ပါကစ္စတန်မှာ ပျောက်ကွယ်လုဖြစ်လာတဲ့ ၀ါတွင်း နိဗ္ဗာန်ဆော်ဓလေ့

ဇွန် ၅၊ ၂၀၁၈
M-Media

နိဗ္ဗာန်ဆော်သူ ဟူစိန်

– ရာဝါလ်ပင်ဒီမြို့ရဲ့ လူရှင်းနေတဲ့ လမ်းတွေမှာ မနက် ၁ နာရီအချိန် လာလ်ဟူစိန်ရဲ့ စည်းချက်ညီ ဗုံသံတွေက တိတ်ဆိတ်ငြိမ်သက်မှုကို ဖြိုခွင်းကာ လွင့်ပျံလာခဲ့ပြီး ဆဲဟ်ရီဝါထမင်းစားကာ ရမ်ဇာန်လရဲ့ ဥပုသ်နေ့ကို စတင်ဖို့ မြို့နေပြည်သူတွေကို နှိုးဆော်တိုက်တွန်းနေပါတယ်။

“၀ါထမင်းစားရန် ထတော်မူပါ… သူတော်ကောင်း အပေါင်းတို့…” ဆိုတဲ့ ဟူစိန်ရဲ့နှိုးဆော်သံဟာ Bhangra ဂီတစတိုင် ဗုံသံနဲ့အတူ ထွက်ပေါ်လာခဲ့ပါတယ်။

ရမ်ဇာန်ဥပုသ်လရောက်တိုင်း ဟူစိန်တစ်ယောက် ဒီလို နိဗ္ဗာန်ဆော်အလုပ် လုပ်ဆောင်လာတာဟာ နှစ်ပေါင်း ၃၅ နှစ် တိုင်ခဲ့ပါပြီ။ ဗုံကြီးကို စလွယ်သိုင်းကာ ရာဝါလ်ပင်ဒီမြို့ဟောင်းရဲ့ မနက်စောစော လူသူကင်းမဲ့နေတဲ့ လမ်းကြိုးလမ်းကြာမကျန် လှည့်ပတ်သွားလာကာ အမှုတော်ထမ်းနေတာလည်း ဖြစ်ပါတယ်။

ဗုံးသမားကို မြင်တွေ့ချင်တဲ့ အမျိုးသမီးတွေ ကလေးငယ်တွေဟာ ဟူစိန်ဖြတ်အသွားကိုစောင့်ကာ အိမ်ထဲကနေ ထွက်ကြည့်ကြပြီး၊ အမျိုးသားအချို့ကတော့ ဟူစိန်ကို လက်ဆွဲနှုတ်ဆက်ကာ သူ့ရဲ့ နိဗ္ဗာန်ဆော်မှုကို ကျေးဇူးတင်တဲ့အနေနဲ့ ငွေစတစ်ချို့ စွန့်ကြဲကြပါတယ်။

ရာစုနှစ်ချီတည်တံ့လာတဲ့ ဒီရိုးရာဓလေ့ဟာ ပါကစ္စတန်မှာ အခုတော့ တွေ့ရနည်းလာပါတယ်။

ပါကစ္စတန်က သန်းပေါင်းများစွာသော ယုံကြည်သူတွေဟာ ရမ်ဇာန်ဥပုသ်လမှာ ဥပုသ်သီလ စောင့်တည်ကြပြီး မနက်နေထွက်ချိန်ကနေ အစားအစာကို ရှောင်ကျဉ်ကာ ညနေနေ၀င်ချိန်ရောက်မှ ၀ါဖြေစားသောက်ကြပါတယ်။

တစ်နေ့တာ ဥပုသ်သီလအတွက် ပြင်ဆင်တဲ့အနေနဲ့ အာရုဏ်မတက်ခင်အချိန်မှာ ‘ဆဲဟ်ရီ’ လို့ခေါ်တဲ့ ၀ါထမင်းကို စားသုံးကြပါတယ်။

နိဗ္ဗာန်ဆော် ဗုံသမားတွေဟာ တစ်ချိန်က သာယာနာပျော်ဖွယ် ဗုံးသံတွေနဲ့ ဆဲဟ်ရီအချိန်အတွက် နှိုးဆော်ခဲ့ကြပေမယ့် ယနေ့ခတ် ပါကစ္စတန်ပြည်သူတွေက စမတ်ဖုံးတွေ၊ နာရီနှိုးစက်တွေကို ပိုမိုအသုံးပြုလာတာကြောင့် အနာဂတ်မှာ သူတို့ရဲ့အခန်းကဏ္ဍဟာ မရေရာမသေချာတဲ့အခြေအနေ ဖြစ်လာပါတယ်။

ဒီနေ့ခေတ်မှာ ဆဲဟ်ရီ အချိန်မီနိုးဖို့အတွက် ဖုန်းတွေ၊ ဒစ်ဂျစ်တယ်နာရီတွေ၊ လော်စပီကာတွေကို ကမ္ဘာတစ်ဝှမ်း အသုံးပြုလာကြပါတယ်။

“လိုအပ်ချက်ဆိုတာ တီထွင်ဖန်းတီးမှုကို မွေးဖွားစေတဲ့အရာပါ” လို့ ပါကစ္စတန် ယဉ်ကျေးမှုနှင့် သမိုင်းအမွေအနှစ်ဆိုင်ရာ အမျိုးသားသိပ္ပံက ညွှန်ကြားရေးမှူးဟောင်း အူဇီ မွဖ်သီက ပြောကြားခဲ့ပါတယ်။

“ဒီကနေ့ နိဗ္ဗာန်ဆော်ဗုံသမားတွေကို မလိုအပ်တော့ဘူးဆိုရင် သူတို့ ပျောက်ကွယ်သွားမှာပါ”

ပါကစ္စတန်တစ်ဝှမ်း ဆဲဟ်ရီအတွက် ဒီလိုနိဗ္ဗာန်ဆော်သူတွေဟာ တစ်နှစ်ထက်တစ်နှစ် နည်းနည်းလာခဲ့ပါတယ်။

“ရာဝါလ်ပင်ဒီမှာ နိဗ္ဗာန်ဆော်သူဟာ တစ်ဒါဇင်တောင်မပြည့်တော့ပါဘူး။ အရင်က လမ်းတိုင်းမှာ နိဗ္ဗာန်ဆော်တွေ ရှိခဲ့ပေမယ့် အခုအချိန်မှာတော့ တော်တော်များများ ပျောက်သွားပါပြီ။ လူငယ်မျိုးဆက်တွေဟာ အခြားအလုပ်တွေကို သင်ယူလုပ်ကိုင်လာကြပါတယ်”

လူ ၅ သန်းလောက်ရှိတဲ့ ဒီမြို့မှာ နိဗ္ဗာန်ဆော်ရင်း ဟူစိန်တစ်ယောက် AFP သတင်းဌာနကို ပြောကြားခဲ့တာ ဖြစ်ပါတယ်။

သူနဲ့အတူ လက်တွဲခဲ့တဲ့ နိဗ္ဗာန်ဆော်တွေတောင် အနားယူသူကယူ၊ စွန့်လွှတ်သူက စွန့်လွှတ် ဖြစ်နေကြပါပြီ။ ဒါပေမယ့် အသည်းရောင်အသားဝါ စီပိုးကို ရင်ဆိုင်နေရတဲ့ အသက် ၆၆ နှစ်အရွယ် ဟူစိန်ကတော့ အသက်နဲ့ခန္ဓာကိုယ် အိုးစားမကွဲသ၍ ဒီဓလေ့ကို ထိန်းသိမ်းသွားမယ်လို့ ဆုံးဖြတ်ထားသူပါ။

သူ့ရဲ့ ဒီစိတ်ဓာတ်ကြောင့်ပဲ မြို့သူမြို့သားတွေရဲ့ ချစ်ခင်မှုကို ရရှိနေတာ ဖြစ်ပါတယ်။

“ကျွန်တော်တို့ ဘိုးဘေးတွေရဲ့ ဓလေ့၊ ကျွန်တော်တို့ရဲ့ ယဉ်ကျေးမှုကို သူ့ရဲ့လုပ်ရပ်က ပြန်လည်အမှတ်ရစေတယ်။ ကျွန်တော်တို့လည်း ဒီဓလေ့ကို နှစ်သတ်ပါတယ်” လို့ ရာဝါလ်ပင်ဒီ မြို့သားတစ်ဦးဖြစ်တဲ့ ယာစီရ်ဘတ်က ပြောကြားခဲ့ပါတယ်။

ပါကစ္စတန်မှာ မကြာခဏ မီးပျက်တတ်တာကြောင့် ဘထ္ထရီအသုံးပြုရတဲ့ ဖုံးတွေထက် သူက ပိုပြီး စိတ်ချရတယ်လို့ ဟူစိန်က ဆိုပါတယ်။

“မိုဘိုင်းဖုန်းတွေကို စိတ်မချတာကြောင့် ကျွန်တော့်ကို နိဗ္ဗာန်ဆော်ဆက်လုပ်ဖို့ တိုက်တွန်းကြသူတွေလည်း ရှိနေပါတယ်”

Ref: Alarabiya