လေထုညစ်ညမ်းမှုကြောင့် တစ်နှစ်လျှင် လူ ၇ သန်း သေဆုံး

မေ ၂၊ ၂၀၁၈
M-Media

– ဆင်းရဲတဲ့နိုင်ငံတွေနဲ့ ချမ်းသာတဲ့နိုင်ငံတွေအကြား လေထုအရည်အသွေး ကွာခြားမှုဟာ ပုံမှန် မြင့်တက်လာနေပြီး လေထုညစ်ညမ်းမှုကြောင့် ကမ္ဘာတစ်ဝှမ်း တစ်နှစ်ကို လူ ၇ သန်းလောက် သေဆုံးနေတယ်လို့ ကုလရဲ့ ကမ္ဘာ့ကျန်းမာရေးအဖွဲ့ WHO က ဒီကနေ့မှာ ထုတ်ပြန်လိုက်ပါတယ်။

“လေထုညစ်ညမ်းမှုက ကျွန်တော်တို့အားလုံကို ခြိမ်းခြောက်နေပါတယ်။ ဒါပေမယ့် အဆင်းရဲဆုံးနဲ့ လစ်လျူရှုခံရဆုံး နိုင်ငံတွေက ဒီဝန်ထုပ်ဝန်ပိုးကို အထမ်းရဆုံးပါ” လို့ WHO ရဲ့ ညွှန်ကြားရေးမျူးချုပ် တက်ဒရို့စ် အဒ်ဟာ နမ် ဂရီဘရီယီဆက်စ်က ပြောကြားခဲ့ပါတယ်။

“အမျိုးသမီးတွေနဲ့ ကလေးငယ်တွေအများဆုံးပါဝင်တဲ့ လူပေါင်း ၃ ဘီလီယံလောက်ဟာ သူတို့အိမ်မှာ အသုံးပြုတဲ့ မီးသွေးမီးဖိုတွေ၊ ရေနံဆီတွေကြောင့် နေ့စဉ် ဆိုးရွားတဲ့ အငွေ့တွေကို ရှူရှိုက်နေရတာဟာ လက်မခံနိုင်စရာပါ”

ကမ္ဘာ့လူဦးရေရဲ့ ၉၀ ရာခိုင်နှုန်းလောက်ဟာ မသန့်ရှင်းတဲ့လေကို ရှူရှိုက်နေရပြီး၊ ချမ်းသာတဲ့နိုင်ငံတွေမှာ လေထုအရည်အသွေးက တစ်ဖြည်းဖြည်းချင်း ပြန်ကောင်းလာနေပေမယ့် ဆင်းရဲတဲ့နိုင်ငံတွေက ပိုဆိုးလာတယ်လို့ WHO က ပြောပါတယ်။

WHO ဟာ လေထုထဲမှာ သေးငယ်တဲ့ အမှုန်လေးတွေ ပါဝင်မှုကို သုတေသနလုပ်ကာ လေထုအရည်အသွေးကို သုံးသပ်တာဖြစ်ပါတယ်။ အဲဒီ အမှုန်လေးတွေဟာ အဆုတ်နဲ့ သွေးလှည့်ပတ်မှုလမ်းကြောင်းထဲ ၀င်ရောက်မယ်ဆိုရင် ကင်ဆာရောဂါ၊ အသက်ရှူလမ်းကြောင်းဆိုင်ရာ ရောဂါတွေ ဖြစ်နိုင်ပါတယ်။

လေထုညစ်ညမ်းမှုကြောင့် သေဆုံးသူအရေအတွက်ဟာ ကမ္ဘာတစ်ဝှမ်း တစ်နှစ်ကို ၇ သန်းလောက်ရှိပြီး ၉၀ ရာခိုင်နှုန်းက ၀င်ငွေနိမ့်တဲ့ အာရှနဲ့ အာဖရိကနိုင်ငံတွေက ဖြစ်ပါတယ်။

သုတေသနရလဒ်တွေအရ လေထုညစ်ညမ်းမှု အဆိုးဆုံးက အရှေ့အလယ်ပိုင်း၊ အာရှနဲ့ အာဖရိကနိုင်ငံတွေဖြစ်ပြီး အဓိကပြဿနာက ချက်ရေးပြုတ်ရေးမှာ သန့်စင်တဲ့ လောင်စာ မရရှိတာ ဖြစ်ပါတယ်။ လေထုညစ်ညမ်းစေတဲ့ နောက်ထပ်အကြောင်းအရင်းတွေက သယ်ယူပို့ဆောင်ရေးနဲ့ လယ်ယာစိုက်ပျိုးရေးလုပ်ငန်းတွေကြောင့် ဖြစ်ပါတယ်။

Ref: Aljazeera