ဘာသာလူမျိုးပေါင်းစုံ ညီညွတ်ကြဖို့ မလေးဘုရင် တိုက်တွန်း

ဇူလိုင် ၁၇၊ ၂၀၁၈
M-Media

မလေးဘုရင် ဆူလ်တန် မိုဟာမက် ၅

– တိုင်းပြည်အတွင်း လူမျိုးရေးဆိုင်ရာ မကျေနပ်မှုတွေ မြင့်တက်လာမှုကို ထိန်းသိမ်းကြဖို့ မလေးရှားဘုရင်က တိုက်တွန်းလိုက်ပါတယ်။

မလေးရှားအစိုးရသစ်ရဲ့ ပထမဆုံး လွှတ်တော်မိန့်ခွန်းအတွင်း ဘုရင် ဆူလ်တန် မိုဟာမက် ၅ က ဒီလို ပြောကြားလိုက်တာဖြစ်ပြီး တိုင်းပြည်ရဲ့ ‘ငြိမ်းချမ်းရေးနဲ့ စည်းလုံးညီညွတ်မှု’ ကို ‘နိုင်ငံသားတိုင်းက ထိန်းသိမ်းပြီး ခိုင်မာအောင် လုပ်ဆောင်ဖို့’ တိုက်တွန်းခဲ့ပါတယ်။

မလေးလူမျိုးတွေ လွှမ်းမိုးတဲ့ ညွန့်ပေါင်းပါတီ မေလရွေးကောက်ပွဲမှာ အရေးနိမ့်ပြီးတဲ့နောက် မလေးရှားနိုင်ငံမှာ လူမျိုးရေးဆိုင်ရာ မကျေနပ်မှုအသံတွေ ကျယ်ကျယ်လောလောင် ထွက်လာနေတာပါ။

နိုင်ငံရဲ့ ၃၂ သန်းသော လူဦးရေမှာ မလေးလူမျိုးတွေက ၆၀ ရာခိုင်နှုန်းရှိပြီး တရုတ်နဲ့ အိန္ဒိယလူမျိုးတွေက ဒုတိယနဲ့ တတိယ လိုက်နေပါတယ်။

၁၉၅၇ ခုနှစ် ဗြိတိသျှထံကနေ လွတ်လပ်ရေးရပြီးနောက်ပိုင်း တိုင်းပြည်ကို အုပ်စိုးခဲ့တဲ့ Barisan Nasional ညွန့်ပေါင်းပါတီဟာ မေလ ၉ ရက်နေ့ ရွေးကောက်ပွဲမှာ အရေးနိမ့်ခဲ့ပါတယ်။ Barisan Nasional မှာ ၀န်ကြီးချုပ်ဟောင်း နာဂျစ်ရဲ့ မလေးအခြေပြုပါတီ UMNO က အဓိက အမာခံအဖွဲ့ဖြစ်ပါတယ်။

Barisan Nasional ဟာ မလေးလူမျိုးတွေရဲ့ အခွင့်အရေးကို ဦစားပေးတဲ့ပါတီဖြစ်ပြီး သူတို့ အုပ်စိုးမှုလက်အောက်မှာ မလေးလူမျိုးတွေဟာ အစိုးရအစီအစဉ်နဲ့ မျက်နှာသာပေးမှုကို ပိုမိုရရှိခဲ့ပါတယ်။

ဒါပေမယ့် မဟာသီယာ မိုဟာမက် ဦးဆောင်တဲ့ အခုအစိုးရသစ်ဟာ မလေးလူမျိုးတွေရဲ့ အခွင့်ထူးခံစားရမှုကို ပျက်ဆီးစေလိမ့်မယ်လို့ အတိုက်အခံဖြစ်လာတဲ့ UMNO က လှုံ့ဆော်လာပါတယ်။ မဟာသီဟာ UMNO ပါတီဝင်ဟောင်း တစ်ယောက်လည်း ဖြစ်ပါတယ်။

လက်ရှိအစိုးရဟာ တရုတ်အလယ်တန်းကျောင်းက စစ်တဲ့ စာမေးပွဲကို တရားဝင် အသိအမှတ်ပြုမယ့်ကိစ္စဟာ နိုင်ငံရဲ့ မလေးအမှတ်သညာကို ထိခိုက်စေမယ်လို့ UMNO ထောက်ခံသူတွေက စိုးရိမ်နေပြီး၊ ဗလီတွေကိုပေးတဲ့ ထောက်ပံ့ကြေးကို အခုအစိုးရသစ်က လျှော့လျမယ်လို့လည်း သူတို့က စွပ်စွဲနေကြပါတယ်။

UMNO ရဲ့ အထူးကောင်စီအဖွဲ့ဝင် လွက္ကမန် အဒမ်ဟာ မနေ့က လွှတ်တော်အနီးမှာ ပါတီဝင် ၃၀၀ လောက်နဲ့ ဆန္ဒပြခဲ့ကြပြီး မလေးလူမျိုးတွေရဲ့ အခွင့်အရေး ဆုံးရှုံးနေတယ်၊ အစိုးရသစ်က အစ္စလာမ်သာသနာကို ဆိုးဆိုးရွားရွား ဆက်ဆံနေတယ်လို့ AFP သတင်းဌာနကို ပြောကြားခဲ့ပါတယ်။

ဆန္ဒပြသူတွေဟာ “ဘုရင်ကြီး သက်တော်ရာကျော်ရှည်ပါစေ” “ဘုရားသခင်သည် ကြီးမြတ်သည်” စတဲ့ ကျွေးကြော်သံတွေကို ဟစ်အော်ခဲ့ကြပြီး လွှတ်တော်ဖက် ချီတက်ဖို့ ကြိုးစားမှုကို ရဲတပ်ဖွဲ့က တားဆီးကာ လူစုခွဲခဲ့ပါတယ်။

Ref: CNA