ဝန်ကြီးချုပ်ဟောင်းနာဂျစ်နှင့် ဆက်နွယ်သည့်နေရာ ၅ ခုကို မလေးရဲတပ်ဖွဲ့ ရှာဖွေ

မေ ၁၇၊ ၂၀၁၈
M-Media

– ၀န်ကြီးချုပ်ဟောင်း နာဂျစ်ရာဇတ်နဲ့ ဆက်နွယ်နေတဲ့ နေရာ ၅ ခုမှာ မလေးရှားရဲတပ်ဖွဲ့ဟာ မနေ့က တစ်ညလုံး ရှာဖွေမှုတွေ ပြုလုပ်ခဲ့ပြီး နာဂျစ်မိသားစု လက်ရှိနေထိုင်ရာအိမ်လည်း ပါဝင်တယ်လို့ ရဲတပ်ဖွဲ့ အကြီးတန်းအရာရှိတစ်ဦးက ပြောကြားလိုက်ပါတယ်။

နာဂျစ်ရဲ့ ရှေ့နေတစ်ဦးကတော့ ငွေကြေးခ၀ါချမှုကိစ္စနဲ့ပတ်သက်ပြီး ရဲတပ်ဖွဲ့ဟာ အမျိုးသမီးလက်ကိုင်အိပ်တွေနဲ့ အခြား ပစ္စည်းတစ်ချို့ကို သိမ်းဆည်းသွားခဲ့တယ်လို့ ဆိုပါတယ်။

သူကိုယ်တိုင် တည်ထောင်ထားတဲ့ နိုင်ငံပိုင် 1MDB လုပ်ငန်းကနေ နာဂျစ်ဟာ ဒေါ်လာ ဘီလီယံချီ ခြစားခဲ့တယ်လို့ ပြီးခဲ့တဲ့နှစ်မှာ သတင်းထွက်ခဲ့ပြီး အမေရိကန်အပါအ၀င် အနည်းဆုံး ကမ္ဘာ့နိုင်ငံပေါင်း ၆ နိုင်ငံက ဒီကိစ္စကို စုံစမ်းစစ်ဆေးမှုတွေ ပြုလုပ်နေပါတယ်။ နာဂျစ်ကတော့ သူ့အနေနဲ့ ဘာအမှားမှ လုပ်ထားတာမရှိဘူးလို့ ပြောကြားထားပါတယ်။

ရဲတပ်ဖွဲ့ရဲ့ စီးပွားရေးရာဇ၀တ်မှုဆိုင်ရာ စုံစမ်းစစ်ဆေးမှုအကြီးအကဲ အေမာရ်ဆင်းက ကွာလာလမ်ပူ အထူးရပ်ကွက်မှာရှိတဲ့ နာဂျစ်ရဲ့ မိသားစုအိမ်အပါအ၀င် သူနဲ့ဆက်စပ်တဲ့ နေရာ ၅ ခုကို ရဲတပ်ဖွဲ့က ရှာဖွေခဲ့တယ်လို့ ပြောကြားခဲ့ပါတယ်။

အသေးစိတ်ကို ဆင်းက ပြောကြားခဲ့ခြင်းမရှိပေမယ့် မလေးသတင်းစာ The Star က ၀န်ကြီးချုပ်ရုံး၊ ၀န်ကြီးချုပ်စံအိမ်၊ ကွာလာလမ်ပူက အဆင့်မြင့် ကွန်ဒိုတစ်ခုက နာဂျစ်မိသားစုရဲ့ တိုက်ခန်း ၂ ခု စတဲ့နေရာတွေမှာ ရှာဖွေမှုတွေ ပြုလုပ်ခဲ့တာဖြစ်တယ်လို့ ဖော်ပြခဲ့ပါတယ်။

ရမ်ဇာန်ဥပုသ်လ ပထမဆုံးနေ့ ညဥ့်ဦးယံဝတ်ပြုမှုအပြီး ၀န်ကြီးချုပ်ဟောင်းနာဂျစ် အိမ်ပြန်ရောက်ပြီးတဲ့နောက် ရဲတပ်ဖွဲ့က အင်အားအလုံးအရင်းနဲ့ ၀င်ရောက်ရှာဖွေခဲ့တာဖြစ်ကာ ၁၂ နာရီလောက် ကြာမြင့်ခဲ့တယ်လို့ ဆိုပါတယ်။

နာဂျစ်ရဲ့ရှေ့နေ ဟာပါလ်ဆင်းက ငွေကြေးခ၀ါချမှု အက်ဥပဒေနဲ့ ရှာဖွေမှုတွေ ပြုလုပ်ခဲ့ပေမယ့် ရာဇ၀တ်မှုမြောက်တဲ့ပစ္စည်း ဘာမှမတွေ့သွားဘူးလို့ ပြောကြားခဲ့ပါတယ်။

“သေတ္တာ နှစ်လုံး၊ သုံးလုံးကလွဲလို့ ဘာမှ မပါသွားပါဘူး။ ရဲက တရားစွဲနိုင်တဲ့ပစ္စည်း ဘာမှမရှိပါဘူး”

နာဂျစ်နဲ့ မိသားစုဟာ ရှာဖွေမှုမှာ ပူးပေါင်းဆောင်ရွက်ခဲ့ပြီး ရဲတပ်ဖွဲ့ကလည်း သူ့ရဲ့ လုပ်ငန်းစဉ်အတိုင်း ဆောင်ရွက်သွားတာဖြစ်တယ်လို့ ဟာပါလ်ဆင်းက ထည့်သွင်းပြောကြားခဲ့ပါတယ်။

Ref: CNA