ခရစ်ယာန်ဘုရားကျောင်းများကို တိုက်ခိုက်သည့် အကြမ်းဖက်အဖွဲ့ကို အင်ဒိုနီးရှား ပစ်ခတ်ဖမ်းဆီး

ဇွန် ၁၊ ၂၀၁၈
M-Media

ခရစ်ယာန်ဘုရားကျောင်း အကြမ်းဖက်တိုက်ခိုက်ခံရမှု မြင်ကွင်း

– အခုလအတွင်း ခရစ်ယာန်ဘုရားကျောင်းတွေနဲ့ ရဲဌာနတစ်ခုတို့ကို အကြမ်းဖက်တိုက်ခိုက်မှုတွေ ပြုလုပ်ခဲ့တဲ့အဖွဲ့တွေကို အင်ဒိုနီးရှားရဲတပ်ဖွဲ့က ပြီးခဲ့တဲ့ရက်ပိုင်းမှာ စီးနင်းဖမ်းဆီးမှုတွေ ပြုလုပ်ခဲ့ပါတယ်။

ဖမ်းဆီးမှုအတွင်း ခုခံမှုတွေရှိတာကြောင့် ရဲတပ်ဖွဲ့က တုန့်ပြန်ပစ်ခတ်ခဲ့ရပြီး အကြမ်းဖက်သံသယရှိသူ ၄ ဦး သေဆုံးကာ ၄၁ ဦးကို ဖမ်းဆီးရမိခဲ့တယ်လို့ ရဲတပ်ဖွဲ့အကြီးအကဲ တီတို ကာရ်နာဗီယန်က သတင်းထောက်တွေကို မနေ့မှာ ပြောကြားခဲ့ပါတယ်။

IS ကို သစ္စာခံတဲ့ ဒေသခံ အကြမ်းဖက်အဖွဲ့အစည်းက အဖွဲ့ဝင်မိသားစုနှစ်စုဟာ မေလ ၁၃ ရက်နဲ့ ၁၄ ရက်နေ့တွေမှာ ခရစ်ယာန်ဘုရားကျောင်း ၃ ခုနဲ့ ရဲဌာနချုပ်တစ်ခုတို့ကို အသေခံဗုံးခွဲ တိုက်ခိုက်ခဲ့ပြီး လူ ၁၄ ဦးသေဆုံးကာ ၄၀ လောက် ဒဏ်ရာရရှိခဲ့ပါတယ်။

ဒီအဖြစ်အပျက် ဖြစ်ပွားပြီးနောက် မေလ ၂၅ ရက်နေ့မှာ အင်ဒိုနီးရှားဟာ အကြမ်းဖက်တိုက်ဖျက်ရေး ဥပဒေတစ်ခုကို အတည်ပြုခဲ့ပါတယ်။ အဲဒီဥပဒေဟာ အကြမ်းဖက်သံသယရှိသူတွေကို လက်ဦးမှုရယူ ဖမ်းဆီးရာမှာ ရဲတပ်ဖွဲ့ကို ပိုမိုအာဏာပေးအပ်ထားပြီး လိုအပ်လာရင် စစ်တပ်ပါ ပါဝင်ဆောင်ရွက်နိုင်မှာ ဖြစ်ပါတယ်။

Ref: CNA