ဂါဇာတွင် အစ္စရေးလက်ချက်ကြောင့် အနည်းဆုံး ပါလက်စတိုင်း ၄၁ ဦး သေဆုံး

မေ ၁၄၊ ၂၀၁၈
M-Media

– အစ္စရေးကပိတ်ဆို့ထားတဲ့ ပါလက်စတိုင်းပိုင် ဂါဇာနယ်စပ်မှာ ဒီကနေ့ဆန္ဒပြမှုအတွင်း အစ္စရေးစစ်တပ်ရဲ့ ပစ်ခတ်သတ်ဖြတ်မှုတွေကြောင့် အနည်းဆုံး ပါလက်စတိုင်း ၄၁ ဦး သေဆုံးခဲ့ပြီး ၁၉၀၀ လောက် ဒဏ်ရာရရှိခဲ့ပါတယ်။

အဲဒီဆန္ဒပြမှုဟာ ၁၉၄၈ ခုနှစ် ပါလက်စတိုင်းပိုက်နက်တွေကို အစ္စရေးက ကျူးကျော်သိမ်းပိုက်မှုအတွင်း နေရပ်စွန့်ခွာခဲ့ရတဲ့ ပါလက်စတိုင်းတွေ အိမ်ပြန်နိုင်ရေး ရည်ရွယ်ကာ မတ်လ ၃၀ ရက်နေ့က ဂါဇာမှာ စတင်ခဲ့တဲ့ ဆန္ဒပြမှု တစ်စိတ်တစ်ပိုင်း ဖြစ်သလို၊ ဒီကနေ့ ဂျေရုစလင်မှာပြုလုပ်တဲ့ အမေရိကန်သံရုံး ဖွင့်ပွဲအခမ်းအနားကိုလည်း ဆန့်ကျင်ဖို့ ရည်ရွယ်ပါတယ်။

မတ်လ ၃၀ ရက်နေ့ကတည်း စတင်တဲ့ ဆန္ဒပြမှုတွေမှာ အစ္စရေးလက်ချက်ကြောင့် သေဆုံးသူ ပါလက်စတိုင်းအရေအတွက်ဟာ အနည်းဆုံး ၉၀ လောက်ရှိနေပြီ၊ ဒဏ်ရာရသူတွေကတော့ ၁၀၅၀၀ လောက် ရှိနေပါပြီ။

ဂါဇာလူဦးရေ ၂ သန်းရဲ့ ၇၀ ရာခိုင်နှုန်းလောက်ဟာ ၁၉၄၈ ခုနှစ် အစ္စရေးရဲ့ ကျူးကျော်သိမ်းပိုက်မှုအတွင်း အိုးအိမ်စွန့်ခွာ ထွက်ပြေးခဲ့ရတဲ့ ပါလက်စတိုင်းတွေရဲ့ မျိုးဆက်တွေဖြစ်ပါတယ်။

ပါလက်စတိုင်းတွေဟာ မေလ ၁၅ ရက်နေ့မှာ အလ်နက္ကဘာလို့ခေါ်တဲ့ အခမ်းအနားတစ်ခုကိုလည်း ကျင်းပဖို့ရှိနေပြီး ဇိုင်ယွန်ဝါဒီတွေကြောင့် နိုင်ငံပျောက်ခဲ့ရမှု အောက်မေ့ဖွယ် ဖြစ်ပါတယ်။

ဂါဇာက ဒီကနေ့ဆန္ဒပြမှုအတွင်း သေဆုံးသူ ၄၁ ဦးထဲမှာ အမျိုးသမီးတစ်ဦးအပါအ၀င် အသက် ၁၈ နှစ်အောက် အနည်းဆုံး ၆ ဦ ပါဝင်တယ်လို့ ပါလက်စတိုင်း ကျန်းမာရေးဝန်ကြီးဌာနက သတင်းထုတ်ပြန်ပါတယ်။ ဒဏ်ရာရသူ ၁၉၆၀ ဦးမှာတော့ အနည်းဆုံး ၂၀၀ လောက်ဟာ ၁၈ နှစ်အောက်တွေ ဖြစ်ကြပြီး၊ အမျိုးသမီး ၇၈ ဦးနဲ့ ဂျာနယ်လစ် ၁၁ ဦး ပါဝင်ပါတယ်။

Ref: Aljazeera