ယူအေအီးနှင့် တရုတ်တို့ ပူးပေါင်းကာ ကုန်သွယ်ရေးဇုန် တည်ထောင်မည်

ဇူလိုင် ၁၉၊ ၂၀၁၈
M-Media

– ဒူဘိုင်းမှာ ကုန်သွယ်ရေးဇုန်သစ်တစ်ခု ထူထောင်ဖို့အတွက် တရုတ်နိုင်ငံနဲ့ သဘောတူညီချက်တစ်ရပ်ကို လက်မှတ်ရေးထိုးခဲ့တယ်လို့ ယူအေအီးနိုင်ငံပိုင် ဆိပ်ကမ်းလုပ်ငန်း DP World က ဒီကနေ့မှာ ထုတ်ဖော်ပြောဆိုလိုက်ပါတယ်။

တရုတ်သမ္မတ ရှီကျင့်ဖျင့် အဘူဒါဘီကို လာရောက်ဖို့ ရှိနေတဲ့အချိန် ဒီသတင်း ပေါ်ထွက်လာတာဖြစ်ပါတယ်။

ဒူဘိုင်းက ဂျဘာလ် အလီ လွတ်လပ်သော ကုန်သွယ်မှုဇုန်အတွင်းမှာ ‘ကုန်သည်များ ဈေးကွက်’ တစ်ခု တည်ထောင်ဖို့အတွက် DP World ဟာ တရုတ်က Zhejiang China Commodities City Group လုပ်ငန်းနဲ့ သဘောတူညီချက် ရရှိခဲ့တာပါ။

သဘောတူညီချက်ဟာ တရုတ်ရဲ့ One Belt, One Road စီမံကိန်း တစ်စိတ်တစ်ပိုင်းလည်း ဖြစ်ပါတယ်။

ဂျာဘာအလီက ဒီဈေးကွက်ဟာ အရှေ့အလယ်ပိုင်းမှာ အကြီးဆုံး ကုန်သွယ်ရေးဇုန် ဖြစ်လာမယ်လို့လည်း DP World က ကြေငြာချက်မှာ ဖော်ပြခဲ့ပါတယ်။

ဒီဇုန်မှာ အစားအသောက်၊ အလှကုန်ကနေ၊ ဆောက်လုပ်ရေး၊ နည်းပညာပစ္စည်းတွေအထိ ရရှိနိုင်မှာ ဖြစ်ပါတယ်။

နိုင်ငံပေါင်း ၄၀ လောက်မှာ ဆိပ်ကမ်းလုပ်ငန်းတွေ လုပ်ကိုင်နေတဲ့ DP World က ဒီသဘောတူညီချက်ရဲ့ တန်ဖိုးကို ထုတ်ဖော်ပြောဆိုခြင်း မရှိပါဘူး။

ရှီကျင့်ဖျင်ဟာ ဒီကနေ့နှောင်းပိုင်းမှာ အဘူဒါဘီမြို့ကို ရောက်ရှိမှာဖြစ်ပြီး ယူအေအီး အာဏာပိုင်တွေနဲ့ တွေ့ဆုံဆွေးနွေးမှာ ဖြစ်ပါတယ်။ အဲဒီနောက်မှာတော့ ဆီနီဂေါ၊ ရ၀မ်ဒါနဲ့ တောင်အာဖရိကနိုင်ငံတွေကို သွားရောက်မှာ ဖြစ်ပါတယ်။

တရုတ်ဟာ ယူအေအီးရဲ့ ထိပ်တန်း ကုန်သွယ်ဖက်နိုင်ငံတွေထဲက တစ်ခုဖြစ်ပြီး ၂၀၁၇ ခုနှစ်မှာ နှစ်နိုင်ငံ ရေနံမဟုတ်တဲ့ ကုန်စည်ကူးသန်းမှုဟာ ၁၅ ရာခိုင်နှုန်း မြင့်တက်လာခဲ့ပါတယ်။

ယူအေအီးဟာ တရုတ်နိုင်ငံကို အဓိက ရေနံတင်ပို့နေတဲ့ ၁၅ နိုင်ငံထဲက တစ်နိုင်ငံလည်း ဖြစ်ပါ
တယ်။

Ref: CNA