ခေါင်းဆောင်၏သား သေဆုံးပြီဟု IS ထုတ်ပြန်

ဇူလိုင် ၄၊ ၂၀၁၈
M-Media

ဟူဒါဖာယာ အလ်-ဘဒ်ရီ၏ ကိုယ်ရေးအကျဉ်း

– သူတို့ရဲ့ခေါင်းဆောင် အဘူ ဘာကာရ် အလ်-ဘဂ္ဂဒါဒီရဲ့ သားဖြစ်သူ ဟူဒါဖာယာ အလ်-ဘဒ်ရီ သေဆုံးသွားပြီလို့ IS အကြမ်းဖက်အဖွဲ့က မနေ့မှာ သတင်းထုတ်ပြန်ပါတယ်။

ဆီးရီးယားနိုင်ငံ ဟုမ်းစ်မြို့မှာ ရုရှားတပ်ဖွဲ့၊ ဆီးရီးယားအစိုးရကို ထောက်ခံတဲ့ တပ်ဖွဲ့တွေနဲ့ ဖြစ်ပွားတဲ့ တိုက်ခိုက်မှုမှာ သေဆုံးခဲ့တာ ဖြစ်ပါတယ်။ ဒါပေမယ့် အသေးစိတ်အချက်အလက်ကိုတော့ ထုတ်ပြန်ခဲ့ခြင်း မရှိပါဘူး။

IS အကြမ်းဖက်အဖွဲ့ခေါင်းဆောင် ဘဂ္ဂဒါဒီ သေဆုံးသွားပြီလို့ မကြာခဏ သတင်းတွေ ထွက်ခဲ့ပေမယ့် အခု IS ရဲ့ ထုတ်ပြန်မှုကိုကြည့်ရင် ဘဂ္ဂဒါဒီ အသက်ရှင်နေသေးတယ်လို့ ယူဆရပါတယ်။ ဒါပမယ့် ဆီးရီးယားနဲ့ အီရတ် ဘယ်နေရာမှာ ရှိနေလဲဆိုတာကို အတိအကျ မသိရပါဘူး။

ဘဂ္ဂဒါဒီရဲ့ ၄၆ မိနစ်တာကြာတဲ့ နောက်ဆုံးမိန့်ခွန်းဟာ ပြီးခဲ့တဲ့ စက်တင်ဘာလမှာ ထွက်ခဲ့ပြီး အဲဒီနောက်ပိုင်း ဘယ်ကြေငြာချက်မှ ထွက်မလာတော့ပါဘူး။

Ref: Alarabiya