နိုင်ငံခြားသားအလုပ်သမားများကို အစားအသောက် ပုံမှန်ဝေမည့် အစီအစဉ်တစ်ခု ဒူဘိုင်းစတင်

မေ ၆၊ ၂၀၁၈
M-Media

– နိုင်ငံအတွင်းမှာ ရှိနေသူတွေအားလုံး ပျော်ရွှင်ဖို့အတွက် ဒူဘိုင်းအခြေစိုက် အကူအညီပေးရေးအဖွဲ့ Dar Al Ber Society ဟာ နိုင်ငံတစ်ဝှမ်း ကားနဲ့ အစားအသောက်လိုက်ဝေတဲ့ အစီအစဉ်တစ်ခုကို စတင်လိုက်ပါတယ်။

ယမန်နေ့နေ့လည် ၁၂ နာရီက စတင်ခဲ့တဲ့ အဲဒီအစီအစဉ်ကို Zayed Happiness Van (ပျော်ရွှင်စရာ ဇေယဒ်ဗန်ကား) လို့ အမည်ပေးထားပြီး ယူအေအီးရဲ့ Year of Zayed (ဇေယဒ်နှစ်) စီမံကိန်း၊ နိုင်ငံတည်ထောင်သူ ရှိခ် ဇေယဒ် ဘင် ဆူလ်တန် အလ် နဟ်ယန်ရဲ့မွေးနေ့တွေကို ဂုဏ်ပြုဖို့ ရည်ရွယ်တာဖြစ်ပါတယ်။

တစ်နှစ်တာကြာမြင့်မယ့် ဒီအစဉ်အစဉ်မှာ သီတင်းပတ်တိုင်း Dar Al Ber Society ဟာ ဒူဘိုင်းက နွမ်းပါးတဲ့နေရာတွေကို သွားရောက်ကာ အစားအသောက်တွေ ဝေငှမှာ ဖြစ်ပါတယ်။

နိုင်ငံခြားသား အလုပ်သမားတွေနေထိုင်ရာနေရာတွေ၊ စက်မှုဇုန်တွေကို အဓိကထား သွားရောက်မှာဖြစ်ပြီး အစားအသောက်တွေအပြင် အခြားလိုအပ်တဲ့ပစ္စည်းတွေ၊ လက်ဆောင်တွေကိုလည်း ဝေငှဖို့ ရှိနေပါတယ်။

မနေ့က ပထမဆုံး အစီအစဉ်မှာတော့ Dar Al Ber Society အဖွဲ့က ဆောင်ရွက်တဲ့ ဒီလှုပ်ရှားမှုရဲ့ ရည်ရွယ်ချက်၊ အလှူဒါနပြုမှုဆိုင်ရာ ကိစ္စတွေနဲ့ပတ်သက်ပြီး အသိပညာပေးတာ၊ မေးခွန်းတွေမေးမြန်းတာတွေ လုပ်ဆောင်ခဲ့ပါတယ်။ အဖြေမှန်ကန်တဲ့သူတွေဟာ စားသောက်ဆိုင်မှာ စားသောက်နိုင်မယ့် ဘောက်ချာတွေကို ဆုအဖြစ်ရခဲ့ပြီး၊ ကံကောင်းသူတစ်ဦးကတော့ မိခင်နိုင်ငံကို ပြန်လို့ရမယ့် လေယာဉ်တစ်ကြောင်းစာလက်မှတ် အခမဲ့ရရှိခဲ့ပါတယ်။

“ကွယ်လွန်သွားရှာပြီဖြစ်တဲ့ ရှိခ် ဇေယဒ်ရဲ့ မွေးနေ့ဟာ ကျွန်တော့်အတွက်တော့ ကံကောင်းခြင်းလက်ဆောင်ပါ။ လေယာဉ်လက်မှတ် မဲပေါက်ခဲ့ပြီး အိန္ဒိယက ကျွန်တော့်မိသားစုဆီ သွားလည်ဖို့အတွက် အရမ်းကို စိတ်အားထက်သန်နေပါတယ်။ ဒီလို အံ့သြစရာကိစ္စအတွက် ကျွန်တော် အရမ်း စိတ်လှုပ်ရှား ပျော်ရွှင်မိပါတယ်။ ကျွန်တော်တို့ရဲ့ ဘ၀တွေ တိုးတက်ကောင်းမွန်ဖို့နဲ့ ကျွန်တော်တို့ ပြုံးပျော်နိုင်ဖို့အတွက် အမြဲတမ်း နည်းလမ်းရှာ ဆောင်ရွက်ပေးတဲ့ Dar Al Ber Society ကိုလည်း ကျွန်တော် ကျေးဇူးတင်ပါတယ်” လို့ အိန္ဒိယရွှေ့ပြောင်းလုပ်သား လီယိုနယ် တီရန့်စ်က ပြောကြားခဲ့ပါတယ်။

မနေ့ကအစီအစဉ်မှာ ပိတ်စ ကိုက် ၂၀၊ ဖိနစ်အသစ်တစ်ရံနဲ့ ကျောပိုးအိတ်တစ်လုံးကိုလည်း လက်ဆောင်အဖြစ် ပေးအပ်ခဲ့ပါတယ်။ အစားအသောက်တွေမှာတော့ ဒန်ပေါက်၊ ရေခဲမုန့်၊ ကွတ်ကီး၊ သစ်သီး၊ ဖျော်ရည် စတာတွေ ပါဝင်ပါတယ်။

“Zayed Happiness Van ဟာ ကျွန်တော်တို့ရဲ့ ကွယ်လွန်သွားပြီဖြစ်တဲ့ ခေါင်းဆောင်ကြီး ရှိခ် ဇေယဒ် အလ် နဟ်ယန်ရဲ့ စိတ်ဓာတ်နဲ့ ရည်ရွယ်ချက်တွေကို ဂုဏ်ပြုဖို့ဖြစ်ပါတယ်” လို့ Dar Al Ber Society ရဲ့ စီအီးအိုဖြစ်သူ အဘ်ဒူလာ အလီ ဘင် ဇေယဒ် အလ် ဖာလာစီက ပြောကြားခဲ့ပါတယ်။

Ref: Khaleej Times