ဂျေရုစလင်တွင် အစ္စရေးနှင့်ခြေစမ်းမည့် အစီအစဉ်ကို အာဂျင်တီးနား ဖျက်သိမ်း

ဇွန် ၆၊ ၂၀၁၈
M-Media

– နိုင်ငံတကာအသိုင်းအ၀ိုင်းက ဝေဖန်ဆန့်ကျင်မှုတွေ မြင့်တက်လာတဲ့အတွက် ဂျေရုစလင်မှာ အစ္စရေးနဲ့ကစားမယ့် ချစ်ကြည်ရေးပွဲကို အာဂျင်တီးနားလက်ရွေးစင်အသင်းက ရပ်ဆိုင်းလိုက်ပါတယ်။

အဲဒီပွဲကို လာမယ့်စနေနေ့မှာ ကစားဖို့ စီစဉ်ထားတာဖြစ်ပြီး ပြိုင်ပွဲကျင်းမယ့် Teddy အားကစားကွင်းဟာ ၁၉၄၈ ခုနှစ်မှာ အစ္စရေးက ကျူးကျော်သိမ်းပိုက်ခဲ့တဲ့ ပါလက်စတိုင်းရွာတစ်ခုပေါ်မှာ တည်ဆောက်ထားတာဖြစ်ပါတယ်။

အခုလာမယ့် ရုရှားကမ္ဘာ့ဖလားမှာ ဗိုလ်စွဲဖို့ ရေပန်းစားနေတဲ့ အာဂျင်တီးနားအသင်းဟာ ၁၉၈၆ ခုနှစ်ကတည်းက ကမ္ဘာ့ဖလားအကြို ခြေစမ်းပွဲအဖြစ် အစ္စရေးကို ၄ ကြိမ်တိုင်တိုင် လာရောက်ကစားခဲ့ဖူးပါတယ်။

အာဂျင်တီးနားဘောလုံးအသင်းက ကစားမယ့်အစီအစဉ်ကို ရပ်ဆိုင်းလိုက်တယ်လို့ သတင်းထွက်ခဲ့ပြီးတဲ့နောက် ၀န်ကြီးချုပ်နေတန်ယာဟုဟာ အာဂျင်တီးနားသမ္မတ မောင်ရီစီယို မက်ရီနဲ့ ဖုန်းစကားပြောဖွယ်ရှိနေတယ်လို့ အစ္စရေးမီဒီယာတွေက ဖော်ပြပါတယ်။

အာဂျင်တီးနားဆိုင်ရာ ပါလက်စတိုင်းသံအမတ် ဟူစနီ အဘ်ဒဲလ် ၀ါဟစ်က ဒီချစ်ကျည်ရေးပွဲကို ဆန့်ကျင်ကြောင်း ပြောကြားခဲ့ပါတယ်။

“ဒီပွဲဟာ မာလ်ဗီနက်စ်ဒေသ သိမ်းပိုက်ခံရမှုကို အောင်ပွဲခံသလိုမျိုး ဖြစ်ပါတယ်” လို့ အင်္ဂလိမ်းက သိမ်းထားတဲ့ အာဂျင်တီးနားပိုင် ဖောက်ကလန်ကျွန်းကို ပမာပေးပြီး မနေ့က ပြောကြားခဲ့ပါတယ်။

“ကျူးကျော်သိမ်းပိုက်ခံထားရတဲ့ ကျွန်တော်တို့မြေမှာ ကစားမှာဖြစ်တဲ့အတွက် ဒီဟာကို လက်မခံနိုင်ပါဘူး။ နိုင်ငံတကာဥပဒေ ချိုးဖောက်မှုကို ပါလက်စတိုင်းတွေနဲ့ အာရပ်တွေချစ်တဲ့ အသင်းတစ်သင်းက အားပေးအားမြှောက်ပြုတာကိုမြင်ရတာ နာကျင်စရာပါပဲ”

Ref: Aljazeera