အစ္စရေးကိစ္စ မကျေနပ်၍ လူ့အခွင့်အရေးကောင်စီမှ နှုတ်ထွက်ကြောင်း အမေရိကန်ကြေငြာ

ဇွန် ၂၀၊ ၂၀၁၈
M-Media

ကုလဆိုင်ရာ အမေရိကန်သံအမတ် နစ်ကီဟာလေး

– အစ္စရေးနဲ့ပတ်သက်ပြီး နာတာရှည်ဘက်လိုက်မှုကြောင့် ကုလ လူ့အခွင့်အရေးကောင်စီက နှုတ်ထွက်တယ်လို့ အမေရိကန်က မနေ့မှာ ကြေငြာလိုက်ပါတယ်။

“လူ့အခွင့်အရေးကို ပြောင်လှောင်နေတဲ့ ကြောင်သူတော်၊ တစ်ဘို့တည်းအဖွဲ့အစည်းမှာ ဆက်ပြီးပါဝင်ဖို့အတွက် စိတ်မသန့်တာကြောင့် ဒီလို နှုတ်ထွက်ရခြင်း ဖြစ်ပါတယ်” လို့ ကုလဆိုင်ရာ အမေရိကန်သံအမတ် နစ်ကီဟာလေးက အမရိကန်နိုင်ငံခြားရေးဝန်ကြီး မိုက် ပွမ်ပီယိုနဲ့အတူ ပြောကြားခဲ့ပါတယ်။

ကုလ လူ့အခွင့်အရေးအကြီးအကဲ ဇိုက် ရာအဒ် အလ် ဟူစိန်က အမေရိကန်အစိုးရရဲ့ ဒီလုပ်ရပ်ဟာ စိတ်ပျက်စရာဖြစ်ပေမယ့် အံ့သြစရာမဟုတ်ဘူးလို့ ပြောကြားခဲ့ပါတယ်။

“ဒီနေ့ကမ္ဘာရဲ့ လူ့အခွင့်အရေး အခြေအနေအရ အမေရိကန်ဟာ နောက်ပြန်ဆုတ်ရမှာမဟုတ်ဘဲ၊ ရှေ့ဆက်တိုးရမှာပါ”

ဥရောပသမဂ္ဂက ဒါဟာ ကမ္ဘာ့စင်မြင့်မှာ ဒီမိုကရေစီကို ဦးဆောင်သူ၊ ပံ့ပိုးသူဆိုတဲ့ အမေရိကန်ရဲ့အခန်းကဏ္ဍကို ပျက်စီးစေမယ့်အန္တရာယ် ဖြစ်တယ်လို့ ပြောကြားခဲ့ပါတယ်။ ဗြိတိန်နိုင်ငံခြားရေးဝန်ကြီး ဘောရစ်ဂျွန်ဆင်က ဒါဟာ ၀မ်းနည်းဖွယ်ရာလုပ်ရပ်ဖြစ်တယ်လို့ ဆိုပါတယ်။

အမေရိကန်ရဲ့ အဓိကမဟာမိတ် အစ္စရေးက အမေရိကန်အနေနဲ့ လူ့အခွင့်အရေးကောင်စီက ဒီလိုနှုတ်ထွက်မှုဟာ သတ္တိရှိတဲ့လုပ်ရပ် ဖြစ်တယ်လို့ ချီးကျူးခဲ့ပါတယ်။

ဂါဇာကမ်းမြှောက်မှာ ပါလက်စတိုင်း အရပ်သားတွေကို အစ္စရေးက ပစ်ခတ်သတ်ဖြတ်မှုကို ဆန့်ကျင်ရှုတ်ချကြောင်း ကြေငြာချက်ကို ကုလက ပြီးခဲ့တဲ့တစ်မှာ မဲခွဲအတည်ပြုခဲ့ပြီးတဲ့နောက် အမေရိကန်ရဲ့ ဒီဆုံးဖြတ်ချက် ပေါ်ထွက်လာတာ ဖြစ်ပါတယ်။

အစ္စရေးရဲ့လုပ်ရပ်တွေကို အရေးယူဖို့၊ စုံစမ်းစစ်ဆေးဖို့၊ ဆန့်ကျင်ရှုတ်ချဖို့အတွက် ကုလက ဆောင်ရွက်တဲ့အခါတိုင်း အမေရိကန်ဟာ အမြဲလိုလို ဗီတိုအာဏာသုံးပြီး ပယ်ချလေ့ ရှိပါတယ်။

Ref: Aljazeera