အရှေ့အလယ်ပိုင်း သိပ္ပံနယ်ပယ်ကို အီရန်ဦးဆောင်

မေ ၃၊ ၂၀၁၈
M-Media

– အရှေ့အလယ်ပိုင်းက သိပ္ပံနဲ့ နည်းပညာဆိုင်ရာ သုတေသနပြုမှုတွေမှာ အီရန်ဟာ အစ္စရေးကို ကျော်တက်သွားတယ်ဆိုတာ သူတို့ပြုလုပ်ခဲ့တဲ့ စစ်တမ်းမှာတွေ့ရကြောင်း အစ္စရေး မီဒီယာ Haaretz က ဖော်ပြပါတယ်။

အရင်က အစ္စရေးဟာ အရှေ့အလယ်ပိုင်း သိပ္ပံနယ်ပယ်မှာ ဦဆောင်နိုင်ခဲ့ပေမယ့် Haaretz ရဲ့ အခုတစ်ပတ်အတွင်း ထုတ်ပြန်ချက်မှာတော့ အစ္စရေးဟာ အီရန်၊ တူရကီနဲ့ ဆော်ဒီတို့ရဲ့နောက် စတုတ္ထနေရာမှာ ရှိနေပါတယ်။

Haaretz က အီရန်ဟာ ရူပဗေဒ၊ ဇီဝဗေဒ၊ ဓာတုဗေဒနဲ့ စီးပွားရေး စီမံခန့်ခွဲမှုပိုင်းလို ကဏ္ဍတွေမှာ ဦးဆောင်နေပြီး အစ္စရေးက ယဉ်ကျေးမှု၊ အနုပညာနဲ့ လူသားဆိုင်ရာ ကိစ္စတွေမှာ ထိပ်တန်းက ရှိနေတယ်လို့ ဆိုပါတယ်။

အချက်အလက်စုဆောင်းရာမှာ လူဦးရေကို အဓိကထားတာ မဟုတ်ပါဘူး။ အီရန်ဟာ လူဦးရေ သန်း ၈၀ ရှိပြီး၊ အစ္စရေးကတော့ ၉ သန်းအောက်သာ ရှိပါတယ်။

“၁၉၉၆ ခုနှစ်မှာ အီရန်ဟာ သိပ္ပံဆိုင်ရာ စာတမ်းပေါင်း ၉၆၀ ရေးသားနိုင်ခဲ့ပြီး အစ္စရေးက အဲဒီအချိန်မှာ တစ်သောင်းလောက် ရေးသားနိုင်ပါတယ်။ အဲဒီနောက်ပိုင်း အီရန်ရဲ့ အရေအတွက်ဟာ တစ်နှစ်ကို ၄၁၀၀၀ လောက်အထိ မြင့်တက်လာပါတယ်။ ဒါပေမယ့် လူဦးရေအချိုးအစားနဲ့ နှိုင်းယှဉ်မယ်ဆိုရင်တော့ အစ္စရေးဟာ အခြားတိုင်းပြည်တွေထက် သိပ္ပံစာတမ်းတွေကို ပိုပြီး ရေးသားနိုင်ပါတယ်” လို့ Haaretz က ဖော်ပြခဲ့ပါတယ်။

အီရန်၊ တူရကီနဲ့ ဆော်ဒီအာရေဗျတို့ဟာ သိပ္ပံသုတေသနပိုင်းမှာ ငွေကြေးအမြောက်အများ သုံးစွဲလာပြီး တိုင်းပြည်အတွင်း အရည်အချင်းပြည့်မီတဲ့ လုပ်သားအင်အား ဖြစ်လာရေးကိုလည်း ဆောင်ရွက်နေပါတယ်။

ပညာရေးဆိုင်ရာ သုတေသနဒေတာဘေ့စ်တစ်ခုဖြစ်တဲ့ Scopus ဟာ နှစ်စဉ် ကမ္ဘာ့နိုင်ငံတိုင်းက ပညာရပ်ဆိုင်ရာ စာတမ်းတွကို စုဆောင်းကာ အဆင့်သတ်မှတ်လေ့ရှိပါတယ်။ ၂၀၁၃ ခုနှစ်အထိ အီရန်ဟာ သိပ္ပံသုတေသနနယ်ပယ်မှာ ကမ္ဘာ့အဆင့် ၁၇ ရှိနေပါတယ်။

သုတေသန၀ဘ်ဆိုက်တစ်ခုဖြစ်တဲ့ IDG Connect က အီရန်အစိုးရဟာ သိပ္ပံဆိုင်ရာ သုတေသနတွေရဲ့ ကုန်ကျငွေ ၇၅ ရာခိုင်နှုန်းအထိ ထောက်ပံ့ပေးပြီး၊ အဆင့်မြင့်ပညာရေးနဲ့ လုပ်ငန်းခွင်နယ်ပယ်တွေမှာ ထဲထဲဝင်ဝင် ပတ်သက်မှုရှိတယ်လို့ ဆိုပါတယ်။

နိုင်ငံတကာက ပိတ်ဆို့မှုတွေ အများအပြား ပြုလုပ်ထားပေမယ့် အီရန်နိုင်ငံရဲ့ သုတေသနလုပ်ငန်းဟာ ပြီးခဲ့တဲ့နှစ်အနည်းငယ်အတွင်းမှာ သိသိသာသာ တိုးတက်လာခဲ့ပြီး၊ အားလုံးထင်ထားတာထက် ပိုပြီး အံ့သြစရာကောင်းတာတွေ လုပ်ပြလာနိုင်တယ်လို့ Haaretz က သုံးသပ်ထားပါတယ်။

Ref: Sputniknews