နျူသဘောတူညီချက်ကို ဖောက်ဖျက်လျှင် ဆိုးကျိုးများကြုံမည်ဟု ထရမ့်ကို အီရန် သတိပေး

ဧပြီ ၂၄၊ ၂၀၁၈
M-Media

– ၂၀၁၅ ခုနှစ်မှာ ရရှိခဲ့တဲ့ နျူသဘောတူညီချက်ကို အလေးထားဖို့ အီရန်သမ္မတ ရူဟာနီက အမေရိကန်သမ္မတ ဒေါ်နယ်ထရမ့်ကို တိုက်တွန်းလိုက်ပြီး ဒီလိုမှမဟုတ်ရင် ဆိုးရွားတဲ့ အကျိုးဆက်တွေနဲ့ ရင်ဆိုင်ရလိမ့်မယ်လို့ သတိပေးခဲ့ပါတယ်။

အမေရိကန်အပါအ၀င် အင်အားကြီး ၆ နိုင်ငံနဲ့ အီရန်တို့ ရရှိခဲ့တဲ့ ဒီသဘောတူညီချက်အရ အီရန်ဟာ သူ့ရဲ့ နျူအစီအစဉ်ကို ရပ်ဆိုင်းပေးခဲ့ပြီး အပြန်အလှန်အားဖြင့် နိုင်ငံတကာက အီရန်အပေါ် ပြုလုပ်ထားတဲ့ ပိတ်ဆို့မှုတွေကို ဖယ်ရှားပေးခဲ့ပါတယ်။

ဒါပေမယ့် ထရမ့်က ဒီကိစ္စကို ဝေဖန်မှုတွေလုပ်ခဲ့ပြီး အမေရိကန်ဟာ သဘောတူညီချက်ကနေ နှုတ်ထွက်မယ်လို့ ပြောဆိုထားပါတယ်။

ဒီသဘောတူညီချက်မှာ အမေရိကန် ဆက်ပါမလားဆိုတာကို မေလ ၁၂ ရက်နေ့မှာ ထရမ့်က ဆုံးဖြတ်ဖို့ ရှိနေတဲ့အချိန် အီရန်က ဒီလို သတိပေးလိုက်တာပါ။

ဒီနေ့ ရုပ်သံမိန့်ခွန်းမှာ ရူဟာနီက အိမ်ဖြူတော်အနေနဲ့ သဘောတူညီချက်က ကတိက၀တ်တွေအတိုင်း ဆောင်ရွက်မှုမရှိဘူးဆိုရင် အီရန်အစိုးရက ခိုင်ခိုင်မာမာ တုန့်ပြန်သွားမယ်လို့ ပြောကြားခဲ့ပါတယ်။

နျူသဘောတူညီချက်မှာ ဆက်လက်ပါဝင်ဖို့အတွက် နိုင်ငံတကာခေါင်းဆောင်တွေက ထရမ့်ကို တိုက်တွန်းထားပါတယ်။

ပြင်သစ်သမ္မတ အီမန်နျူယဲလ်မာခရွန်က တကယ်လို့ ထရမ့်အနေနဲ့ ဒီသဘောတူညီချက်ကနေ ထွက်မယ်ဆိုရင် နောက်ထပ် အစီအစဉ်တစ်ခု ရှိမှာမဟုတ်ဘူးလို့ တနင်္ဂနွေနေ့မှာ ပြောကြားခဲ့ပါတယ်။

အမေရိကန်ရုပ်သံ CBS နဲ့ တနင်္ဂနွေနေ့ အင်တာဗျူးမှာ အီရန်နိုင်ငံခြားရေးဝန်ကြီး မိုဟာမက် ဂျာဗဒ် ဇာရစ်ဖ်က အမေရိကန်ဟာ သဘောတူညီချက်ကနေ ထွက်မယ်ဆိုရင် အီရန်က နျူလုပ်ငန်းကို အရှိန်မြှင့်ဆောင်ရွက်သွားမယ်လို့ ပြောကြားခဲ့ပါတယ်။

Ref: Aljazeera