ကျောက်ဖြူရေနက်ဆိပ်ကမ်း (သို့) တရုတ်၏ အကြွေးထောင်ချောက်တစ်ခု

မေ ၁၃၊ ၂၀၁၈
M-Media

တရုတ်၊ အမေရိကန်နှင့် အိန္ဒိယတို့၏ ရေနက်ဆိပ်ကမ်းများနှင့် ရေတပ်အခြေစိုက်စခန်းများ

– ဘင်္ဂလားပယ်လယ်အော်က ငါးဖမ်းဆိပ်ကမ်းနားမှာ တည်ထားတဲ့ ကျောက်ဖြူမြို့လေးဟာ မကြာခင် ကြွယ်ဝချမ်းသာတော့မယ်ဆိုတဲ့ ရနံမျိုး ရရှိနေပါတယ်။

မြစ်ဘေးက ဈေးထဲမှာတော့ ရေထွက်ပစ္စည်းရောင်းတဲ့ဆိုင်တွေဟာ ငါဖမ်းစက်လှေတွေပေါ်ကနေ ပစ္စည်းတွေ ချနေပြီး၊ တရုတ်လုပ်ကစားစရာတွေ၊ စမတ်ဖုန်းရောင်းတဲ့ဆိုင်တွေလည်း ဈေးထဲမှာ ရှိလာပါတယ်။

အနီးအနားက နွားစားကျက်ကတော့ ဆောက်လုပ်ရေးလုပ်ငန်းခွင်ရဲ့ ၀ါးမျိုခြင်းကို ခံလိုက်ရပါတယ်။ ဥတုသုံးပါးဒဏ် ခံရပြီး ဟောင်းနွမ်းနေတဲ့ ဘန်ဂလိုတွေရဲ့နေရာမှာ ရုံးခန်းအမြင့်ကြီးတွေ၊ ဟိုတယ်တွေက အစားထိုးလိုပြီး၊ တိုက်ခေါင်မိုးက အဆင့်မြင့်စားသောက်ဆိုင်တွေနဲ့ ဂေါက်ကွင်းတစ်ခုတို့က အသွင်ပြောင်းလဲမှုကို မီးမောင်းထိုးပြနေပါတယ်။

လူ ၅ သောင်းလောက်သာရှိပြီး ဝေးလံခေါင်ဖျားတဲ့ ဒီမြို့လေးမှာ တစ်ဟုန်ထိုး ဖွံ့ဖြိုးလာမှုနဲ့ မြေဈေးကြီးမြင့်မှုတွေကြောင့် ဆုလာဘ်ကြီးတစ်ပါး ရရှိတော့မလားဆိုတဲ့ မျှော်လင့်ချက်တွေ ရှိနေကြပါတယ်။ အဲဒီဆုလာဘ်က တရုတ်ချေးငွေနဲ့ဆောက်လုပ်မယ့် ကန်ဒေါ်လာ ၁၀ ဘီလီယံတန် ရေနက်ဆိပ်ကမ်းတစ်ခု၊ စက်မှုဇုန်တစ်ခုတို့ပါပဲ။

ကင်မရွန်းနဲ့ သီရိလင်္ကာတို့မှာ ဆောက်လုပ်ခဲ့တဲ့ ရေနက်ဆိပ်ကမ်းတွေထက် ၇ ဆ လောက် ကြီးမယ့် ဒီ ရင်းနှီးမြှုပ်နှံမှုကြောင့် ကျောက်ဖြူဟာ တရုတ်ရဲ့ Belt and Road စီမံကိန်းကနေ တကယ်ပဲ အမြတ်ထွက်ပါ့မလားဆိုတဲ့ သုံးသပ်မှုတွေ မြန်မာနိုင်ငံနဲ့ အာရှတစ်လွှားမှာ ပေါ်လာပါတယ်။

“ဒီဆိပ်ကမ်းရဲ့ တကယ့်အန္တရာယ်က ကုန်ကျစားရိတ် အလွန်ကြီးမြင့်တာဖြစ်ပြီး မြန်မာအစိုးရအနေနဲ့ အကြွေးနွံနစ်မယ့် အနေအထားကို ဦးတည်သွားနိုင်ပါတယ်” လို့ ၀ါရှင်တန်က Centre for Strategic and International Studies မှာ ရှိတဲ့ Asia Maritime Transparency Initiative အဖွဲ့ ဒါရိုက်တာဖြစ်သူ Greg Poling က ပြောကြားခဲ့ပါတယ်။

“လာမယ့်နှစ်အငယ်အတွင်းမှာ အကြွေးထောင်ချောင်ထဲ ၀င်သွားမယ့် အနေအထားပါ”

လွန်ခဲ့တဲ့ ၃ နှစ် မြန်မာအစိုးရဟာ တရုတ်ရဲ့ Citic Group ကို စီမံကိန်း အကောင်အထည်ဖော်ဖို့ ရွေးချယ်ခဲ့ကတည်းက ဒီလို စိုးရိမ်မှုတွေမြင့်တက်ကာ လုပ်ငန်းတိုးတက်မှု နှေးကွေးခဲ့ရပါတယ်။

Citic ဟာ တရုတ်နိုင်ငံရဲ့ ပထမဆုံး နိုင်ငံပိုင် ရင်းနှီးမြှုပ်နှံမှု ကော်ပိုရေးရှင်းဖြစ်ပြီး စီမံကိန်းရဲ့ ၇၀ ရာခိုင်နှုန်းကို ပိုင်ဆိုင်ခွင့်ပေးဖို့ တောင်းဆိုထားပါတယ်။ ကျန်တဲ့ ၃၀ ရာခိုင်နှုန်းကိုတော့ မြန်မာအစိုးရ၊ စီမံကိန်းမှာပါဝင်တဲ့ ဒေသတွင်း လုပ်ငန်းတွေက ခွဲယူကြရမှာပါ။ တရုတ်ကုမ္ပဏီက စီမံကိန်းအတွက် မြန်မာနိုင်ငံကို ငွေကြေးထောက်ပံ့ကာ ဒီရေနက်ဆိပ်ကမ်းကို ၇၅ နှစ်အထိ စီမံမှာဖြစ်ပါတယ်။

စီမံကိန်းအတွက် ချေးရမယ့် ဘီလီယံနဲ့ချီတဲ့ ဒေါ်လာတွေကို ပြန်ဆပ်ဖို့နဲ့ ၀န်ဆောင်မှုပေးနိုင်ဖို့အတွက် တိုင်းပြည်ဟာ ရုန်းကန်ရနိုင်တယ်ဆိုတဲ့ စိုးရိမ်မှုတွေ မြန်မာအစိုးရရဲ့ အကြီးတန်းအရာရှိတစ်ချို့မှာ ရှိနေပါတယ်။

“ချေးငွေအတွက် အတိုးက သိပ်များတယ်ဗျ။ ဂျပန်အစိုးရကပေးတဲ့ နှစ်ရှည်ချေးငွေလိုမျိုးမဟုတ်ဘူး။ တရုတ်ကချေးငွေဟာ တော်တော်အတိုးများတယ်” လို့ အာဏာရ NLD ပါတီက ဗဟိုစီးပွားရေးကော်မတီအဖွဲ့ဝင် ဦးစိုးဝင်းက ပြောပါတယ်။

ရန်ကုန်မြို့တောင်ဘက် သီလ၀ါဆိပ်ကမ်းက အထူးစီးပွားရေးဇုန်အတွက် Japan International Cooperation Agency ဟာ ကန်ဒေါ်လာ ၃.၂၈ ဘီလီယံ ထုတ်ပေးထားပါတယ်။

သီလ၀ါ အထူးစီးပွားရေးဇုန် ရှိနေရဲ့သားနဲ့ ကျောက်ဖြူမှာ ဒီလို ကြီးမားတဲ့ စီမံကိန်းမျိုး လိုအပ်ရဲ့လားဆိုတာနဲ့ တရုတ်ကုမ္ပဏီတွေ ချယ်လှယ်တဲ့ တရုတ်ရဲ့ သပ်တစ်ခု ဖြစ်နေမလားဆိုတဲ့ မေးခွန်းတွေလည်း ထွက်လာပါတယ်။

“ရေနက်ဆိပ်ကမ်းတစ်ခုတော့ ရှိနေတယ်၊ ဒါပေမယ့် မြန်မာနိုင်ငံက ထိန်းချုပ်ထားတာမဟုတ်ဘူးဆိုရင် ဒါက ပြဿနာပါ” လို့ ဒီစီမံကိန်းမှာ ပါဝင်တဲ့ တစ်ခုတည်းသော မြန်မာကုမ္ပဏီ ‘ပါရမီစွမ်းအင်လုပ်ငန်း’ ကို တည်ထောင်သူ အမှုဆောင်ဒါရိုက်တာ ဦးကန်ထွန်းက ပြောပါတယ်။

သီရိလင်္ကာမှာဖြစ်ခဲ့တဲ့ အလားတူအဖြစ်အပျက်မျိုးကလည်း နောက်ထပ်စိုးရိမ်စရာတစ်ခုပါ။

၂၀၀၈ ခုနှစ်က ဟမ်ဘန်တိုတာမြို့မှာ တရုတ်နဲ့ပေါင်းပြီး ရေနက်ဆိပ်ကမ်းတစ်ခုကို သီရိလင်္ကာက ဆောက်လုပ်ခဲ့ပါတယ်။ စီမံကိန်းအတွက် ချေးငွေကို သီရိလင်္ကာက ပြန်မဆပ်နိုင်တဲ့အခါမှာ ဒီရေနက်ဆိပ်ကမ်းကို နှစ်ပေါင်း ၉၉ နှစ် တရုတ်လက်ထဲ ထိုးအပ်လိုက်ရပါတယ်။

“မြန်မာနိုင်ငံက နိုင်ငံရေးအခင်းအကျင်းတွေမှာ တရုတ်က လွှမ်းမိုးဖို့ ကြိုးစားနေတယ်။ ကျွန်တော်တို့ကတော့ သီရိလင်္ကာလို ဖြစ်သွားမလားလို့ စိုးရိမ်နေပါတယ်” လို့ ဦးစိုးဝင်းက ပြောကြားခဲ့ပါတယ်။

Ref : Straits Times

(Straits Times တွင် ဖော်ပြထားသည့် Chinese port project could land Myanmar in debt trap ဆောင်း ပါးကို လေးမောင်က ဆီလျော်အောင် ဘာသာပြန်ဆိုသည်)