ချန်ပီယံပွဲအတွက် လေ့ကျင့်သည့်ပစ္စည်းများကို ပက်ကွီအိုက မလေးရှားကို လှူဒါန်း

ဇူလိုင် ၁၅၊ ၂၀၁၈
M-Media

ဝန်ကြီးချုပ် မဟာသီနှင့် တွေ့ရသည့် ပက်ကွီအို

– ကမ္ဘာ့ WBA ၀ယ်သာဝိတ်ချန်ပီယံဆုကို ပူပူနွေးနွေး ရရှိထားတဲ့ ဖိလစ်ပိုင်လက်ဝှေ့ကျော် ပက်ကွီအိုဟာ သူအသုံးပြုခဲ့တဲ့ လေ့ကျင့်ရေးပစ္စည်းတွေကို မလေးရှားအစိုးရထံ လှူဒါန်းမယ်လို့ သိရပါတယ်။

အသက် ၃၉ နှစ်အရွယ် လွှတ်တော်အမတ် ပက်ကွီအိုဟာ ဒီကနေ့ထိုးသတ်ခဲ့တဲ့ ချန်ပီယံလုပွဲမှာ အာဂျင်တီးနား လက်ဝှေ့သမား လူးကက်စ် မက်သိုင်စီကို ၇ ချီမြောက်မှာ အလဲထိုး အနိုင်ယူနိုင်ခဲ့ပါတယ်။

အခု မလေးရှားကို လှူဒါန်းမယ့် လေ့ကျင့်ရေး ကိရိယာတွေဟာ Fight of the Champions လို့ အမည်ပေးထားတဲ့ သူနဲ့ လူးကက်စ်တို့ ပွဲအတွက် လေ့ကျင့်ခဲ့တာတွေ ဖြစ်ပါတယ်။ ပက်ကွီအိုက မလေးရှားနိုင်ငံရဲ့ ဘောက်ဆင်လောက တိုးတက်စေဖို့ ရည်ရွယ်တယ်လို့ ပြောကြားခဲ့ပါတယ်။

“ကျွန်တော်ဟာ ၀န်ကြီးချုပ် မဟာသီယာ မိုဟာမက်နဲ့ တွေ့ဆုံခဲ့ပါတယ်။ အခုပစ္စည်းတွေဟာ ကွာလာလမ်ပူမှာ လေ့ကျင့်စဉ်အတွင်း အသုံးပြုခဲ့တာတွေဖြစ်ပြီး လှူဒါန်းသွားမှာပါ။ ကျွန်တော်တို့ဟာ မလေးရှားနိုင်ငံမှာ ဘောက်ဆင်အားကစားနည်း တိုးတက်ဖို့အတွက်လည်း ဆွေးနွေးခဲ့ကြပါတယ်။ စပြီး လုပ်ဆောင်တော့မှာပါ” လို့ ပက်ကွီအိုက ပြောကြားခဲ့ပါတယ်။

ပက်ကွီအိုဟာ မလေးရှားမှာ ဘောက်ဆင်အကယ်ဒမီတစ်ခုလည်း ဖွင့်လှစ်ဖို့ စီစဉ်နေပြီး နောက်ထပ် ပွဲကြီးပွဲကောင်းတွေကို မလေးရှားမှာ ကျင်းပဖို့ စီစဉ်သွားမယ်လို့ ထည့်သွင်း ပြောဆိုခဲ့ပါတယ်။

ဒီကနေ့ ရရှိခဲ့တဲ့ WBA ၀ယ်သာဝိတ် ချန်ပီယံဘွဲ့ဟာ ပက်ကွီအိုဘ၀မှာ ရရှိတဲ့ ၁၂ ခုမြောက် ဆုတံဆိပ်ဖြစ်ပါတယ်။

အဆက်မပြတ် ထိုးချက်တွေကြောင့် “ယန္တယား” လို့ နာမည်ကျော်တဲ့ လူးကက်စ်ဟာ ဇန်န၀ါရီလကမှ ထိုင်းနိုင်ငံသား တီဝါ ကီရမ်ကို အနိုင်ယူပြီး ၀ယ်သာဝိတ် ချန်ပီယံ ဖြစ်ခဲ့တာ ဖြစ်ပါတယ်။

Ref: CNA