အီဂျစ်ရှိ အလ်-အဇ်ဟာရ်တက္ကသိုလ်က ပထမဆုံး သံပြိုင်ဂီတအဖွဲ့တစ်ခု ဖွဲ့စည်း

မေ ၂၂၊ ၂၀၁၈
M-Media

– အီဂျစ်နိုင်ငံက နာမည်ကျော် အစ္စလာမ့်တက္ကသိုလ် အလ်အဇ်ဟာရ်ဟာ ပထမဆုံးအကြိမ်ဖြစ် သံပြိုင်အဖွဲ့တစ်ခုကို ဖွဲ့စည်းပြီး ဖျော်ဖြေမှုတွေ ပြုလုပ်နေပါတယ်။

ကျောင်းသား ၈ ဦးနဲ့ ကျောင်းသူ ၈ ဦးတို့ပါဝင်တဲ့ အဲဒီသံပြိုင်အဖွဲ့ဟာ ဧပြီလ ၂၈ ရက်နေ့မှာ ပြုလုပ်ခဲ့ အနုပညာနဲ့ တီထွင်ဖန်တီးမှုပွဲတော်မှာ ဖျော်ဖြေခဲ့ပါတယ်။ အဲဒီပွဲတော်ကို အလ်-အဇ်ဟာရ်တက္ကသိုလ်ရဲ့ အစည်းအဝေးစင်တာမှာ ကျင်းပတာဖြစ်ပြီး တက္ကသိုလ်ရဲ့ နာမည်ကျော်ပုဂ္ဂိုလ်တွေ တက်ရောက်ခဲ့ပါတယ်။

သံပြိုင်အဖွဲ့ရွေးချယ်ရေးမှာ ကျောင်းသား ၆၀၀ နီးပါးလောက် ပါဝင်ခဲ့ကြပါတယ်။ အဲဒီ သံပြိုင်အဖွဲ့ဟာ တက္ကသိုလ်ကို ကိုယ်စားပြုမှာ ဖြစ်ပါတယ်။ လက်ရှိရွေးချယ်ထားတဲ့ ၁၆ ယောက်ဟာ အသက် ၁၉ နှစ်ကနေ ၂၂ နှစ်အရွယ်ရှိသူ လူငယ်တွေပါ။

သူတို့ကိုလေ့ကျင်ပေးဖို့အတွက် နာမည်ကျော် အနုပညာရှင်တစ်ဦးကို ခန့်အပ်ထားပြီး၊ ပုဂ္ဂလိက တက္ကသိုလ်က ဆရာတစ်ဦးနဲ့အတူ တွဲသင်ပေးမှာ ဖြစ်ပါတယ်။

မတ်လမှာ အီဂျစ် လူငယ်နဲ့ အားကစားဝန်ကြီးဌာနက ပြုလုပ်တဲ့ ဂီတပြိုင်ပွဲ Ibda’a- Creativity ကို အလ်-အဇ်ဟာရ်က အဲဒီအဖွဲ့ ၀င်ရောက်ယှဉ်ပြိုင်ခဲ့ပြီး ဒုတိယရရှိခဲ့ပါတယ်။

အဖွဲ့ကို ဂီတလောကမှာ နှစ်ပေါင်း ၄၀ ကျော် ကျင်လည်လာခဲ့တဲ့ နာမည်ကျော် ဂီတပညာရှင် ဟာဆန် ဖစ်ကရီက ဦးဆောင်တာ ဖြစ်ပါတယ်။

အလ်-အဇ်ဟာရ်တက္ကသိုလ်ဟာ အနုပညာနဲ့ တီထွင်ဖန်တီးမှုပိုင်းကို စိတ်ဝင်စားနေပြီး တက္ကသိုလ်ရဲ့ ဒုတိယအကြီးအကဲ အဘတ်စ် ရှိုမန်က သူတို့တက္ကသိုလ်အနေနဲ့ အနုပညာနဲ့ တီထွင်ဖန်တီးနိုင်စွမ်းကို မဆန့်ကျင်ဘဲ ပြည်သူတွေက လက်ခံဖို့ပဲလိုတယ်လို့ အနုပညာနဲ့ တီထွင်ဖန်တီးမှုပွဲတော် မိန့်ခွန်းမှာ ထည့်သွင်းပြောကြားခဲ့ပါတယ်။

Ref: Alarabiya