ဂူထဲမှ ထိုင်းကလေး စုစုပေါင်း ၈ ဦးကို ကယ်ထုတ်နိုင်ကာ ၅ ဦးသာ ကျန်ရှိ

ဇူလိုင် ၉၊ ၂၀၁၈
M-Media

– ထန်လွန်ဂူထဲမှာ ပိတ်မိနေတဲ့ ကလေးငယ်တွေထဲက ၄ ဦးကို ဒီကနေ့မှာ ထပ်မံ ကယ်ထုတ်နိုင်ခဲ့တယ်လို့ ကယ်ဆယ်ရေးအကြီးအကဲ Narongsak Osottanakorn က သတင်းစာ ရှင်းလင်းပွဲမှာ အတည်ပြု ပြောကြားလိုက်ပါတယ်။

ဒီကနေ့ ကယ်ဆယ်ရေးလုပ်ငန်းဟာ ၉ နာရီ ကြာမြင့်ခဲ့ပြီး မနေ့က ကယ်ဆယ်ရေးလုပ်ငန်းထက် ၂ နာရီ ပိုမြန်ခဲ့ပါတယ်။ ကလေးတစ်ဦးချင်းစီကို အောက်ဆီဂျင်မျက်နှာဖုံးတပ်ပြီး ရေငုပ်သမားနှစ်ဦးက အရှေ့အနောက် ခြံရံကာ ဂူတစ်လျှောက် လမ်းပြကြိုးအတိုင်း ခေါ်ဆောင်လာတာဖြစ်ပြီး ဂူအ၀က အခြေစိုက်စခန်းကို ရောက်ဖို့အတွက် ရွှံ့ရေအောက်မှာ ၃ နာရီကြာ ငုပ်သွားရတာ ဖြစ်ပါတယ်။

Narongsak Osottanakorn က ကယ်ဆယ်ရေးမှာ လူများလာတာ၊ မနေ့က ကယ်ဆယ်ရေးလုပ်ငန်းကနေ အတွေ့အကြုံတွေ ရခဲ့တာကြောင့် ဒီလို ပိုမြန်လာတာဖြစ်တယ်လို့ ဆိုပါတယ်။ ဒီကနေ့ ကယ်ဆယ်ရေးလုပ်ငန်းမှာ ရေငုပ်သမား ၁၈ ဦး အပါအ၀င် လူ ၁၀၀ ကျော်လောက် ပါဝင်ခဲ့ပါတယ်။

“ဒီနေ့ ကျွန်တော်တို့ ယုံကြည်မှု ပိုရှိလာတယ်။ ပိုလည်း မြန်လာပါတယ်။ အဲဒီအတွက် ကျေနပ်မိပါတယ်။ ကျွန်တော်တို့ကို ကူညီပေးခဲ့တဲ့ သူတွေအားလုံးကို တိုင်းပြည်ကိုယ်စား ကျေးဇူးတင်ပါတယ်” လို့ Narongsak Osottanakorn က ပြောကြားခဲ့ပါတယ်။

ဒီနေ့ကယ်ဆယ်ထားတဲ့ ၄ ဦးဟာ မနေ့က လေးယောက်ထက် အခြေအနေပိုကောင်းပြီး ဆေးရုံကို ပို့ဆောင်ထားတယ်လို့လည်း သူက ဆိုပါတယ်။

“သူတို့အားလုံး သတိရနေကြပါပြီ။ ကျန်တဲ့ ၅ ယောက်ရဲ့ အခြေအနေလည်း ကောင်းတယ်လို့ ဆရာဝန်က ပြောပါတယ်”

ကျန်တဲ့ ကလေးငယ် ၄ ဦးနဲ့ နည်းပြတို့ကို မနက်ဖြန်မှာ ကယ်ထုတ်နိုင်ရေး တာဝန်ရှိသူတွေဟာ ဒီကနေ့ညပိုင်းမှာ အစီအစဉ်တွေ ရေးဆွဲနေကြပါတယ်။

ထိုင်းဝန်ကြီးချုပ် ပရာယွတ် ချန်အိုချာဟာ ဒီကနေ့ ကယ်ဆယ်ရေးလုပ်ငန်းကို လာရောက်ကြည့်ရှုခဲ့ပြီး နောက်ပိုင်းမှာ ဆေးရုံကို သွားရောက်ခဲ့ပါတယ်။

တိုင်း Navy Seal တပ်ဖွဲ့ဝင်တွေနဲ့ ကယ်ဆယ်ရေးအဖွဲ့ကို တွေ့ဆုံစဉ်အတွင်း ၀န်ကြီးချုပ်က ဒီအဖြစ်အပျက်ကနေ သင်ခန်းစာတွေ ကောင်းကောင်း ရခဲ့ကြောင်း၊ ထိုင်းနိုင်ငံမှာ နောက်ထပ် ဒီလိုအဖြစ်အပျက်မျိုး မဖြစ်ဖို့ မျှော်လင့်ကြောင်း ပြောကြားခဲ့ပါတယ်။

Ref: CNA