စနေနေ့မနက် နိုင်ငံတကာသတင်းများ

ဇွန် ၉၊ ၂၀၁၈
M-Media

လက်ဘနွန်ရှိ UNHCR

ဆိုမာလီတွင် အမေရိကန်တပ်ဖွဲ့ တိုက်ခိုက်ခံရ
================
ဆိုမာလီယာနိုင်ငံ အနောက်တောင်ပိုင်း ဂျူဘာလန်ဒေသမှာ ရန်သူတွေရဲ့ တိုက်ခိုက်မှုကြောင့် မိမိတို့စစ်သားတစ်ဦးသေဆုံးပြီး ၅ ဦး ဒဏ်ရာရခဲ့တယ်လို့ အမေရိကန်ရဲ့ အာဖရိကစစ်ဌာနချုပ်က မနေ့မှာ သတင်းထုတ်ပြန်ပါတယ်။ ဂျူဘာလန်ဟာ အမေရိကန်၊ ဆိုမာလီနဲ့ ကင်ညာတို့က တပ်ဖွဲ့ဝင် ၈၀၀ လောက်ပေါင်းကာ အလ်-ရှာ ဘတ် စစ်သွေးကြွအဖွဲ့ကို တိုက်ခိုက်နေတဲ့နေရာပါ။ သူတို့အဖွဲ့ဟာ ဒေသစံတော်ချိန် နေ့လည် ၂ နာရီ ၄၅ မိနစ်လောက်မှာ မော်တာတွေ၊ လက်နက်ငယ်တွေနဲ့ တိုက်ခိုက်ခံရတာဖြစ်ပြီး ဒဏ်ရာရသူတွေမှာ တစ်ဦးဟာ မိတ်ဖက်တပ်ဖွဲ့က ဖြစ်တယ်လို့ ဆိုပါတယ်။

အစ္စရေးလက်ချက်ကြောင့် ဂါဇာတွင် ၄ ဦးသေဆုံးကာ ၆၀၀ ကျော်ဒဏ်ရာရ
==============
မနေ့က ပါလက်စတိုင်းပိုင် ဂါဇာကမ်းမြှောင်မှာ ဆန္ဒပြမှုအတွင်း အစ္စရေးတပ်ဖွဲ့ရဲ့ ပစ်ခတ်သတ်ဖြတ်မှုကြောင့် အသက် ၁၅ နှစ်အရွယ် လူငယ်တစ်ဦး အပါအ၀င် ပြည်သူ ၄ ဦး သေဆုံးခဲ့ပြီး ၆၀၀ ကျော် ဒဏ်ရာရရှိခဲ့ပါတယ်။ ၁၉၄၈ ခုနှစ် ပါလက်စတိုင်းပိုင်နက်တွေကို အစ္စရေးက ကျူးကျော်သိမ်းပိုက်မှုအတွင်း ထွက်ပြေးခဲ့ရတဲ့ ပါလက်စတိုင်းတွေ နေရပ်ပြန်နိုင်ရေးအတွက် မတ်လ ၃၀ ရက်နေ့ကတည်း စတင်ခဲ့တဲ့ ဂါဇာက ဆန္ဒပြမှုမှာ အစ္စရေးလက်ချက်ကြောင့် သေဆုံးသူဟာ ၁၂၄ ဦး ရှိလာပြီး ဒဏ်ရာရသူကတော့ ၁၃၀၀၀ ရှိလာပါတယ်။ မနေ့က ဒဏ်ရာရရသူတွေထဲမှာ AFP သတင်းဌာနက သတင်းထောက်တစ်ဦးလည်း ပါဝင်ပါတယ်။

ဆီးရီးယားဒုက္ခသည်ကိစ္စ လက်ဘနွန်နှင့် UNHCR တို့ တင်းမာမှုဖြစ်
===============
ဆီးရီးယားဒုက္ခသည်တွေ နေရပ်ပြန်ဖို့ တားဆီးဆိုတဲ့ အကြောင်းပြချက်နဲ့ UNHCR ၀န်ထမ်းတွင် နေထိုင်ခွင့်ကို လက်ဘနွန်က ရပ်ဆိုင်းလိုက်ပြီး၊ အရေးယူမှုတွေ ထပ်လုပ်သွားမယ်လို့ အိမ်စောင့်အစိုးရ နိုင်ငံခြားရေးဝန်ကြီး ဂီဘရန် ဘက်စီလ်က ပြောကြားလိုက်ပါတယ်။ လက်ဘနွန်ဟာ ဆီးရီးယားဒုက္ခသည် ၁.၅ သန်းလောက်ကို လက်ခံထားရပြီး ၃.၅ သန်းလက်ခံထားတဲ့ တူရကီနောက် ဒုတိယနေရာမှာ ရှိနေပါတယ်။ UNHCR ကတော့ လက်ဘနွန်ရဲ့ စွပ်စွဲချက်တွေကို ငြင်းဆိုပြီး သူတို့ဟာ ဒုက္ခသည်တွေကို ပံ့ပိုးကူညီရေး၊ နိုင်ငံတကာ စံညွှန်းနဲ့အညီ သူတို့ဘ၀တွေကို ပြန်လည်ထူထောင်ရေး လုပ်ဆောင်နေတာသာဖြစ်တယ်လို့ တုန့်ပြန်ခဲ့ပါတယ်။

မြောက်ကိုရီးယားသံတမန်အိမ်ကို ၀င်ရောက်သည့် သတင်းသမားနှစ်ဦးကို စင်ကာပူဖမ်းဆီး
=============
မြောက်ကိုရီးယားသံတမန် ဂျူချီယက်ရဲ့အိမ်ကို ပိုင်နက်ကျူးလွန် ၀င်ရောက်မှုနဲ့ တောင်ကိုရီးယား KBS News သတင်းဌာနက သတင်းထောက်နှစ်ယောက်ကို စင်ကာပူက ကြာသာပတေးနေ့မှာ ဖမ်းဆီးလိုက်ပါတယ်။ အသက် ၄၂ နှစ်နဲ့ အသက် ၄၅ နှစ်အရွယ် အမျိုးသားနှစ်ဦးဖြစ်ပြီး အဲဒီသတင်းဌာနက နောက်ထပ် ၂ ဦးကိုလည်း စုံစမ်းစစ်ဆေးမှုတွေလုပ်နေတယ်လို့ စင်ကာပူရဲတပ်ဖွဲ့က သတင်းထုတ်ပြန်ပါတယ်။ ဒီလူတွေဟာ မီဒီယာသမားအဖြစ် စင်ကာပူရဲ့ အသိအမှတ်ပြုမှု မရထားဘူးလို့လည်း ဆိုပါတယ်။ KBS News ကတော့ စင်ကာပူအာဏာပိုင်တွေရဲ့ ဘယ်လိုအရေးယူမှုမျိုးကိုမဆို လိုက်နာဆောင်ရွက်သွားမယ်လို့ ပြောကြားထားပါတယ်။

Ref: CNA, Aljazeera