နိုက်ဂျီးရီးယားတွင် ခရစ်ယာန်များကို ဒေါသထွက်နေသော လူအုပ်ကြီးရန်မှ ဗလီဆရာက ကယ်တင်

ဇူလိုင် ၃၊ ၂၀၁၈
M-Media

ခရစ်ယာန်များကို သက်စွန့်ဆံဖျား ကယ်တင်ခဲ့သည့် ဗလီဆရာ

– နိုက်ဂျီးရီးယားနိုင်ငံ အလယ်ပိုင်းက ဗလီဆရာတစ်ယောက်ဟာ ရာနဲ့ချီတဲ့ ခရစ်ယာန်တွေကို ဒေါသထွက်နေတဲ့ လူအုပ်ကြီးရဲ့ လက်ကနေ သက်စွန့်ဆံဖျား ကယ်တင်ခဲ့ပါတယ်။

ဇွန်လ ၂၃ ရက်နေ့ နေ့လည်ပိုင်းက ခရစ်ယာန်အများစုရှိရာ ရွာကို လက်နက်တွေကိုင်ဆောင်ထားတဲ့ မွတ်စလင်လူအုပ်ကြီးက ၀င်ရောက်လာကာ မြင်မြင်သမျှကို ပစ်ခတ်တာ၊ အိမ်တွေကို မီးရှို့တာတွေ လုပ်ဆောင်ခဲ့တာပါ။

ခိုကိုးရာမဲ့နေတဲ့ ခရစ်ယာန်ရွာသား ၃၀၀ နီးပါးလောက်ဟာ အနီးအနားက မွတ်စလင်ရွာကို ထွက်ပြေးခဲ့ရပါတယ်။ အဲဒီရွာရဲ့ ဗလီရှေ့ဆောင်ဆရာဟာ ခရစ်ယာန်တွေကို သူ့ရဲ့အိမ်နဲ့ ဗလီဝတ်ကျောင်းတော်ထဲမှာ ၀ှက်ထားပြီး အသက်ဘေးကနေ ကယ်တင်ခဲ့ပါတယ်။

“ပထမဆုံး အမျိုးသမီးတွေကိုရွေးထုတ်ပြီး ကျွန်တော့်အိမ်ထဲမှာ ဖွက်ထားတယ်။ အမျိုးသားတွေကိုတော့ ဗလီထဲမှာ ၀ှက်ထားခဲ့ပါတယ်” လို့ ဗလီဆရာက ပြောကြားခဲ့ပါတယ်။

နိုင်ငံဂျီးရီးယားနိုင်ငံ အလယ်ပိုင်းဟာ စိုက်ပျိုးရေးသမားတွေနဲ့ မွေးမြူရေးသမားတွေရဲ့ နယ်မြေလူမှု မကြာခဏ ဖြစ်ပွားတဲ့ဒေသ ဖြစ်ပါတယ်။ စိုက်ပျိုးရေးသမားတွေ အများစုဟာ ဘီရွမ်လူမျိုး ခရစ်ယာန်တွေဖြစ်ပြီး၊ မွေးမြူရေးသမားတွေ အများစုကတော့ ဖူလာနီလူမျိုး မွတ်စလင်တွေဖြစ်ပါတယ်။

ဒီလူ့အဖွဲ့အစည်းနှစ်ခုအကြား လယ်ယာနဲ့ စားကျက်ကိစ္စ အငြင်းပွားမှုကြောင့် အခုနှစ်အတွင်း အပြန်အလှန်တိုက်ခိုက်မှုတွေ ဖြစ်ပွားပြီး လူရာချီ သေဆုံးခဲ့ကြပါတယ်။

ပြီးခဲ့တစ်ပတ်ဖြစ်စဉ်မှာ ဒေါသထွက်နေတဲ့လူအုပ်ဟာ ခရစ်ယာန်တွေပုန်းအောင်းရာ မွတ်စလင်ရွာထဲကို ၀င်လာပြီး သူတို့ကိုထုတ်ပေးဖို့ ပြောကြားခဲ့ပေမယ့် ဗလီဆရာက ငြင်းဆိုခဲ့ပြီး၊ ဗလီထဲကိုလည်း ၀င်ရောက်ခွင့် မပေးခဲ့ပါဘူး။

လူအုပ်က ဗလီနဲ့ သူနေထိုင်ရာအိမ်ကို မီးရှို့ဖျက်ဆီးမယ်လို့ ခြိမ်းခြောက်ခဲ့တဲ့အတွက် ဗလီဆရာဟာ ဒီလူအုပ်ကို ရှစ်ခိုးတောင်းပန်ခဲ့ရပါတယ်။ ရွာထဲက မွတ်စလင်တွေကလည်း ဒီလူအုပ်ကို အေးအေးဆေးဆေးထွက်သွားဖို့ ၀ိုင်းပြီး တောင်းပန်တဲ့အတွက် ဒေါသထွက်နေတဲ့လူအုပ်ဟာ နောက်ဆုံးမှာ ပြန်သွားခဲ့ပါတယ်။ ဒါပေမယ့် အနားက ခရစ်ယာန်ဘုရားကျောင်းနှစ်ခုကို မီးရှို့ဖျက်ဆီးခဲ့ပါတယ်။

ရွာထဲက အခြားမွတ်စလင်ခေါင်းဆောင်တစ်ဦးက သူတို့နေထိုင်ခဲ့တဲ့ သမိုင်းတစ်လျှောက်မှာ ဒီလိုအဖြစ်အပျက်မျိုး တစ်ခါမှ မဖြစ်ခဲ့ဖူးဘူးလို့ ပြောကြားခဲ့ပါတယ်။

ခရစ်ယာန်တွေကတော့ သူတို့ကိုကယ်တင်ခဲ့တဲ့ ရှေ့ဆောင်အီမာမ်ကို ကျေးဇူးတင်ကြောင်း ပြောကြားခဲ့ပါတယ်။

“ကျွန်တော်တို့ကို ဗလီထဲကို ခေါ်သွားပြီးတဲ့နောက် ထွက်သွားပါလို့ သူတို့ တစ်ခွန်းမပြောပါဘူး။ ဘုရားဝတ်ပြုဖို့ဆိုပြီးတော့တောင် ကျွန်တော်တို့ကို ဗလီအပြင်ကို မထွက်ခိုင်းခဲ့ပါဘူး။ မနက်စာ၊ ညစာတွေလည်း သူတို့က ကျွန်တော်တို့ကို ကြွေးပါတယ်။ အရမ်းကျေးဇူးတင်ပါတယ်” လို့ ခရစ်ယာန်ခေါင်းဆောင်တစ်ဦးက ပြောကြားခဲ့ပါတယ်။

ခရစ်ယာန်ရွာသားတွေဟာ ဗလီဆရာရဲ့ စောင့်ရှောက်မှုအောက်မှာ ၅ ရက် နေထိုင်ခဲ့ပြီး နောက်ပိုင်းမှာ အိုးအိမ်စွန့်ခွာ ထွက်ပြေးရသူတွေ နေထိုင်တဲ့စခန်းကို သွားရောက်ခဲ့ကြပါတယ်။

ဖူလာနီခေါင်းဆောင်တစ်ဦးက ခရစ်ယာန်တွေကို တိုက်ခိုက်ခဲ့တဲ့ လူအုပ်ဟာ လူစိမ်းတွေဖြစ်တယ်လို့ ပြောကြားခဲ့ပါတယ်။

“ဗလီမှာ သူတို့ကို ကျွန်တော်တို့တားတော့ ကျွန်တော်တို့ထဲကတစ်ယောက် ရိုက်နှက်သွားပါတယ်”

နိုက်ဂျီးရီးယားနိုင်ငံအလယ်ပိုင်းမှာ ဇွန်လ ၂၃ ရက်နေ့က ဖြစ်ပွားခဲ့တဲ့ အဲဒီတိုက်ခိုက်မှုအတွင်း ရွာ ၅ ရွာ ပစ်မှတ်ထား တိုက်ခိုက်ခံရပြီး လူသေဆုံးမှုတွေလည်း ရှိခဲ့ပါတယ်။

နိုက်ဂျီးရီးယား လုံခြုံရေးတပ်ဖွဲ့တွေဟာ အဖြစ်အပျက်တွေကို အချိန်မီ ထိန်းသိမ်းနိုင်ခြင်းမရှိတဲ့အတွက် ဝေဖန်မှုတွေ ခံနေရပါတယ်။

Ref: BBC