ဆီးရီးယားရှိ အီရန်ပစ်မှတ်များကို တိုက်ခိုက်ခဲ့သည်ဟု အစ္စရေးထုတ်ပြန်

မေ ၁၀၊ ၂၀၁၈
M-Media

ဂိုလန်တောင်ကုန်းရှိ အစ္စရေးတပ်ဖွဲ့

– ဆီးရီးယားနိုင်ငံအတွင်းက အီရန်အခြေစိုက်စခန်းတွေကို မနေ့က အကြီးစားတိုက်ခိုက်မှုတွေ လုပ်ခဲ့တယ်လို့ အစ္စရေးက ဒီနေ့မှာ ပြောကြားလိုက်ပြီး အီရန်က ဂိုလန်တောင်ကုန်းမှာရှိတဲ့ သူတို့တပ်ဖွဲ့တွေအပေါ် ဒုံးကျည်နဲ့ တိုက်ခိုက်မှုကို တုန့်ပြန်တာဖြစ်တယ်လို့ ဆိုပါတယ်။

ဒုံးကျည်ပစ်ခတ်တဲ့နေရာတွေ၊ ထောက်လှမ်းရေး၊ ထောက်ပံ့ပို့ဆောင်ရေး၊ သိုလှောင်ရေးနေရာတွေနဲ့ ယာဉ်တွေကို ပစ်မှတ်ထားခဲ့တယ်လို့ အစ္စရေးစစ်တပ်ရဲ့ ပြောရေးဆိုခွင့်ရှိသူ ဂျိုနသန် ကွန်ရီကက်စ်က သတင်းထောက်တွေကို ပြောကြားခဲ့ပါတယ်။

စစ်ဆင်ရေးအတွင်း ဆီရီးယားစစ်တပ်ရဲ့ ပစ်မှတ်တွေကိုလည်း တိုက်ခိုက်ခဲ့တယ်လို့ အစ္စရေးစစ်တပ်က ပြောပါတယ်။

ဆီးရီးယားနိုင်ငံပိုင်သတင်းဌာနက ဆီးရီးယားရဲ့ ရေဒါစနစ်တစ်ခု ဖျက်ဆီးခံလိုက်ရကြောင်း ဖော်ပြခဲ့ပါတယ်။

ဂိုလန်တောင်ကုန်းဟာ ဆီးရီးယားပိုင်ဒေသဖြစ်ပြီး အစ္စရေးက ၁၉၆၇ ခုနှစ်စစ်ပွဲအပြီးမှာ ကျူးကျော်သိမ်းပိုက်ခဲ့တာ ဖြစ်ပါတယ်။

အစ္စရေးဟာ ပြီးခဲ့တဲ့နှစ်အတွင်းမှာ ဆီးရီးယားပိုင်နက်အတွင်း ကျူးကျော်ဝင်ရောက်ကာ တိုက်ခိုက်မှုပေါင်း တစ်ဒါဇင်ကျော်လောက် ပြုလုပ်ခဲ့ပြီး ဧပြီလကလည်း ဟုမ်းစ်ပြည်နယ်အနီးက လေတပ်စခန်းတစ်ခုကို တိုက်ခိုက်ခဲ့ပါတယ်။

ဖေဖော်ဝါရီလအတွင်းမှာ အစ္စရေး F-16 တိုက်လေယာဉ်တစ်စီးဟာ တိုက်ခိုက်ဖို့အတွက် ဆီးရီးယားကို ၀င်လာစဉ်မှာ ဆီးရီးယားတပ်ဖွဲ့က ပစ်ချနိုင်ခဲ့ပါတယ်။ အစ္စရေးကတော့ ဂိုလန်တောင်ကုန်းကို အီရန်က ဒရုန်းတစ်စင်း လွှတ်မှုအတွက် တုန့်ပြန်တာဖြစ်တယ်လို့ ပြောကြားခဲ့ပါတယ်။

မနေ့ညပိုင်းက တိုက်ခိုက်မှုအတွင်းမှာ အစ္စရေး တိုက်လေယာဉ် အစီး ၂၀ လောက်ပါဝင်ခဲ့ပြီး ပြီးခဲ့တဲ့နှစ်တွေအတွင်း အစ္စရေးရဲ့ အကြီးမားဆုံး စစ်ရေးလှုပ်ရှားမှုလည်း ဖြစ်ပါတယ်။

ကွန်ရီကက်စ်က တိုက်ခိုက်မှုလုပ်ခင်မှာ ရုရှားကို အကြောင်းကြားခဲ့တယ်လို့ ပြောကြားခဲ့ပါတယ်။

Ref: Aljazeera