အင်္ဂါနေ့မနက် နိုင်ငံတကာသတင်းများ

ဇူလိုင် ၂၄၊ ၂၀၁၈
M-Media

ဂရိတွင်တောမီးလောင်မှု လူ ၅၀ ထက်မနည်း သေဆုံး
==========
ဂရိနိုင်ငံ အေသင်မြို့တစ်ဝိုက်မှာ တောမီး အကြီးအကျယ်လောင်ကျွမ်းမှုကြောင့် အနည်းဆုံး လူ ၅၀ သေဆုံးခဲ့တယ်လို့ အာဏာပိုင်တွေက ပြောကြားခဲ့ပါတယ်။ တောမီးဟာ မနေ့ညပိုင်းက စတင်လောင်ကျွမ်းတာဖြစ်ပြီး အိုးအိမ်ပျက်ဆီးမှုတွေ ရှိခဲ့သလို၊ မီးကြောင့် ပို့ဆောင်ဆက်သွယ်ရေးလိုင်းတွေလည်း ပိတ်ပစ်ခဲ့ရပါတယ်။ ထောင်နဲ့ချီတဲ့လူတွေလည်း အိုးအိမ်စွန့်ခွာထွက်ပြေးခဲ့ရပြီး ဒဏ်ရာရသူက ၁၅၀ ကျော် ရှိလာပါတယ်။

ဒုံးကျည်ထုတ်လုပ်ရာ အဓိကအဆောက်အဦးများ မြောက်ကိုရီးယားဖျက်သိမ်း
==============
မြောက်ကိုရီးယားဟာ ဒုံးကျည်တွေအတွက် အင်ဂျင်ထုတ်လုပ်တဲ့နေရာက အဓိကအဆောက်အဦးတွေကို ဖြိုဖျက်နေတယ်လို့ ဂြိုဟ်တုဓာတ်ပုံတွေကို ကိုးကားပြီး 38 North အဖွဲ့က ပြောကြားလိုက်ပါတယ်။ မြောက်ကိုရီးယားခေါင်းဆောင် ကင်ဂျုံအန်က သူ့အနေနဲ့ နျူလုပ်ငန်းကို အပြီးတိုင်ဖျက်သိမ်းမယ်လို့ ဇွန်လက ထရမ့်နဲ့တွေ့ဆုံမှုမှာ ပြောကြားခဲ့ပါတယ်။ 38 North အဖွဲ့က အခုလုပ်ရပ်ဟာ မြောက်ကိုရီးယားအပေါ် ယုံကြည်စိတ်ချလို့ရတယ်ဆိုတာကို ပြသနေတယ်လို့ ဆိုပါတယ်။

မူးယစ်နှိမ်နှင်းရေးကို ဒူတာတေးဆက်လုပ်မည်
==============
ပြည်တွင်းပြည်ပက ဝေဖန်မှုတွေ ရှိနေပေမယ့် မူးယစ်နှိမ်နှင်းရေးကို ဆက်လက်လုပ်ဆောင်သွားမယ်လို့ ဖိလစ်ပိုင်သမ္မတ ဒူတာတေးက မနေ့က လွှတ်တော်မှာ ပြောကြားလိုက်ပါတယ်။ သူအာဏာရစဉ် လွန်ခဲ့တဲ့ ၂ နှစ်က စတင်ခဲ့တဲ့ အဲဒီ မူးယစ်တိုက်ဖျက်ရေးအတွင်း လူထောင်ချီ သေဆုံးခဲ့ပြီး လုံခြုံရေးတပ်ဖွဲ့တွေဟာ တရားလက်လွတ် သတ်ဖြတ်မှုတွေ ရှိတယ်လို့ လူ့အခွင့်အရေးအဖွဲ့တွေက ဝေဖန်ခဲ့ကြပါတယ်။ ဒူတာတေးက အဲဒီအဖွဲ့တွေဟာ လူ့အခွင့်အရေးကို စိုးရိမ်ပေမယ့် သူကတော့ လူ့ အသက်တွေကို ပိုစိုးရိမ်တယ်လို့ ဆိုပါတယ်။

Ref: Aljazeera, CNA