ဗုဒ္ဓဟူးနေ့မနက် နိုင်ငံတကာသတင်းများ

ဇွန် ၆၊ ၂၀၁၈
M-Media

ပဲရစ်ကိုရောက်လာသည့် နေတန်ယာဟုကို ပြင်သစ်ပြည်သူများ ဆန္ဒပြ
=============
မနေ့က ပဲရစ်မြို့ကို ရောက်ရှိလာတဲ့ အစ္စရေးဝန်ကြီးချုပ် နေတန်ယာဟုကို ရာနဲ့ချီတဲ့ ပြင်သစ်ပြည်သူတွေက ဆန္ဒပြခဲ့ပြီး စစ်ရာဇ၀တ်ကောင်အဖြစ်လည်း ခေါ်ဝေါ်သမုတ်ခဲ့ကြပါတယ်။ နေတန်ယာဟုဟာ အီရန်ကို ဆန့်ကျင်ရေး ပြင်သစ်သမ္မတကို ဆွယ်ဖို့၊ ပြင်သစ်-အစ္စရေး ယဉ်ကျေးမှုနဲ့ သိပ္ပံဆိုင်ရာ စီမံကိန်း ဖွင့်လှစ်ဖို့အတွက် ပဲရစ်ကို ရောက်ရှိလာတာဖြစ်ပါတယ်။ ဆန္ဒပြသူတွေက ပါလက်စတိုင်းအတွေအပေါ် အစ္စရေးက ဖိနှိပ်မှု၊ သတ်ဖြတ်မှုတွေနဲ့ ဂါဇာကမ်းမြှောင်မှာ အစ္စရေးစစ်တပ်ရဲ့ လုပ်ရပ်တွေကို ရှုတ်ချခဲ့ကြပါတယ်။ ပြီးခဲ့တဲ့တစ်ပတ်မှာ အစ္စရေးလက်ချက်ကြောင့် သေဆုံးသွားတဲ့ အသက် ၂၁ နှစ်အရွယ် ပါလက်စတိုင်းသူနာပြုရဲ့ ဓာတ်ပုံတွေကိုလည်း ဆန္ဒပြသူတွေက ကိုင်ဆောင်ခဲ့ကြပါတယ်။

ကန်-မြောက်ကိုရီးယား ထိပ်သီးဆွေးနွေးပွဲ ဆန်တိုးဆားဟိုတယ်တွင် ပြုလုပ်မည်
==========
ဇွန်လ ၁၂ ရက်နေ့ ထရမ့်နဲ့ ကင်ဂျုံအွန်တို့ရဲ့ ထိပ်သီးအစည်းအဝေးကို စင်ကာပူ ဆန်တိုးဆားကျွန်းက Capella ဟိုတယ်မှာ ပြုလုပ်သွားမယ်လို့ အိမ်ဖြူတော် ပြောရေးဆိုခွင့်ရှိသူ ဆာရာ ဆန်းဒါးစ်က မနေ့မှာ ပြောကြားလိုက်ပါတယ်။ ထရမ့်က ကင်ဂျုံအွန်နဲ့ တွေ့ဆုံဖို့ ဆွေးနွေးမှုတွေ၊ ဆက်ဆံရေးတွေဟာ တော်တော်လးကောင်းမွန်နေတယ်လို့ မနေ့မှာ သတင်းထာက်တွေကို ပြောကြားခဲ့ပါတယ်။ ဆန်းဒါးစ်က စင်ကာပူနိုင်ငံရဲ့ ဖော်ရွေပျူငှာမှုအတွက် ကျေးဇူးတင်တယ်လို့ ဆိုပါတယ်။

ရွေးကောက်ပွဲကော်မရှင်အရာရှိများကို အီရတ်က ပြည်ပထွက်ခွင့်ပိတ်
===============
ရွေးကောက်ပွဲကော်မရှင်က အကြီးတန်းတာဝန်ရှိသူတွေအားလုံး နိုင်ငံခြားထွက်ခွင့်ကို ပိတ်ပင်လိုက်ပြီး လတ်တလောရွေးကောက်ပွဲမှာ အန္တရာယ်ရှိတဲ့ ဥပဒေချိုးဖောက်မှုတွေ ရှိခဲ့တယ်လို့ ၀န်ကြီးချုပ် ဟိုက်ဒါ အလ် အာဘာဒီက ပြောကြားလိုက်ပါတယ်။ မေလ ၁၂ ရက်နေ့ရွေးကောက်ပွဲမှာ ရှီအာခေါင်းဆောင် မွတ်က်တာဒါ အ
လ်-ဆဒါရ်ရဲ့ Sairoon မဟာမိတ်အဖွဲ့ အနိုင်ရခဲ့ပြီး အာဘာဒီရဲ့ al-Nasr Alliance ကတော့ တတိယမဲအများဆုံးသာ ဖြစ်ခဲ့ပါတယ်။ ရွေးကောက်ပွဲမှာ မသမာမှုတွေရှိတယ်ဆိုတဲ့ သတင်းတွေကြောင့် နိုင်ငံတစ်ဝှမ်း မဲပုံး ၅၃၀၀၀ က ၁၀၂၁ ပုံးကို ပယ်ဖျက်ကြောင်း ကော်မရှင်က ပြီးခဲ့တဲ့တစ်ပတ်မှာ ကြေငြာခဲ့ပါတယ်။ အာဘာဒီကတော့ ကော်မရှင်ကအသုံးပြုခဲ့တဲ့ အီလက်ထရောနစ် မဲရေတွက်စက် ပြဿနာကြောင့် ကော်မရှင် တာဝန်ရှိသူအချို့ကို ရာဇ၀တ်မှုနဲ့ တရားစွဲသွားမယ်လို့ ဆိုပါတယ်။

ပိတ်ဆို့မှုပယ်ဖျက်ပေးရန် အီးယူကို ရုရှားတောင်းဆို
================
ရုရှားအပေါ် ပြုလုပ်ထားတဲ့ ပိတ်ဆို့မှုတွေကို ဖယ်ရှားပေးဖို့အတွက် သမ္မတပူတင်က ဥရောပသမဂ္ဂကို တောင်းဆိုလိုက်ပြီး ဒီလိုလုပ်တာဟာ နိုင်ငံရေးပြဿနာတွေကို ဘယ်လိုမှ မဖြေရှင်းနိုင်ဘူးလို့ ဆိုပါတယ်။ ယူကရိန်းအရှေ့ပိုင်းမှာ ၂၀၁၄ ခုနှစ်ကတည်းကစတင်ခဲ့တဲ့ ရုရှားစကားပြောသူတွေ ခွဲထွက်ရေးပြဿနာ ဖြေရှင်းဖို့အတွက် ဥရောက ကမကထပြုတဲ့ Minsk သဘောတူညီချက်ကို ချိုးဖောက်တယ်လို့ အီးယူက ရုရှားကို စွပ်စွဲထားတာပါ။ ဒီပြဿနာဟာ ယူကရိန်းပိုင် ခရိုင်းမီးယားကျွန်းဆွယ် ရုရှားနဲ့ ပူးပေါင်းသွားပြီးနောက်ပိုင်း ပေါ်ထွက်လာတာလည်း ဖြစ်ပါတယ်။

Ref: Aljazeera, CNA, Press TV