မဘသအသွင်ပြောင်းအဖွဲ့ကို ပိတ်ပင်မှုကြောင့် မတည်မငြိမ်ဖြစ်နိုင်ဟု ကြံ့ဖွံ့ သတိပေး

ဇူလိုင် ၂၄၊ ၂၀၁၈
M-Media

– နာမည်ဆိုးနဲ့ကျော်ကြားတဲ့ မဘသအဖွဲ့ကို အသွင်ပြောင်းထားတဲ့ ဗုဒ္ဓဓမ္မပရဟိတဖောင်ဒေးရှင်းကို အစိုးရနဲ့ သံဃမဟာနာယကအဖွဲ့က ပိတ်ပင်တာဟာ တိုင်းပြည်ကို မတည်ငြိမ်ဖြစ်စေနိုင်တယ်လို့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက သတိပေးလိုက်ပါတယ်။

နိုင်ငံတော် သံဃမဟာနာယက(မဟန)အဖွဲ့ဟာ သောကြာနေ့က မဘသအသွင်ပြောင်းအဖွဲ့နဲ့ပတ်သက်ပြီး အချက် ၅ ချက်ကို ထုတ်ပြန်ခဲ့ကာ အဲဒီအထဲမှာ ဗုဒ္ဓဓမ္မပအမည် အသုံးပြုမှုကို ပိတ်ပင်တာ၊ ၄၅ ရက်အတွင်း ဆိုင်းဘုတ်တွေဖြုတ်ချဖို့ တောင်းဆိုတာတွေ ပါဝင်ခဲ့ပါတယ်။ မလိုက်နာရင် တရားဥပဒေအရ အရေးယူသွားမယ်လို့လည်း သတိပးခဲ့ပါတယ်။

ဖောင်ဒေ့ရှင်းကတော့ ဒီတောင်းဆိုချက်တွေကို လက်ခံရမလားဆိုတာ နိုင်ငံတစ်ဝှမ်း အဖွဲ့ဝင်တွေထံကနေ ဆန္ဒတောင်းခံသွားမှာဖြစ်ကြောင်း၊ သူတို့အဖွဲ့ဟာ သံဃာအဖွဲ့အစည်းမျိုးမဟုတ်ဘဲ အမျိုး၊ ဘာသာ၊ သာသနာကို ကာကွယ်ဖို့အတွက် ဘုန်းကြီးတွေ၊ လူတွေ ပေါင်းစည်းထားတဲ့ အစိုးရမဟုတ်တဲ့ အဖွဲ့မျိုးဖြစ်ကြောင်း၊ မတည်မငြိမ်ဖြစ်လာရင် မဟနအဖွဲ့ရဲ့တာဝန်သာဖြစ်ကြောင်း တုန့်ပြန်ခဲ့ပါတယ်။

ဒီကနေ့မှာတော့ စစ်တပ်ကျောထောက်နောက်ခံပြု ကြံ့ခိုင်ရေးနှင့် ဖွံ့ဖြိုးရေးပါတီက ကြေငြာချက်တစ်ရပ် ထုတ်ပြန်ခဲ့ပြီး ဖောင်ဒေးရှင်းနဲ့ အစိုးရ၊ မဟနတို့အကြား သဘောထားကွဲလွဲမှုဟာ သံဃာသင်းကွဲမှု၊ ပြည်သူလူထု မကျေနပ်မှုနဲ့ နိုင်ငံရေးမတည်ငြိမ်မှုအထိ ဦးတည်သွားနိုင်တယ်လို့ ဖော်ပြထားပါတယ်။

မဘသအဖွဲ့ဟာ ကြံ့ခိုင်ရေးနှင့် ဖွံ့ဖြိုးရေးပါတီ အာဏာရစဉ် ၂၀၁၄ နှစ်က ပေါ်ပါက်လာတာဖြစ်ပြီး မွတ်စလင်တွေအပေါ် မုန်းတီးရေး၊ အကြမ်းဖက်ရေး လှုံ့ဆော်မှုတွေ ပြုလုပ်ခဲ့တယ်လို့ စွပ်စွဲခံခဲ့ရပါတယ်။

သမ္မတဦးသိန်းစိန်ဦးဆောင်တဲ့ ကြံ့ဖွံ့အစိုးရအဖွဲ့ဟာ မဘသက တင်သွင်းတဲ့ အငြင်းပွားဖွယ် မျိုးစောင့်ဥပဒေကိုလည်း အတည်ပြု ပြဌာန်းပေးခဲ့ပါတယ်။

Ref: Irrawaddy