း ဒေါ်အောင်ဆန်းစုကြည်က တက်ရောက်ခဲ့ပါတယ်။

Ref : SCMP