ကလေးသူခိုး ကောလဟာလကြောင့် အာသံပြည်နယ်တွင် လူငယ်နှစ်ဦး သတ်ဖြတ်ခံရ

ဇွန် ၁၁၊ ၂၀၁၈
M-Media

အသတ်ခံရသည့် လူငယ်နှစ်ဦး

– ကလေးသူခိုးဂိုဏ်းဆိုတဲ့ ကောလာဟာလကြောင့် လူငယ်နှစ်ဦးကို ရိုက်နှက်သတ်ဖြတ်မှု အိန္ဒိယနိုင်ငံ အာသံပြည်နယ်မှာ ဖြစ်ပွားခဲ့ပြီး ရဲတပ်ဖွဲ့က အနည်းဆုံး ၁၈ ဦးကို ဖမ်းဆီးထားပါတယ်။

ပြည်နယ်မြို့တော် ဂူဝါတီကနေ ကီလိုမီတာ ၂၀၀ လောက်ဝေးတဲ့ တောရွာတစ်ရွာမှာ စနေန့က ဖြစ်ပွားခဲ့တာပါ။

ကလေးသူခိုးတွေ ရောက်နေတယ်လို့ WhatsApp ကနေ သတင်းပြန့်သွားပြီတဲ့နောက် အဘီဂျစ် နက်သ်နဲ့ နီလွတ်ပါလ် ဒက်စ်ဆိုတဲ့ လူငယ်နှစ်ဦးကို လူ ၂၀၀ လောက်က ၀ိုင်းပြီး ရိုက်နှက်သတ်ဖြတ်ခဲ့တာ ဖြစ်ပါတယ်။

အိန္ဒိယနိုင်ငံတစ်ဝှမ်းမှာ ကလေးသူခိုးဂိုဏ်း ကောလာဟာလကြောင့် အုပ်စုဖွဲ့ ရိုက်နှက်သတ်ဖြတ်မှုဟာ ပြီးခဲ့တဲ့ ၂ နှစ်အတွင်း ၁၀ ခုလောက် ဖြစ်ပွားခဲ့ပြီး မေလက အာသံမှာပဲ လူငယ် ၂ ဦး ရိုက်နှက်သတ်ဖြတ် ခံခဲ့ရပါတယ်။

“ကျူးလွန်သူတွေနဲ့ပတ်သက်လို့ ကျွန်တော်တို့ တင်းတင်းကြပ်ကြပ် ကိုင်တွယ်နေပြီး ၁၈ ဦးကို ဖမ်းဆီးထားပါတယ်။ ဆိုရှယ်မီဒီယာမှာ ကောလဟာလဖြန့်တဲ့လူ တစ်ချို့လည်း ဖမ်းထားပါတယ်” လို့ အာသံရဲတပ်ဖွဲ့ရဲ့ တာဝန်ရှိသူ ကူလဒ်ဟာရ် ဆိုင်ကီယာက ပြောကြားခဲ့ပါတယ်။

အဲဒီလူငယ်နှစ်ဦးကို ရိုက်နှက်သတ်ဖြတ်တဲ့ ဗီဒီယိုဟာ ဆိုရှယ်မီဒီယာမှာ အလျင်အမြန်ပဲ ပြန့်နှံ့သွားခဲ့ပါတယ်။ ဒက်စ်က သူဟာ အာသံသားဖြစ်တယ်လို့ပြောကာ လက်အုပ်ချီပြီး မသတ်ဖို့ အသနားခံနေတာကိုလည်း ဗီဒီယိုမှာတွေ့ရပါတယ်။

အသက် ၃၀ အရွက် နက်သ်နဲ့ အသက် ၂၉ နှစ်အရွယ် ဒက်စ်တို့ဟာ ပန်ဂျရီ ကရာချီရွာကို စနေနေ့က ကားနဲ့ အလည်အပတ်သွားတဲ့အချိန် ကလေးသူခိုးဆိုပြီး လူအုပ်က လိုက်လံ ရိုက်နှက်သတ်ဖြတ်ခဲ့တာ ဖြစ်ပါတယ်။ ဒက်စ်ဟာ ဂီတသမားဖြစ်ပြီး နက်သ်ကတော့ ကွန်ပျူတာသမား ဖြစ်ပါတယ်။

ရွာသားတွေကြားထဲမှာ ကလေးသူခိုးတွေ ရွာထဲဝင်လာပြီး အဲဒီအထဲကတစ်ယာက်ဟာ ဆံရှည်ဖြစ်ကြောင်း Whatapps ကနေတစ်ဆင့် သတင်းပြန့်ခဲ့တာပါ။

အဲဒီအဖြစ်အပျက်ကို မကျေနပ်တဲ့အတွက် မြို့တော် ဂူဝါတီမှာ မနေ့က ဆန္ဒပြမှုတွေ ဖြစ်ပွားခဲ့ပါတယ်။

ရဲတပ်ဖွဲ့ကတော့ သူတို့အနေနဲ့ ဆိုရှယ်မီဒီယာတွေကို စောင့်ကြည့်နေတယ်လို့ ပြောကြားခဲ့ပါတယ်။

Ref: Aljazeera