စနေနေ့မနက် နိုင်ငံတကာသတင်းများ

မေ ၂၆၊ ၂၀၁၈
M-Media

ဖီဖာဥက္ကဌနှင့် တွေ့ဆုံနေသည့် ဆော်ဒီအိမ်ရှေ့မင်းသား မိုဟာမက် ဘင် ဆလ်မန်

ထရမ့်-ကင်ဂျုံအွန်တို့ ဆွေးနွေးပွဲ ပြန်ဖြစ်လာမည်
==============
ဇွန်လ ၁၂ ရက်နေ့မှာ စီစဉ်ထားတဲ့ မြောက်ကိုရီးယားခေါင်းဆောင် ကင်ဂျုံအွန်နဲ့ တွေ့ဆုံရေးကိစ္စ ပြန်လည်ဖြစ်မြောက်လာအောင် ဆွေးနွေးမှုတွေလုပ်နေပြီး အခြေအနေကောင်းနေတယ်လို့ အမေရိကန်သမ္မတ ဒေါ်နယ်ထရမ့်က မနေ့ညပိုင်းမှာ ပြောကြားလိုက်ပါတယ်။ မြောက်ကိုရီးယားရဲ့ ရန်လိုမှု၊ ဒေါသတွေကို တွေ့ရတဲ့အတွက် တွေ့ဆုံပွဲကို ဖျက်သိမ်းတယ်လို့ ထရမ့်က ကြာသာပတေးနေ့မှာ ကြေငြာခဲ့တာပါ။ ဒါပေမယ့် မြောက်ကိုရီးယားဖက်က တံခါးဖွင့်ထားဆဲလို့ ထုတ်ပြန်တာကြောင့် အမေရိကန်က ဆွေးနွေးပွဲကို ပြန်အသက်သွင်းဖို့ စီစဉ်နေတာဖြစ်ပါတယ်။

အသတ်ခံရသည်ဟု သတင်းထွက်သည့် ဆော်ဒီအိမ်ရှေ့မင်းသား လူမြင်ကွင်းပြန်ထွက်
=====================
ဆော်ဒီအိမ်ရှေ့မင်းသား မိုဟာမက် ဘင် ဆလ်မန်ဟာ မနေ့က ကမ္ဘာ့ဘောလုံးအဖွဲ့ချုပ် (ဖီဖာ) ဥက္ကဌ အန်ဖန်တီနိုနဲ့ တွေ့ဆုံခဲ့ပြီး ဧပြီလ ၂၁ ရက်နေ့နောက်ပိုင်း ပထမဆုံး လူမြင်ကွင်းကို ပြန်ထွက်လာတာ ဖြစ်ပါတယ်။ ပြီ ၂၁ ရက်နေ့က ရီယာ့ဒ်မှာရှိတဲ့ နန်းတော်မှာ သေနတ်သံတွေကြားခဲ့ရပြီး ဘင်ဆလ်မန်ကို မကျေနပ်တဲ့ တော် ၀င်မင်းသားတွေက အာဏာသိမ်းတာဖြစ်တယ်လို့ သတင်းတွေထွက်ခဲ့ပေမယ့် ဆော်ဒီအစိုးရကတော့ ကစားစရာ ဒရုန်းတစ်ခုကို ပစ်ချတာလို့ သတင်းထုန်ပြန်ပါတယ်။ ဘင် ဆလ်မန်ဟာ အဲဒီအဖြစ်အပျက်အပြီးမှာ လူမြင်ကွင်းကနေ လုံးဝပျောက်သွားခဲ့ပြီး အာဏာသိမ်းမှုအတွင်း အသတ်ခံလိုက်ရတယ်လို့ ကောလဟာလတွေ ထွက်ခဲ့ပါတယ်။

ကနေဒါရှိ အိန္ဒိယစားသောက်ဆိုင်တွင် ပေါက်ကွဲမှုဖြစ်
===============
ကနေဒါနိုင်ငံ တိုရွန်တိုဆင်ခြေဖုံးက အိန္ဒိယစားသောက်ဆိုင်တစ်ခုမှာ ကြာသာပတေးနေ့ညပိုင်းက ဖြစ်ပွားခဲ့တဲ့ ပေါက်ကွဲမှုနဲ့ပတ်သက်ပြီး သံသယရှိသူ ၂ ဦးကို ရှာဖွေနေတယ်လို့ ကနေဒါရဲတပ်ဖွဲ့က ထုတ်ပြန်ပါတယ်။ အဲဒီသံသယရှိသူနှစ်ယောက်ဟာ Bombay Bhel ဆိုတဲ့ စားသောက်ဆိုင်ကို မျက်နှာတွေဖုံးကာ ၀င်ရောက်ခဲ့တာ ဖြစ်ပါတယ်။ ရဲတပ်ဖွဲ့ကတော့ လက်ရှိအချိန်အထိ အကြမ်းဖက်မှုလုပ်ရပ်၊ အမုန်းဆောင်ရာဇ၀တ်မှုတွေနဲ့ ဆက်စပ်တယ်ဆိုတဲ့ အနေအထားမျိုးကို မတွေ့ရသေးကြောင်း ပြောကြားခဲ့ပါတယ်။ ပေါက်ကွဲမှုကြောင့် လူ ၁၅ ဦး ဒဏ်ရာရရှိခဲ့ပါတယ်။

ဟောလီးဝုဒ် နာမည်ကြီးထုတ်လုပ်သူ လိင်စော်ကားမှုဖြင့် တရားစွဲခံရ
================
ဟောလီးဝုဒ်က နာမည်ကျော် ရုပ်ရှင်ထုတ်လုပ်သူ ဟာဗေး ၀ိုင်စတိန်းဟာ အဓမ္မကျင့်မှု လိင်ပိုင်းဆိုင်ရာ စော်ကားမှုတွေနဲ့ မနေ့မှာ တရားစွဲခံခဲ့ရပါတယ်။ မင်းသမီးဟောင်း လူစီယာ အီဗန်စ်က ၀ိုင်စတိန်းဟာ ၂၀၀၄ ခုနှစ်မှာ သူမကို လိင်စော်ကားမှုလုပ်ခဲ့တယ်လို့ ဖွင့်ဟခဲ့ပြီးတဲ့နောက်ပိုင်း အခြား ရုပ်ရှင်လောကသား တော်တော်များ များကလည်း ၀ိုင်စတိန်းရဲ့ လုပ်ရပ်တွေကို ဖော်ထုတ်ခဲ့ကြပါတယ်။ မနေ့က ၀ိုင်စတိန်းကို အမျိုးသမီးနှစ်ဦးအပေါ် ကျူးလွန်မှုနဲ့ နယူးယောက်က တရားရုံးမှာ တရားစွဲခဲ့တာဖြစ်ပြီး ဒေါ်လာ တစ်သန်းတန် အာမခံနဲ့ ပြန်လွှတ်ပေးခဲ့ပါတယ်။ ၀ိုင်စတိန်းက နှစ်ဦးသဘောတူခြင်းမရှိဘဲ လိင်ပိုင်းဆိုင်ရာ ပတ်သက်တာမျိုး မရှိခဲ့ဘူးလို့ ပြောကြားခဲ့ပါတယ်။ GPS နောက်ယောက်ခံစနစ် ၀င်ဆင်ဖို့၊ နိုင်ငံကူးလက်မှတ် ပယ်ဖျက်ဖို့ စတာတွေကိုလည်း ၀ိုင်စတိန်းက သဘောတူခဲ့ရပါတယ်။

Ref: Aljazeera, CNN, BBC