ရန်ကုန်-ဒလတံတားဒီဇိုင်းအတွက် အစိုးရဌာနနှစ်ခု သဘောကွဲလွဲ

ဇွန် ၁၃၊ ၂၀၁၈
M-Media

လျာထား တံတားဒီဇိုင်း

– ဒလနဲ့ ရန်ကုန်ကို ဆက်သွယ်ပေးမယ့် တံတားတစ်စင်း ဆောက်လုပ်မှုလုပ်ငန်းဟာ စတင်နေပေမယ့် အစိုးရတာဝန်ရှိသူတွေအကြား ဒီဇိုင်းကိစ္စ သဘောထားအမြင် ကွဲလွဲမှုကြောင့် ကြန့်ကြာနေပါတယ်။

အမြင့် ၄၉ မီတာ၊ ရေလည်တိုင်နှစ်တိုင်ပါဝင်မယ့် လက်ရှိ လျာထားတံတားဒီဇိုင်းကို မြန်မာ့ဆိပ်ကိမ်းအာဏာပိုင်အဖွဲ့က ကန့်ကွက်ခဲ့ပါတယ်။

ရန်ကုန်မြစ်အတွင်းမှာ ဆိပ်ကမ်းတွေရှိပြီး အဲဒီဆိပ်ကမ်းကို ၀င်ထွက်မယ့် သင်္ဘောကြီးတွေအတွက် လက်ရှိ တံတားဒီဇိုင်းဟာ မသင့်လျော်တာကြောင့် အမြင့်ကို ၅၄ မီတာထားဖို့နဲ့ ရေလည်တိုင်နှစ်တိုင်ကို ကမ်းနားကိုရွှေ့ဖို့ ဆိပ်ကမ်းအာဏာပိုင်အဖွဲ့က တိုက်တွန်းခဲ့ပါတယ်။

ဆောက်လုပ်ရေးဝန်ကြီးဌာနက အဲဒီလို ဒီဇိုင်းပြောင်းလဲလိုက်မယ်ဆိုရင် ဒေါ်လာ သန်းနဲ့ချီ ထပ်မံကုန်ကျဖို့ရှိနေပြီး၊ တိုင်နှစ်ခုကို ကမ်းနားရွှေ့ဖို့ဆိုတာလည်း နည်းလမ်းပိုင်းအရ မဖြစ်နိုင်ကြောင်း ပြန်လည်တုန့်ပြန်ခဲ့ပါတယ်။

မြန်မာဆိပ်ကမ်း အာဏာပိုင်အဖွဲ့ရဲ့ ဦးဆောင်ညွှန်ကြားရေးမှူး ဦးနီအောင်က သူတို့အနေနဲ့ ဆောက်လုပ်ရေးဝန်ကြီးဌာနရဲ့ အခြေအနေကို နားလည်တယ်လို့ ဆိုပါတယ်။

“အမြင့်ကို ၄၉ မီတာထားဖို့ ကျွန်တော်တို့ သဘောတူခဲ့ပါတယ်။ ဒါပေမယ့် ဆိပ်ကမ်းတွေအနေနဲ့ လိုအပ်တဲ့ ၀န်ချီစက်တွေကို တံတားစီမံကိန်း မစခင်မှာ ၀ယ်ယူဖို့ လိုပါတယ်”

ဆိပ်ကမ်းအာဏာပိုင်အဖွဲ့က ကန့်ကွက်တာကြောင့် တံတားဆောက်လုပ်ရေးလုပ်ငန်း ကြန့်ကြာနေတာ ဖြစ်တယ်ဆိုတဲ့ သတင်းတွေကိုလည်း ဦးနီအောင်က ပယ်ချခဲ့ပြီး သူတုိ့အနေနဲ့ ကန့်ကွက်စရာ အကြောင်းမရှိဘူးလို့ ပြောကြားခဲ့ပါတယ်။

တံတားကို တောင်ကိုရီးယား စီးပွားရေး ဖွံ့ဖြိုးတိုးတက်မှု ပူးပေါင်းဆောင်ရေးရန်ပုံငွေအဖွဲ့ထံက ချေးငွေ ကန်ဒေါ်လာ ၁၃၇.၈ သန်း၊ မြန်မာအစိုးရရဲ့ ရင်းနှီးမြှုပ်နှံငွေ ကန်ဒေါ်လာ ၃၀.၃၄၁ သန်းတို့နဲ့ ဆောက်လုပ်မှာ ဖြစ်ပြီး ဇန်န၀ါရီလက ဆောက်လုပ်ရေးလုပ်ငန်းတွေ စတင်ခဲ့တာပါ။

၁၉၃၆ ပေရှည်မယ့် အဲဒီတံတားဟာ ရန်ကုန်၊ လမ်းမတော်မြို့နယ်က ဘုန်းကြီးလမ်းနဲ့ ဒလမြို့နယ်က ဗိုလ်မင်းရောင်လမ်းတို့ကို ဆက်သွယ်ပေမှာ ဖြစ်ပါတယ်။

စီမံကိန်းကို သမ္မတဦးသိန်းစိန်လက်ထက်မှာ အဆိုပြုခဲ့ပေမယ့် ဒေသခံတွေရဲ့ ကန့်ကွက်မှုကြောင်း ကြန့်ကြာခဲ့ရပါတယ်။ ဆောက်လုပ်ရေးဝန်ကြီးဌာနက စီမံကိန်းဧရိယာအတွင်းမှာ ရှိနေတဲ့ ဒေသခံတွေကို လျော်ကြေး လုံလုံလောက်လောက်ပေးထားတယ်လို့ ပြောကြားခဲ့ပါတယ်။

Ref: Coconut