မြန်မာအစိုးရ၏ မြေယာပြုပြင်ပြောင်းလဲရေး ထိရောက်မှုမရှိဟု HRW ဝေဖန်

ဇူလိုင် ၁၇၊ ၂၀၁၈
M-Media

– နိုင်ငံအတွင်းမှာဖြစ်နေတဲ့ တရားမ၀င် မြေသိမ်းယာသိမ်း ကိစ္စတွေကို ဖြေရှင်းဖို့၊ ထိခိုက်ခံစားရသူတွေကို လျော်ကြေးပေးဖို့၊ ဒီလို သိမ်းဆည်းလို့မရအောင် ဥပဒေထုတ်ပြန်တားဆီးဖို့အတွက် လူ့အခွင့်အရေးစောင့်ကြည့်အဖွဲ့ (HRW) က မြန်မာအစိုးရကို တိုက်တွန်းလိုက်ပါတယ်။

ဒီကနေ့ထုတ်ပြန်တဲ့ ၃၃ မျက်နှာပါ အစီရင်ခံစာမှာ HRW က မြန်မာအစိုးရနဲ့ စစ်တပ်ဟာ လွန်ခဲ့တဲ့ နှစ် ၃၀ အတွင်း လယ်သမားတွေထံကနေ လယ်ယာမြေ အမြောက်များကို သိမ်းဆည်းခဲ့ပြီး ‘နစ်နာကြေး လုံးဝမပေးတာ၊ ရသင့်ရထိုက်သလောက် မပေးတာတွေ’ ရှိခဲ့တယ်လို့ ဖော်ပြထားပါတယ်။

“မြန်မာနိုင်ငံတစ်ဝှမ်း လယ်ယာတွေသိမ်းယူမှု ကျယ်ကျယ်ပြန့်ပြန် ဖြစ်ပေါ်ခဲ့တာဟာ ကျေးလက်လူ့အဖွဲ့အစည်းတွေကို ဆယ်စုနှစ်နဲ့ချီ ဆိုးဆိုးရွားရွား ထိခိုက်စေခဲ့ပါတယ်” လို့ HRW ရဲ့ အာရှဆိုင်ရာ ဒါရိုက်တာ ဖီလ်ရောဘတ်ဆန်က ပြောကြားခဲ့ပါတယ်။

စစ်အစိုးရလက်ထက်မှာ မြေယာသိမ်းတာတွေဟာ အဓိကပြဿနာတစ်ခု ဖြစ်ခဲ့ပြီး လယ်သမားတွေနဲ့ အရပ်သားတွေဆီက မြေယာပေါင်း ဟက်တာ ၈ သိန်းထက်မနည်း သိမ်းခဲ့တယ်လို့ ခန့်မှန်းဖော်ပြကြပါတယ်။ လျော်ကြေး ထိုက်သင့်သလောက်မရလို့ တောင်းဆိုတဲ့ လယ်သမားတွေ၊ မြေတွေကနေ မဖယ်ပေးတဲ့သူတွေဟာလည်း တရားစွဲဆို ခံခဲ့ရပါတယ်။

ရှမ်းပြည်နယ်၊ ဧရာဝတီတိုင်းဒေသကြီးနဲ့ ရန်ကုန်တိုင်းဒေသကြီးက လယ်သမားတွေရဲ့ အသက်မွေးဝမ်းကြောင်းလုပ်ငန်းတွေ ဆုံးရှုံးရမှု ကျန်းမာရေးစောင့်ရှောက်မှု မရတာ၊ ကလေးငယ်တွေ ပညာရေးအခွင့်အလမ်း ဆုံးရှုံးရမှုတွေကို HRW ရဲ့ အစီရင်ခံစာမှာ ဖော်ပြထားပါတယ်။

ဒေါ်အောင်ဆန်းစုကြည်အစိုးရက လတ်တလောနှစ်တွေမှာ ဆောင်ရွက်ခဲ့တဲ့ မြေယာ ပြုပြင်ပြောင်းလဲရေး လုပ်ငန်းစဉ်တွေကိုလည်း HRW က ဝေဖန်ခဲ့ပြီး ထောင်နဲ့ချီတဲ့ လယ်သမားတွေရဲ့ ပြဿနာတွေကို ဖြေရှင်းနိုင်ခြင်း မရှိဘူးလို့ ဖော်ပြထားပါတယ်။

“သူတို့ရဲ့မြေတွေ ပြန်ရဖို့၊ နစ်နာကြေးရဖို့ စောင့်ဆိုင်းနေရတဲ့အတွက် နိုင်ငံတစ်ဝှမ်းက ရာနဲ့ချီတဲ့ လယ်သမားတွေဟာ စိတ်ပျက်နေကြပြီး အစိုးရကိုဆန့်ကျင်ဆန္ဒပြပွဲ ကျင်းပမှု၊ ပါဝင်မှု၊ သူတို့ပိုင်တယ်လို့ ပြောကြတဲ့ မြေကို ၀င်ရောက်မှုတွေအတွက် တရားစွဲဆို ခံရတာတွေလည်း ရှိပါတယ်” လို့ အစီရင်ခံစာက ဆိုပါတယ်။

မြေယာအခွင့်အရေး တက်ကြွလှုပ်ရှားသူတွေကို တရားလက်လွတ်ဖမ်းဆီးတာတွေ ရပ်တန့်ဖို့၊ မြေယာသိမ်းဆည်းခံရမှုကို ငြိမ်းချမ်းစွာဆန္ဒပြခဲ့ပြီး ဖမ်းဆီးခံထားရတဲ့သူတွေကို ချက်ခြင်း လွှတ်ပေးဖို့အတွက် HRW က မြန်မာအစိုးရကို တိုက်တွန်းခဲ့ပါတယ်။

ဒါ့အပြင် မြေယာပြုပြင်ပြောင်းလဲရေးလုပ်မယ်လို့ ကျွေးကြော်ကာ မြန်မာအစိုးရရဲ့ အရူးလုပ်ခြင်းကို မခံဖို့လည်း HRW က အလှူရှင်နိုင်ငံကို တိုက်တွန်းခဲ့ပါတယ်။

“အရင်က မတရား မြေသိမ်းခံခဲ့ရတဲ့သူတွေရဲ့ ကိစ္စကို မြန်မာအစိုးရက ဖြေရှင်းဖို့ လိုအပ်ပြီး၊ အသစ်ထွက်လာမယ့် ဥပဒေတွေဟာ အနာဂတ်မှာ လယ်သမားမိသားစုတွေရဲ့ အခွင့်အရေးတွေကို အသေအချာ ကာကွယ်ပေးနိုင်အောင် ဆောင်ရွက်ဖို့လည်း လိုပါတယ်” လို့ ရောဘတ်ဆန်က ပြောကြားခဲ့ပါတယ်။

Ref: Aljazeera