သောကြာနေ့ ဘောလုံးသတင်း

ဧပြီ ၂၇၊ ၂၀၁၈
M-Media

မျက်ရည်လည်ရွဲဖြင့် ပြောကြားနေသည့် အင်နီယေစတာ

ဘာစီလိုနာကထွက်မည်ဟု အင်နီယေစတာ အတည်ပြု
=================

ဘာစီလိုနာအသင်းရဲ့ ကွင်းလယ်ဖန်တီးရှင် အသက် ၃၃ နှစ်အရွယ် အန်ဒရေ အင်နီယေစတာက ဒီနှစ်ကုန်ရင် အသင်းက ထွက်ခွာတော့မယ်လို့ ဒီကနေ့မှာ အတည်ပြုလိုက်ပါတယ်။ အင်နီယေစတာဟာ ဘာစီလိုနာအသင်းမှာ ၁၆ ရာသီကစားပြီး အဓိကဖလားပေါင်း ၃၁ လုံး ရရှိခဲ့သူဖြစ်ပါတယ်။ သူကတော့ ဒီဆုံးဖြတ်ချက်ဟာ ခက်ခဲတဲ့ ဆုံးဖြတ်ချက်ဖြစ်တယ်လို့ ဆိုပါတယ်။ အင်နီယေစတာဟာ တရုတ်ကို ပြောင်းမယ်လို့ သတင်းတွေ ကျယ်ကျယ်ပြန့်ပြန့်ထွက်နေပေမယ့် အင်္ဂလန်နဲ့ ပြင်သစ်ကကလပ်တွေကို သွားနိုင်တယ်လို့လည်း ပြောကြားမှုတွေ ရှိနေပါတယ်။

အာဆင်ဝင်းဂါးကို စော်ကားမိသည့်အတွက် မော်ရင်ဟို နောင်တရ
================
အာဆင်ဝင်းဂါးနဲ့ ဖြစ်ခဲ့တဲ့ အပြန်အလှန်ဝေဖန်ပြောဆိုမှုတွေအတွက် နောင်တရမိတယ်လို့ မန်ယူနည်းပြ မော်ရင်ဟိုက ပြောကြားလိုက်ပါတယ်။ မော်ရင်ဟို ချယ်ဆီးမန်နေဂျာဘ၀တုန်းက အာဆင်ဝင်းဂါးကို ဝေဖန်စော်ကားမှုတွေ လုပ်ခဲ့ပါတယ်။ ၀င်းဂါးဟာ အခုရာသီကုန်မှာ အာဆင်နယ်ကနေ ထွက်ခွာတော့မှာဖြစ်ပြီး မော်ရင်ဟိုက အာဆင်နယ်ဟာ အံ့သြစရာအသင်းဖြစ်ကာ သူတို့ရဲ့ကွင်းဟောင်း ဟိုက်ဘူရီမှာ ကစားခဲ့တဲ့ပွဲဟာ မေ့လို့မရတဲ့ပွဲဖြစ်ကြောင်း ထည့်သွင်းပြောဆိုခဲ့ပါတယ်။

အာဆင်နယ်နှင့် အသက်လက်တီကိုကို UEFA က တရားစွဲ
=================
ဒီနေ့မနက်က ကစားခဲ့တဲ့ ယူရိုပါလိဂ် ဆီမီးဖိုင်နယ် ပထမအကျော့ပွဲမှာ ဖြစ်ပျက်ခဲ့တာတွေအတွက် အာဆင်နယ်နဲ့ အသက်လက်တီကို မက်ဒရစ် ၂ သင်းစလုံးကို ယူအီးအက်ဖ်အေက တရားစွဲလိုက်ပါတယ်။ ဒိုင်လူကြီးကို စောဒကတက်တဲ့ အက်သလက်တီကိုနည်းပြ ဆီမြွန်နီဟာ ဒိုင်ကိုစော်ကားမှုနဲ့ တရားစွဲခံရပြီး၊ အာဆင်နယ်ကတော့ ပရိတ်သတ်တွေ မီးပန်းဖောက်မှုအတွက် တရားစွဲခံခဲ့ရတာပါ။ အဲဒီပွဲမှာ အက်သလက်တီကိုဟာ ပွဲချိန်အားလုံးနီးပါးကို ၁ ယောက်လျော့နဲ့ ကစားခဲ့ရပေမယ့် ၁ ဂိုးစီ သရေကျအောင် စွမ်းဆောင်နိုင်ခဲ့ပါတယ်။ တရားစွဲဆိုမှုကို မေလ ၄ ရက်နေ့မှာ ကြားနာမှာ ဖြစ်ပါတယ်။

ပီအက်ဂ်ျဂျီနည်းပြ ရာသီကုန်လျှင် ထွက်မည်
==================
ပြင်သစ်လီဂူးချန်ပီယံ ပီအက်စ်ဂျီအသင်းရဲ့ နည်းပြ ယူနိုင် အီမရီက သူဟာ ရာသီကုန်ရင် အသင်းကနေ ထွက်ခွာတော့မယ်လို့ အတည်ပြု ပြောကြားလိုက်ပါတယ်။ အီမရီ အသင်းကိုရောက်ရှိလာတာဟာ ၂ နှစ်သာ ရှိသေးပြီး အခုနှစ်မှာ လိဂ်ချန်ပီယံနဲ့ ရှုံးထွက်ဖလားချန်ပီယံ ဖြစ်ခဲ့ပေမယ့် ချန်ပီယံလိဂ်ကျရှုံးမှုက အီမရီထွက်ဖို့အထိ ဦးတည်ခဲ့တာ ဖြစ်ပါတယ်။ ပီအက်စ်ဂျီဟာ ပြီးခဲ့တဲ့ ၂ နှစ်စလုံးမှာ ချန်ပီယံလိဂ် ၁၆ သင်းအဆင့်ကနေ လှည့်ပြန်ခဲ့ရပါတယ်။

Ref: Goal, BBC