အမေရိကန်နှင့် အီရန်ခေါင်းဆောင်များ အပြန်အလှန်ပုတ်ခတ်ပြောဆိုပြီး တင်းမာမှုမြင့်တက်

ဇူလိုင် ၂၃၊ ၂၀၁၈
M-Media

– ပြီးခဲ့တဲ့ရက်ပိုင်းအတွင်း အီရန်ခေါင်းဆောင်တွေက အမေရိကန်အပေါ် ဝေဖန်ပြောဆိုမှုနောက်ပိုင်းမှာ အမေရိကန်နဲ့ အီရန်ခေါင်းဆောင်တွေအကြား အပြန်အလှန် ပုတ်ခတ်ပြောဆိုမှုတွေ မြင့်တက်လာပါတယ်။

အီရန်သမ္မတ ရူဟာနီက အမေရိကန်အနေနဲ့ အီရန်ကို စစ်တိုက်မယ်ဆိုရင် အမှားကြီးမှားမှာဖြစ်ပြီး မရေမတွက်နိုင်တဲ့ စစ်ပွဲများစွာ ဖြစ်သွားမယ်လို့ မနေ့က အီရန်သံတမန်တွေနဲ့ တွေ့ဆုံပွဲမှာ ပြောကြားခဲ့ပါတယ်။

ထရမ့်က အဲဒီစကားကို မနေ့ညပိုင်းမှာ Twitter စာမျက်နှာကနေ တုန့်ပြန်ခဲ့ပါတယ်။

“အမေရိကန်ကို ဘယ်တော့မှ မခြိမ်းခြောက်ပါနဲ့။ သမိုင်းမှာ ဘယ်သူမှ မခံစားရဖူးတဲ့ နောက်ဆက်တွဲဆိုးကျိုးတွေနဲ့ ကြုံတွေ့သွားရလိမ့်မယ်။ ကျုပ်တို့ဟာ ခင်ဗျားတို့ရဲ့ အကြမ်းဖက်ဖို့၊ သတ်ဖြတ်ဖို့ စကားတွေကို ငြိမ်ခံနေမယ့်တိုင်းပြည်မျိုး မဟုတ်တော့ဘူး။ သတိထားနေပါ”

၂၀၁၅ ခုနှစ်က ရရှိခဲ့တဲ့ နျူသဘောတူညီချက်ကနေ နှုတ်ထွက်ကြောင်း အမေရိကန်က မေလ ၈ ရက်နေ့မှာ ကြေငြာပြီးနောက်ပိုင်း အီရန်နဲ့ အမေရိကန်အကြား တင်းမာမှု မြင့်တက်လာတာဖြစ်ပါတယ်။

အမေရိကန်နိုင်ငံခြားရေးဝန်ကြီး မိုက် ပွပ်ပီယိုနဲ့ အမျိုးသားလုံခြုံရေးအကြံပေး ဂျွန် ဘောလ်တန်တို့ဟာ အဲဒီကတည်းက အီရန်အပါ် ရန်လိုတဲ့စကားတွေ ပြောဆိုနေခဲ့တာ ဖြစ်ပါတယ်။

မနေ့က ကယ်လီဖိုးနီးယားပြည်နယ် ဆီမီးဗာလီမှာ အမေရိကန်-အီရန် လူ့အဖွဲ့အစည်းနဲ့ တွေနဲ့ တွေ့ဆုံစဉ်အတွင်း ပွမ်ပီယိုက အီရန်အာသာရေးခေါင်းဆောင်တွေဟာ ကြောင်သူတော်တွေဖြစ်ကြောင်း၊ ပြည်သူ့ပိုက်ဆံတွေကို အိတ်ထဲထည့်နေကြောင်း ဝေဖန်ခဲ့ပါတယ်။

အီရန်ပြည်သူတွေသာ တိုင်းပြည်ကို လမ်းကြောင်းမှန်ပေါ်တင်ပေးဖို့ ဆုံးဖြတ်မယ်ဆိုရင် အမေရိကန်က ပံ့ပိုးပေးမယ်လို့လည်း ပွမ်ပီယိုက ပြောကြားခဲ့ပါတယ်။

စနေနေ့မှာ အီရန်အဓိပတိ အယာတိုလာခါမေနီက အမေရိကန်ကို ယုံစားမိတာ မှားသွားကြောင်း၊ အမေရိကန်ရဲ့ ကတိက၀တ်တွေက အသုံးမ၀င်တော့ကြောင်း ပြောကြားခဲ့ပါတယ်။

Ref: Aljazeera