မလေးရှားဝန်ကြီးချုပ်သစ်အဖြစ် မဟာသီယာ မိုဟာမက် ကျမ်းသစ္စာကျိန်ဆို

မေ ၁၀၊ ၂၀၁၈
M-Media

ကျမ်းသစ္စာ ကျိန်ဆိုနေသည့် မဟာသီယာ မိုဟာမက်

– မလေးရှားဝန်ကြီးချုပ်ဟောင်း မဟာသီယာ မိုဟာမက်ဟာ ဒီကနေ့မှာ နိုင်ငံရဲ့ ၇ ဦးမြောက် ၀န်ကြီးချုပ်အဖြစ် ဘုရင့်နန်းတော်မှာ ကျမ်းသစ္စာ ကျိန်ဆိုခဲ့ပါတယ်။

မဟာသီဦးဆောင်တဲ့ နိုင်ငံရေးမဟာမိတ်အဖွဲ့ PH ဟာ မနေ့ကပြုလုပ်တဲ့ အထွေထွေရွေးကောက်ပွဲမှာ အမတ်နေရာ ၁၁၃ နေရာ ရရှိခဲ့ပြီး အစိုးရသစ်ဖွဲ့နိုင်ရေး လိုအပ်တဲ့ ၁၁၂ ထက် ကျော်လွန်ခဲ့ပါတယ်။ ၀န်ကြီးချုပ် နာဂျစ်ရဲ့ BN ပါတီကတော့ ၇၉ နေရာပဲ ရရှိခဲ့ပါတယ်။

ရွေးကောက်ပွဲ ခန့်မှန်းသူတွေက နာဂျစ်ရဲ့ BN ပါတီကပဲ အောင်ပွဲခံလိမ့်မယ်လို့ ခန့်မှန်းထားကြပေမယ့် မဟာသီရဲ့ညွန့်ပေါင်းအဖွဲ့က အံ့ဖွယ် အနိုင်ရခဲ့တာ ဖြစ်ပါတယ်။

အသက် ၉၂ နှစ်အရွယ် BN ပါတီဝင်အဖြစ်နဲ့ ၂၂ နှစ်ကြာ မလေးရှားဝန်ကြီးချုပ်အဖြစ် တာဝန်ထမ်းဆောင်ခဲ့ပြီး ၂၀၀၃ ခုနှစ်မှာ နိုင်ငံရေးလောကကနေ အနားယူခဲ့ပါတယ်။

ဒါပေမယ့် ၀န်ကြီးချုပ်နာဂျစ်ရဲ့ ခြစားမှုသတင်းတွေ ထွက်လာခဲ့ပြီးတဲ့နောက် ပြီးခဲ့တဲ့နှစ်မှာ နိုင်ငံရေးလောကထဲ ပြန်ဝင်လာခဲ့ပြီး BN ပါတီကနေ နှုတ်ထွက်ကာ အတိုက်အခံတွေနဲ့ ပူးပေါင်းခဲ့တာ ဖြစ်ပါတယ်။

ဝန်ကြီးချုပ်သစ် ကျမ်းကျိန်ရေးနဲ့ အစိုးရသစ်ဖွဲ့စည်းအရေးအတွက် နှောင်းနှေးကြန့်ကြာမှုတစ်ချို့ ရှိခဲ့ပါတယ်။ ဒီနေ့မနက်ပိုင်းမှာ ကျမ်းကျိန်ဖို့ သတ်မှတ်ထားပေမယ့် ဖြစ်မလာခဲ့ဘဲ ဘုရင်ဟာ အစိုးရသစ်ကို အခက်တွေ့အောင်လုပ်နေတယ်လို့ သတင်းတွေ ထွက်ခဲ့ပါတယ်။

ဒါပမယ့် ဒီသတင်းတွေကို နန်းတော်က ငြင်းဆိုခဲ့ပြီး မလေးရှားစံတော်ချိန် ည ၉ နာရီခွဲမှာ ကျမ်းကျိန်ဖို့အတွက် ရွေးကောက်ပွဲအနိုင်ရသူတွေကို ဘုရင်က ဖိတ်ခေါ်ခဲ့ပါတယ်။

Ref: CNA