မက္ကဆီကိုတွင် လူဆိုးဂိုးဏ်နှင့် ရဲများ ပေါင်းစားနေသည်ဟု ဖော်ပြသည့်သတင်းထောက် အသတ်ခံရ

ဇူလိုင် ၂၅၊ ၂၀၁၈
M-Media

– မက္ကဆီကိုနိုင်ငံမှာ တစ်ပတ်အတွင်း သတင်းထောက်နှစ်ဦး သတ်ဖြတ်ခံခဲ့ရပြီး အခုနှစ်အတွင်း အသတ်ခံရတဲ့ ဂျာနယ်လစ်အရေအတွက်ဟာ ၈ ဦးအထိ ရှိလာပါတယ်။

အင်္ဂါနေ့က ရူဘန် ပတ် ကော်အစ်ခ်ျဆိုတဲ့ သတင်းထောက်ဟာ နိုင်ငံအရှေ့တောင်ပိုင်းက အဖန်းဖြေမြို့မှာ သေနတ်နဲ့ ပစ်သတ်ခံခဲ့ရတာ ဖြစ်ပါတယ်။ သူဟာ ကင်တားနားရူပြည်နယ်က သတင်းတွေကို ဖော်ပြနေတဲ့ Facebook အခြေစိုက် သတင်းဌာန Playa News Aqui y Ahora ရဲ့ အကြီးအကဲ ဖြစ်ပါတယ်။

သူရဲ့ လုပ်ဖော်ကိုင်ဖက် ဂျိုဆေး ဂူဒါလူပီ ချန် ဒီဇစ်ဘ်ဆိုသူလည်း ဇွန်လ ၂၉ ရက်နေ့မှာ သေနတ်နဲ့ ပစ်ခတ်သတ်ဖြတ်ခံခဲ့ရပါတယ်။

အခုသေဆုံးသွားတဲ့ ကော်အစ်ခ်ျဟာ ဇွန်လအတွင်း မက္ကဆီကိုရဲတပ်ဖွဲ့ရဲ့ ဖမ်းဆီး၊ ရိုက်နှက်၊ ခြိမ်းခြောက်မှုကို ခံခဲ့ရတယ်လို့ နယူးယောက်အခြေစိုက် ဂျာနယ်လစ်များ ကာကွယ်ရေးကော်မတီ (CPJ) က ဖော်ပြခဲ့ပါတယ်။

ရဲတပ်ဖွဲ့ဟာ လူဆိုးဂိုဏ်းတွေနဲ့ ပေါင်းစားနေတယ်လို့ ကော်အစ်ခ်ျက ဆောင်းပါးတစ်ပုဒ် ရေးသားဖော်ပြခဲ့ဖူးပါတယ်။ ကော်အစ်ခ်ျဟာ လူဆိုးဂိုးဏ်တွေရဲ့ရန်ကြောင့် ရဲတပ်ဖွဲ့က ကာကွယ်ပေးရေး စာရင်းသွင်းထားသူလည်း ဖြစ်ပါတယ်။

ပြီးခဲ့တဲ့တစ်ပတ်ကလည်း အသက် ၈၀ အရွယ် ဂျာနယ်လစ်နဲ့ တီဗီအစီအစဉ်တင်ဆက်သူ လူအစ်ဖ် ပီရက်ဇ် ဂါဇီယာရဲ့အိမ် မီးလောင်ခဲ့ပြီး မီးငြိမ်းသတ်ပြီးတဲ့နောက် ဂါစီယာရဲ့အလောင်းကို တွေ့ခဲ့ရပါတယ်။

ဒေသတွင်းမီဒီယာတွေကတော့ လူသတ်သမားတွေက ဂါစီယာကို ရိုက်နှက်ကာ နှာခေါင်းပိတ် သတ်ဖြတ်ခဲ့ပြီး၊ အိမ်ကိုလည်း မီးရှို့ခဲ့ကြတယ်လို့ ဖော်ပြခဲ့ပါတယ်။

၂၀၁၂ ခုနှစ်ကတည်းကစလို့ မက္ကဆီကိုနိုင်ငံမှာ ဂျာနယ်လစ် ၄၂ ဦး အသတ်ခံခဲ့ရပြီး၊ ဂျာနယ်လစ်တွေအပေါ် တိုက်ခိုက်မှုကလည်း အကြိမ် ၂၀၀၀ လောက် ရှိလာပါတယ်။

သမ္မတသစ် အန်ဒရေ မန်နျူယဲလ် လိုပက်ဇ် အိုဘရာဒေါရ်ကတော့ ဂျာနယ်လစ်တွေကို ပိုမို ကာကွယ်ပေးသွားမယ်လို့ မေလမှာ ပြောကြားခဲ့ပါတယ်။

Ref: Aljzeera