ပြည်သူများ၏ ဆန္ဒပြမှုကြောင့် ဂျော်ဒန်တွင် အစိုးရအပြောင်းအလဲဖြစ်

ဇွန် ၆၊ ၂၀၁၈
M-Media

ဂျော်ဒန်ဝန်ကြီးချုပ်သစ် အိုမာရ် အလ်-ရာဇတ်

– ပြီးခဲ့တဲ့ရက်တွေမှာ ပြည်သူတွေရဲ့ ဆန္ဒပြမှု ဆက်တိုက်ဖြစ်ပေါ်လာခဲ့ပြီးတဲ့နောက် ဂျော်ဒန်ဘုရင် အဘ်ဒူလာ ၂ ဟာ ၀န်ကြီးချုပ်သစ်ကို ဒီကနေ့မှာ ခန့်အပ်လိုက်ပြီး အစိုးရသစ်ဖွဲ့စည်းဖို့ တာဝန်ပေးခဲ့တယ်လို့ ဂျော်ဒန်နန်းတော်က ကြေငြာချက်တစ်စောင် ထုတ်ပြန်လိုက်ပါတယ်။

နိုင်ငံအတွင်း ကုန်ဈေးနှုန်းနဲ့ နေထိုင်စားရိတ် ကြီးမြင့်လာတာ၊ လွှတ်တော်က ၀င်ငွေခွန် တိုးကောက်မယ့် ဥပဒေမူကြမ်းတစ်ခုကို အတည်ပြုဖို့ လုပ်လာတာကြောင့် ဂျော်ဒန်ပြည်သူတွေဟာ ပြီးခဲ့တဲ့တစ်ပတ်ကစပြီး မြို့တော် အမ်နန်နဲ့ ပတ်ဝန်းကျင်ဒေသတွေမှာ ဆန္ဒပြမှုတွေ ပြုလုပ်ခဲ့ကာ အခွန်မူကြမ်းကို ပယ်ဖျက်ဖို့၊ ၀န်ကြီးချုပ် ဟာနီ အလ်-မူလ်ကီ နှုတ်ထွက်ပေးဖို့ တောင်းဆိုခဲ့ပါတယ်။

ဝန်ကြီးချုပ် မူလ်ကီဟာ မနေ့က နှုတ်ထွက်စာတင်ခဲ့ပြီး ဘုရင်ကလည်း လက်ခံခဲ့ပါတယ်။

ဒီနေ့ခန့်အပ်လိုက်တဲ့ ၀န်ကြီးချုပ်သစ်ဟာ အိုမာရ် အလ်-ရာဇတ်ဆိုသူဖြစ်ပြီး ကမ္ဘာ့ဘဏ်က စီးပွားရေးပညာရှင်ဟောင်းတစ်ဦးဖြစ်ပါတယ်။ အလ်-ရာဇတ်ဟာ ဂျော်ဒန်ပညာရေးဝန်ကြီးလည်းဖြစ်ပြီး ဂျော်ဒန်ပြည်သူတွေက လက်ခံနိုင်မယ့် သူဖြစ်တယ်လို့ ဆိုပါတယ်။

မနေ့ကညနေပိုင်းက ဘုရင်အဘ်ဒူလာဟာ နန်းတော်ရဲ့ တရားဝင် Twitter အကောင့်ကနေ လက်ရှိ တိုင်းပြည်က ရင်ဆိုင်နေရတဲ့ ပြဿနာတွေအကြောင်းကို ရေးသားခဲ့ပါတယ်။

ပတ်ဝန်းကျင်နိုင်ငံတွေက ပြဿနာကြောင့် ဂျော်ဒန်ရဲ့ပို့ကုန်တွေ ကျဆင်းတာ၊ နယ်စပ်ဒေသတွေမှာ လုံခြုံရေးအတွက် ကုန်ကျစားရိတ်ပိုလာတာ၊ ဆီးရီးယားဒုက္ခသည်တွေအတွက် နိုင်ငံတကာရဲ့ အကူအညီပေးမှု ကျဆင်းလာတာ၊ မမျှော်လင့်ထားတဲ့ စီးပွားရေးနဲ့ ဒေသတွင်းအပြောင်းအလဲ ဖြစ်လာတာတွေကြောင့် တိုင်းပြည်စီးပွားရေးဟာ အခက်အခဲတွေနဲ့ ရင်ဆိုင်နေရကြောင်း၊ လတ်တလော ထိထိရောက်ရောက် ဖြေရှင်းနိုင်မယ့် အစီအစဉ်မရှိသေးကြောင်း ဘုရင်က ထည့်သွင်းရေးသားခဲ့ပါတယ်။

ဆန္ဒပြသူတွေကတော့ အစိုးရဲ့ စနစ်တွေ၊ နည်းလမ်းတွေ လုံးဝ ပြောင်းလဲသွားတဲ့အထိ ဆန္ဒပြမှုကို ဆက်လက်လုပ်ဆောင်သွားမယ်လို့ ပြောကြားခဲ့ပါတယ်။

Ref: Aljazeera