ရုရှားနိုင်ငံခြားရေးဝန်ကြီး ပြုံးယမ်သို့လာရောက်ကာ ကင်ဂျုံအွန်နှင့်တွေ့

မေ ၃၁၊ ၂၀၁၈
M-Media

လာဗရော့ဗ် (ယာ) နှင့် တွေ့ရသည့် မြောက်ကိုရီးယား ခေါင်းဆောင် ကင်ဂျုံအွန်

– မြောက်ကိုရီးယားအနေနဲ့ နျူကင်းစင်ရေး ဆောင်ရွက်မယ်ဆိုရင် ပိတ်ဆို့မှုတွေ တစ်ဖြည်းဖြည်းချင်း ပြေလျော့သွားလိမ့်မယ်လို့ ပြုံးယမ်ကို ရောက်ရှိနေတဲ့ ရုရှားနိုင်ငံခြားရေးဝန်ကြီး ဆာဂျီလာဗရော့ဗ်က ပြောကြားလိုက်ပါတယ်။

လာရော့ဗ်ဟာ ဒီကနေ့မှာ ရောက်ရှိလာတာဖြစ်ပြီး မြောက်ကိုရီးယားခေါင်းဆောင် ကင်ဂျုံအွန်၊ နိုင်ငံခြားရေးဝန်ကြီး ရီယွန်ဟိုတို့နဲ့ တွေ့ဆုံခဲ့ပါတယ်။

“ကိုရီးယားကျွန်းဆွယ်က နျူကလီးယားပြဿနာကို ဘယ်လိုဖြေရှင်းကြမလဲဆိုပြီး ကျွန်တော်တို့ ဆွေးနွေးတဲ့အခါ ပိတ်ဆို့မှုတွေ မဖယ်ရှားပေးဘဲနဲ့ ဘယ်လိုမှ ပြဿနာပြေလည်မှာမဟုတ်ဘူးဆိုတာကို သွားတွေ့ပါတယ်။ တစ်ဖက်တည်းက လုပ်လို့ အောင်မြင်နိုင်တဲ့အရာ မဟုတ်ပါဘူး။ နျူကင်းစင်ရေးကို ချက်ခြင်းလုပ်လို့မရဘဲ တစ်လှမ်းချင်းစီသွားကာ ပတ်သတ်သူအားလုံးက တစ်ဆင့်ချင်းစီကို ဖြည်ဖြည်းနဲ့မှန်မှန် လုပ်ဆောင်သွားရမှာ ဖြစ်ပါတယ်” လို့ လာဗရော့ဗ်က ပြောကြားခဲ့ပါတယ်။

အမေရိကန် မြောက်ကိုရီးယားအနေနဲ့ နျူအစီအစဉ်ကို အလျင်အမြန်စွန့်လွှတ်ဖို့ လိုလားနေပြီး အဲဒီလိုလုပ်မှသာ ပိတ်ဆို့မှုတွေ ဖယ်ရှားပေးကာ၊ စီးပွားရေးအခွင့်အလမ်တွေ ပေးမယ်လို့ ကမ်းလှမ်းထားပါတယ်။

ဒါပေမယ့် ကင်ဂျုံအွန်ဟာ သူ့အတွက် လုံခြုံရေး အာမခံချက်မရဘူးဆိုရင် လက်ခံမှာမဟုတ်ဘူးလို့ ကျွမ်းကျင်သူတွေက သုံးသပ်ကြပါတယ်။

ကင်ဂျုံအွန်ရဲ့ ထိပ်တန်းအကြံပေး ကင်ယွန်ချိုဟာ မနေ့က အမေရိကန်ကို ရောက်ရှိလာခဲ့ပြီး ဇွန်လ ၁၂ ရက်နေ့မှာ ပြုလုပ်ဖို့ စီစဉ်ထားတဲ့ ထရမ့်-ကင်ဂျုံအွန် ထိပ်သီးအစည်းအဝေး ကိစ္စဆွေးနွေးဖို့ ဖြစ်ပါတယ်။

Ref: Aljazeera