အမှန်တရားဖော်ထုတ်မှုအတွက် နောင်တမရဟု ဒုရဲမှူးဟောင်းပြော

မေ ၉၊ ၂၀၁၈
M-Media

ရုံးထုတ်လာသည့် မိုးရန်နိုင်ကို တွေ့ရစဉ်

– ရိုက်တာသတင်းထောက်တွေကို အကွက်ဆင်ဖမ်းတယ်လို့ ထုတ်ပြောမှုကြောင့် သူ့ကို ထောင်ချလိုက်တာဟာ ရဲတပ်ဖွဲ့ဝင်တွေ နောက်ထပ် အမှန်တရားမပြောရဲအောင် ခြိမ်းခြောက်လိုက်တာဖြစ်တယ်လို့ ဒုရဲမှူးဟောင်း မိုးရန်နိုင်က ပြောကြားလိုက်ပါတယ်။

မိုးရန်နိုင်ဟာ ဒီကနေ့ မြောက်ပိုင်းခရိုင်တရားရုံးမှာ တရားလိုပြသက်သေအဖြစ် လာရောက်ထွက်ဆိုစဉ် အကျဉ်းသားဝတ်စုံ ၀တ်ထားပြီး၊ လက်ထိပ်နဲ့ ခြေချင်းတွေပါ ခတ်ထားတာကို တွေ့ခဲ့ရပါတယ်။

ရခိုင်ပြည်နယ်မြောက်ပိုင်း အင်းဒင်ရွာမှာ ရိုဟင်ဂျာ ၁၀ ဦးကို လုံခြုံရေးတပ်ဖွဲ့တွေနဲ့ ရခိုင်အရပ်သားတွေကာ အစုလိုက်အပြုံလိုက် သတ်ဖြတ်မြှုပ်နှံမှုကို ဖော်ထုတ်တဲ့ ရိုက်တာသတင်းထောက် ၀လုံးနဲ့ ကျော်စိုးဦးတို့ကို အကွက်ဆင် ဖမ်းဆီးဖို့ ရဲချုပ်ကိုယ်တိုင်က စီစဉ်ခိုင်းခဲ့တယ်လို့ ဒုရဲမှူးဟောင်း မိုးရန်နိုင်က ပြီးခဲ့တဲ့လမှာ ထွက်ဆိုခဲ့ပါတယ်။

အဲဒီနောက်ပိုင်း သူ့မိသားစုဟာ နေပြည်တော် ရဲလိုင်းခန်းက နှင်ချခံခဲ့ရသလို မိုးရန်နိုင်ဟာလည်း ရဲတပ်ဖွဲ့ စည်းကမ်းပိုင်းဆိုင်ရာဥပဒေနဲ့ ထောင်တစ်နှစ် ချမှတ်ခံခဲ့ရပါတယ်။

မိုးရန်နိုင်ကတော့ ဒီလိုထွက်ဆိုခဲ့မှုအတွက် နောင်တမရဘူးလို့ ထည့်သွင်းပြောကြားခဲ့ပါတယ်။

“ကျွန်တော့်ကို ထောင်ချလိုက်တာဟာ အမှန်တရားကို ဖော်ထုတ်ချင်တဲ့ အခြား ရဲတပ်ဖွဲ့ဝင်တွေကို ခြိမ်းခြောက်ဖို့ ရည်ရွယ်တာဖြစ်ပါတယ်။ အမှန်တရားတွေ ထောင်မကျဖို့ပဲလိုတယ်။ လုံးဝ နောင်တမရပါဘူး”

မိုးရန်နိုင်ဟာ ရိုက်တာသတင်းထောက်နှစ်ဦး ဖမ်းဆီးခံခဲ့ရတဲ့ ဒီဇင်ဘာ ၁၂ ရက်နေ့မှာပဲ ထိန်းသိမ်းခံလိုက်ရတာဖြစ်ပြီး၊ ရခိုင်ပြည်နယ်မှာ တာဝန်ထမ်းဆောင်စဉ်အတွင်း ၀လုံးနဲ့ ခွင့်ပြုချက်မရှိဘဲ တွေ့ဆုံခဲ့တယ်ဆိုတဲ့ စွဲချက်နဲ့ ဖြစ်ပါတယ်။

ရိုက်တာ သတင်းထောက်နှစ်ဦးရဲ့ ရှေ့နေဖြစ်သူ ဦးသန်းဇော်အောင်ရဲ့ မေးမြန်းမှုကို ဖြေကြားရာမှာ မိုးရန်နိုင်က သူနဲ့ ၀လုံးတို့ဟာ ရဲတပ်ဖွဲ့ဝင်းထဲမှာရှိတဲ့ လက်ဖက်ရည်ဆိုင်မှာ တွေ့ဆုံခဲ့တာဖြစ်ပြီး ၀လုံးဟာ ဘယ်လိုလျှို့ဝှက်အထောက်အထားကိုမှ တောင်းခံခဲ့ခြင်းမရှိကြောင်း ပြောကြားခဲ့ပါတယ်။ သူ့ရဲ့ လက်အောက်ငယ်သားအဖြစ် တာဝန်ထမ်းဆောင်ခဲ့သူတွေကလည်း ၀လုံးဟာ ဘယ်လို လျှိုဝှက်စာရွက်စာတမ်းကိုမှ တောင်းခဲ့ခြင်းမရှိလို့ ဖြေကြားခဲ့ပါတယ်။

သတင်းထောက်နှစ်ဦးရဲ့လက်ထဲကို ရဲတပ်ဖွဲ့က ထည့်ခဲ့တဲ့ စာရွက်စာတမ်းတွေဟာ အရင်တုန်းက ကိစ္စတွေကို ရေးသားထားတာဖြစ်ပြီး ရဲတပ်ဖွဲ့ ကွန်ပျူတာအရာရှိက ထုတ်ပေးကာ အထက်အမိန့်နဲ့ ၀လုံးတို့ဆီ ပေးခဲ့တာဖြစ်တယ်လို့လည်း မိုးရန်နိုင်က ထွက်ဆိုခဲ့ပါတယ်။

“မိုးယံနိုင်ထွက်ဆိုချက်အရ ၀လုံးနဲ့ ကျော်စိုးဦးတို့ဟာ ထောင်ဖမ်းခံလိုက်ရတယ်ဆိုတာကို ပြနေပါတယ်။ ကျွန်တော်တို့ ပိုပြီးတော့ မျှော်လင့်လို့ရပါပြီ” လို့ ရှေ့နေ ဦးသန်းဇော်အောင်က ပြောကြားခဲ့ပါတယ်။

ဒုရဲမှူးဟောင်း မိုးရန်နိုင်တစ်ယောက် ဒီလို ထွက်ဆိုခဲ့တဲ့အတွက် ကျေးဇူးတင်တယ်လို့ ၀လုံးနဲ့ ကျော်စိုးဦးတို့က ပြောကြားခဲ့ပါတယ်။

Ref: Washington Post