အိမ်အကူကို ညှင်းပမ်းသည့် မြန်မာနိုင်ငံသားကို စင်ကာပူက ထောင် ၂ နှစ်ချ

ဇူလိုင် ၁၇၊ ၂၀၁၈
M-Media

နှိပ်စက်ခံခဲ့ရသည့် မအိဖြူထွန်း

– မြန်မာအိမ်အကူလုပ်သားတစ်ဦးကို နှိပ်စက်ညှင်းပမ်းခဲ့တဲ့ မြန်မာနိုင်ငံသားတစ်ဦးကို စင်ကာပူတရားရုံးက ဒီကနေ့မှာ ထောင်ဒဏ် ၂ နှစ်နဲ့ တစ်လ ချမှတ်လိုက်ပါတယ်။

ထောင်ဒဏ်ချမှတ်ခံရသူဟာ စင်ကာပူမှာ အမြဲတမ်းနေထိုင်ခွင့်ရထားတဲ့ အသက် ၃၉ နှစ်အရွယ် ဒေါ်ချမ်းမြအေးဆိုသူ ဖြစ်ပါတယ်။

သူမဟာ မအိဖြူထွန်းဆိုတဲ့ မြန်မာအမျိုးသမီးတစ်ဦးကို အေဂျင်စီကနေမဟုတ်ဘဲ အသိကနေတစ်ဆင့် ၂၀၁၅ ခုနှစ် ဧပြီလမှာ အိမ်အကူအဖြစ် အလုပ်ခန့်ခဲ့ပါတယ်။

မအိဖြူထွန်းဟာ အသက် ၂၂ နှစ်အရွယ်ရှိပြီး အလုပ်ခန့်ပြီး တစ်လအကြာမှာပဲ အလုပ်မပြီးမှု၊ အမှားလုပ်မှုတွေကြောင့် အိမ်ရှင် ဒေါ်ချမ်းမြအေးရဲ့ ဆူပူမှုကို ခံခဲ့ရပါတယ်။ ၂၀၁၅ ခုနှစ် ဇွန်လမှာတော့ မအိဖြူထွန်းဟာ ကိုယ်ထိလက်ရောက် ရိုက်နှက်မှုကိုပါ ခံခဲ့ရပါတယ်။

နောက်ပိုင်းမှာ မအိဖြူထွန်းရဲ့ မျက်နှာ၊ လည်ပင်းနဲ့ ရင်ပတ်တို့ကို အ၀တ်ချိတ်နဲ့ရိုက်တာ၊ ပါးရိုက်တာ၊ ၀ါယာကြိုးနဲ့ ကျောကုန်း၊ တင်ပါး၊ လက်နဲ့ ခြေထောက်တွေ ရိုက်တာကို ဒေါ်ချမ်းမြအေးက အကြိမ်ကြိမ် ပြုလုပ်ခဲ့ပါတယ်။

မအိဖြူထွန်းက ဒဏ်ရာတွေအပေါ် ဒဏ်ကြေးဆေးလိမ်းတာကိုလည်း ဒေါ်ချမ်မြအေးက ဒေါသထွက်ခဲ့ပြီး ၂၀၁၅ ခုနှစ် စက်တင်ဘာ ၂၁ ရက်နေ့မှာ ၀ါယာကြိုးနဲ့ အကြိမ်ကြိမ် ထပ်မံ ရိုက်နှက်ခဲ့ပါတယ်။

အဲဒီနောက်ပိုင်း မအိဖြူထွန်းက အိမ်ကနေ ထွက်ပြေးခဲ့ပြီး လမ်းသွားလမ်းလာတွေရဲ့ အကူအညီနဲ့ စင်ကာပူ လူ့စွမ်းအား ၀န်ကြီးဌာနကို သွားရောက်တိုင်ကြားခဲ့ကာ ၀န်ကြီးဌာနက ရဲတပ်ဖွဲ့ကို ဖုန်းခေါ်အမှုဖွင့်ခဲ့ပါတယ်။

ဒေါ်ချမ်းမြအေးဟာ စွဲချက်နှစ်ခုနဲ့ တရားစွဲဆိုခံရပြီး ဒီကနေ့မှာတော့ ခရိုင်တရားသူကြီးက ထောင်ဒဏ် ၂၅ လ ချမှတ်ခဲ့ပါတယ်။

လက်ရှိ မြန်မာနိုင်ငံက အထည်ချုပ်စက်ရုံမှာ အလုပ်လုပ်နေပြီး စင်ကာပူက တရားခွင်ကို လာရာက်နေားထောင်ခဲ့တဲ့ မအိဖြူထွန်းက အမိန့်ချမှတ်ပြီးတဲ့နောက် တရားရုံးအပြင်ဘက်မှာ ငိုကြွေးခဲ့ပါတယ်။

စင်ကာပူ အိမ်အကူ ဥပဒေအရ အန္တရာယ်ရှိတဲ့ လက်နက်တွေနဲ့ ထိခိုက်အနာတရဖြစ်အောင် လုပ်မယ်ဆိုရင် အမြင့်ဆုံး ထောင်ဒဏ် ၇ နှစ် သို့မဟုတ် ငွေဒဏ် သို့မဟုတ် ကြိမ်ဒဏ် သို့မဟုတ် ပြစ်ဒဏ်အားလုံးပေါင်းကာ ချမှတ်နိုင်ပါတယ်။

Ref: CNA