ကြာသာပတေးနေ့မနက် နိုင်ငံတကာသတင်းများ

မေ ၃၊ ၂၀၁၈
M-Media

မလေးရှားဝန်ကြီးချုပ်ဟောင်း မဟာသီ

အီရန်နျူသဘောတူညီချက်ကမထွက်ဖို့ ကန်ကို ဂူတာရက်စ်သတိပေး
==============
၂၀၁၅ ခုနှစ်က အီရန်နဲ့ရရှိထားတဲ့ နျူသဘောတူညီချက်ကနေ မထွက်ဖို့ အမေရိကန်သမ္မတ ဒေါ်နယ်ထရမ့်ကို ကုလအတွင်းရေးမှူးချုပ် အန်တိုနီယို ဂူတာရက်စ်က တိုက်တွန်းလိုက်ပါတယ်။ ထရမ့်ဟာ မေလ ၁၂ ရက်နေ့မှာ ဒီကိစ္စအတွက် သူ့ရဲ့ ရပ်တည်ချက်ကို ထုတ်ပြန်မှာဖြစ်ပြီး သဘောတူညီချက်ကနေ ထွက်ဖို့ များနေပါတယ်။ ဂူတာရက်စ်ကတော့ ဒီစာချုပ်ဟာ အရေးပါတဲ့ သံတမန်အောင်ပွဲတစ်ရပ်ဖြစ်ပြီး ထိန်းသိမ်းမထားနိုင်ဘူးဆိုရင် စစ်ဖြစ်မယ့်အန္တရာယ်ရှိတယ်လို့ သတိပေးခဲ့ပါတယ်။

မလေးရှားက ၀န်ကြီးချုပ်ဟောင်းကို သတင်းမှားတိုက်ဖျက်ရေးဥပဒေဖြင့် စုံစမ်းနေ
===================
ဝန်ကြီးချုပ်ဟောင်း မဟာသီယာ မိုဟာမက် ပြီးခဲ့တဲ့လ ဆိုရှယ်မီဒီယာမှာ ရေးသားခဲ့တဲ့ မှတ်ချက်တွေဟာ သတင်းမှားတိုက်ဖျက်ရေး ဥပဒေကို ဖောက်ဖျက်ခြင်း ရှိ၊ မရှိ စုံစမ်းစစ်ဆေးမှုတွေ ပြုလုပ်နေတယ်လို့ မလေးရှားရဲတပ်ဖွဲ့က မနေ့မှာ အတည်ပြုခဲ့ပါတယ်။ အခုလအတွင်းပြုလုပ်မယ့် ရွေးကောက်ပွဲမှာ မဟာသီဟာ ၀န်ကြီးချုပ်နာဂျစ်ကို ဖြုတ်ချရေး ဦးဆောင်နေတဲ့သူ ဖြစ်ပါတယ်။ မလေးရှားအစိုးရဟာ သတင်းမှားတိုက်ဖျက်ရေးဥပဒေကို ပြီးခဲ့တဲ့လမှာ အတည်ပြုခဲ့ပြီး ဝေဖန်သူတွေကတော့ ဒါဟာ လွတ်လပ်စွာပြောဆိုခွင့်ကို ပိတ်ပင်ဖို့၊ အတိုက်အခံတွေကို နှိပ်ကွပ်ဖို့ ရည်ရွယ်တာဖြစ်တယ်လို့ ပြောကြားထားပါတယ်။

နိုက်ဂျီးရီးယားဗလီ ဗုံးခွဲခံရမှု သေဆုံးသူမြင့်တက်
============
အင်္ဂါနေ့က နိုက်ဂျီးရီးယားနိုင်ငံမြောက်ပိုင်း မူဘီမြို့က ဗလီတစ်လုံးမှာ ဖြစ်ပွားခဲ့တဲ့ အသေခံဗုံးခွဲမှုကြောင့် သေဆုံးသူအရေအတွက်ဟာ ၈၆ ဦးအထိ ရှိလာပြီဖြစ်ပါတယ်။ ဘိုကိုဟရမ်အကြမ်းဖက်အဖွဲ့ရဲ့လက်ချက်လို့ ယူဆရတဲ့ အဲဒီတိုက်ခိုက်မှုမှာ သေဆုံးသူအရေအတွက်ဟာ ၂၇ ဦးသာ ရှိတယ်လို့ စောစောပိုင်းမှာ အစိုးရက သတင်းထုတ်ပြန်ခဲ့တာပါ။ ဒါပေမယ့် သုဿန်တာဝန်ရှိသူတွေက သူတို့ဟာ အလောင်းပေါင်း ၈၆ ခုကို မြှုပ်နှံပေးခဲ့ရတယ်လို့ ဆိုပါတယ်။

လူမျိုးရေးခွဲခြားခံရသည့် လူမည်းနှစ်ဦး နစ်နာကြေး တစ်ဒေါ်လာဖြင့် အမှုကျေအေး
===================
ပြီးခဲ့တဲ့လအတွင်း ဖီလာဒဲလ်ဖီးယားပြည်နယ်က Starbucks ကော်ဖီဆိုင်မှာ ထိုင်နေရင်း အဖမ်းခံခဲ့ရတဲ့ လူမည်းနှစ်ယောက်ဟာ နစ်နာကြေး ကန် တစ်ဒေါ်လာ၊ လူငယ်စွန့်ဦးလုပ်ငန်းရှင်တွေအတွက် ကန်ဒေါ်လာ ၂ သိန်းတန် စီမံကိန်း ဖော်ဆောင်ပေးမယ်ဆိုတဲ့ အစိုးရရဲ့ကတိတွေနဲ့ သူတို့အမှုကို မနေ့မှာ ကျေအေးခဲ့ကြပါတယ်။ ဆိုင်ထဲမှာထိုင်ပြီး ဘာမှမမှာတဲ့အတွက် မန်နေဂျာက ရဲခေါ်ဖမ်းခိုင်းတဲ့ ဒီကိစ္စဟာ လူမျိုးရေးခွဲခြားမှု ဖြစ်တာကြောင့် အမေရိကန်ပြည်သူတွေဟာ ဆန္ဒပြခဲ့ကြပြီး Starbucks ကုမ္ပဏီကလည်း ပြန်လည်တောင်းပန်ခဲ့ပါတယ်။ ကန်ဒေါ်လာ ၂ သိန်းတန် လူငယ်အစီအစဉ်ကို ဖီလာဒဲလ်ဖီးယား အထက်တန်းကျောင်းသားတွေကို ဦးတည်ပြီး အစိုးရက ဆောင်ရွက်သွားမှာ ဖြစ်ပါတယ်။

ချန်ပီယံလိဂ် ဗိုလ်လုပွဲအတွက် လီဗာပူးလ်အသင်း ရူးသွပ်စွာ ကစားခဲ့
=============
ချန်ပီယံလိဂ် ဗိုလ်လုပွဲကို တက်ရောက်ဖို့အတွက် မိမိတို့အသင်းဟာ ရူးသွပ်စွာ ကစားခဲ့ရတယ်လို့ လီဗာပူးလ်နည်းပြ ယာဂန်ကလော့ပ်က ပြောကြားလိုက်ပါတယ်။ ဒီနေ့မနက်မှာကစားခဲ့တဲ့ ဆီမီးဖိုင်နယ် ဒုတိယအကျော့မှာ လီဗာပူးလ်ဟာ ရိုးမားကို ၄ ဂိုး ၂ ဂိုးနဲ့ ရှုံးနိမ့်ခဲ့ပေမယ့် နှစ်ကျော့ပေါင်း ၇ ဂိုး ၆ ဂိုးနဲ့ ဖိုင်နယ်ကို တက်ရောက်ကာ မေလ ၂၆ ရက်နေ့မှာ ရီးယဲလ်နဲ့ ကစားရမှာပါ။ ကလော့ပ်က အသင်းသားတွေဟာ ကြိုးစားအားထုတ်မှုအပိုင်းရော၊ စိတ်ပိုင်းဆိုင်ရာမှာပါ နောက်ဆုံးဗိုလ်လုပွဲနဲ့ ထိုက်တန်ခဲ့တယ်လို့ ပြောကြားခဲ့ပါတယ်။ လီဗာပူးလ်ဟာ ချန်ပီယံလိဂ်ကို ၅ ကြိမ်ရရှိထားပြီး အင်္ဂလိပ်ကလပ်တွေထဲမှာ အအောင်မြင်ဆုံး ဖြစ်ပါတယ်။

Ref: BBC, Aljazeera