ကြာသာပတေးနေ့မနက် နိုင်ငံတကာ သတင်းများ

ဇွန် ၂၁၊ ၂၀၁၈
M-Media

အရှေ့ဂူတာမှ ဆီးရီးယားပြည်သူများ

တရုတ်-မြောက်ကိုရီးယား ပူးပေါင်းဆောင်ရွက်မှု တိုးမြှင့်မည်
=================
တရုတ်သမ္မတ ရှီကျင့်ဖျင့်နဲ့ မြောက်ကိုရီးယားခေါင်းဆောင် ကင်ဂျုံအွန်တို့ဟာ မနေ့က တွေ့ဆုံမှုအတွင်း နှစ်နိုင်ငံ မဟာဗျူဟာနဲ့ နည်းစနစ်ပိုင်းဆိုင်ရာ ပူးပေါင်းဆောင်ရွက်မှုတွေ တိုးမြှင့်ပြုလုပ်သွားဖို့ သဘောတူခဲ့ပါတယ်။ ကင်ဂျုံအွန်ဟာ အင်္ဂါနေ့က တရုတ်နိုင်ငံကို ၂ ရက်ကြာ အလည်အပတ်ရောက်ရှိနေတာဖြစ်ပြီး ၂ လအတွင်း ၃ ကြိမ်မြောက် ရောက်ရှိမှုလည်း ဖြစ်ပါတယ်။ ရှီနဲ့တွေ့ဆုံမှုမှာ ကင်က အမေရိကန်သမ္မတ ဒေါ်နယ်ထရမ့်နဲ့ စင်ကာပူတွေ့ဆုံပွဲအကြောင်း အကျဉ်းချုပ် တင်ပြခဲ့သလို၊ လတ်တလော အရေးကြီးတဲ့ ကိစ္စတွေနဲ့ လာမယ့်အခင်းအကျင်းအသစ်အတွက်လည်း ဆွေးနွေးခဲ့ကြပါတယ်။

အမေရိကန်ကို ဥရောပက တန်ပြန်အခွန်ကောက်မည်
=============
အမေရိကန်ကုန်ပစ္စည်းတွေအပေါ် အခွန်ကောက်ခံဖို့ ဥရောပနိုင်ငံတွေရဲ့ အစီအစဉ်ဟာ မနက်ဖြန်မှာ စတင်သက်ရောက်မှာဖြစ်ပြီး ဒါဟာ ကနေဒါ၊ အီးယူနဲ့ မက္ကဆီကိုတို့က တင်သွင်းတဲ့ စတီးနဲ့ အလူမီနီယံတွေကို အမေရိကန်က အခွန်တိုးမြှင့်ကောက်ခံမှုကို တုန့်ပြန်တာ ဖြစ်ပါတယ်။ ထရမ့်က ဒီလို ကောက်ခံတာဟာ
အမျိုးသားလုံခြုံရေးအတွက်ဖြစ်တယ်လို့ ဆိုပါတယ်။ အီးယူ ကုန်သွယ်ရေးဆိုင်ရာ ကော်မရှင်နာမင်းကြီး စီလီယာ မာမ်စထရောင်းက သူတို့အနေနဲ့ ဒီလိုမလုပ်ချင်ပေမယ့် အမေရိကန်ရဲ့ တစ်ဖက်သတ်လုပ်ရပ်အတွက် ရွေးစရာမရှိဘူးလို့ ပြောကြားခဲ့ပါတယ်။

အရှေ့ဂူတာတွင် ဆီးရီးယားစစ်တပ်က စစ်ရာဇ၀တ်မှုကျူးလွန်ခဲ့
============
မြို့တော်ဒမတ်စကတ် ဆင်ခြေဖုံးက အရှေ့ဂူတာဒေသကို ဆီးရီးယားအစိုးရတပ်ဖွဲ့က ၅ နှစ်ကြာ ပိတ်ဆို့မှုအတွင်း ကျူးလွန်ခဲ့တာတွေဟာ စစ်ရာဇ၀တ်မှု၊ လူသားထုအပေါ်ကျူးလွန်တဲ့ ရာဇ၀တ်မှုတွေ မြောက်နေပြီလို့ ကုလစုံစမ်းစစ်ဆေးရေးမှူးတွေက ပြောကြားလိုက်ပါတယ်။ သူပုန်တွေ သိမ်းထားတဲ့ အရှေ့ဂူတာဒေသကို ဆီးရီးယားအစိုးရတပ်က ဧပြီလမှာ ပြန်လည် ထိန်းချုပ်နိုင်ခဲ့ပါတယ်။ ကုလလူ့အခွင့်အရေးကောင်စီက အဲဒီဒေသမှာ ဖြစ်ပျက်ခဲ့တာတွေကို စုံစမ်းစစ်ဆေးဖို့အတွက် ကော်မရှင်တစ်ရပ်ကို ဖွဲ့စည်းခဲ့ပြီး ၂၃ မျက်နှာပါတဲ့ အစီရင်ခံစာကို မနေ့မှာ ထုတ်ပြန်ခဲ့ပါတယ်။ အစီရင်ခံစာထဲမှာ အရပ်သားတွေရဲ့ ထိခိုက်ခံစားရမှု အသေးစိတ်ကို ဖော်ပြထားပါတယ်။

ဂါဇာကမ်းမြှောင်ကို အစ္စရေးက လေကြောင်းမှ တိုက်ခိုက်
==========
ပါလက်စတိုင်းပိုင်နက်ဖြစ်တဲ့ ဂါဇာကမ်းမြှောင်က ၂၅ နေရာကို မနေ့ကမနက်ပိုင်းမှာ အစ္စရေးက လေကြောင်းကနေ တိုက်ခိုက်မှု ပြုလုပ်ခဲ့ပြီး ပါလက်စတိုင်းပြည်သူ ၃ ဦး ဒဏ်ရာရရှိခဲ့ပါတယ်။ ဂါဇာကမ်းမြှောင်က ဟားမက်စ်အဖွဲ့ ဒုံးကျည်နဲ့ပစ်တယ်လို့စွပ်စွဲကာ အစ္စရေးက ဒီလိုတိုက်ခိုက်ခဲ့တာဖြစ်ပါတယ်။ ဟားမက်စ်ကတော့ ပါလက်စတိုင်းပိုင်နက်ကို အစ္စရေးရဲ့ ကျူးကျော်သိမ်းပိုက်မှုက ပြဿနာရဲ့အရင်းအမြစ်ဖြစ်ကြောင်း၊ အရပ်သားတွေ၊ ရေလုပ်သားတွေ၊ လယ်သမားတွေအပေါ် အစ္စရေးက ပစ်မှတ်ထားတိုက်ခိုက်မှုအတွက် လက်တုန့်ပြန်သွားမှာဖြစ်ကြောင်း ထုတ်ပြန်ခဲ့ပါတယ်။

Ref: Aljazeera, CNA