ကြာသာပတေးနေ့နေ့လည် နိုင်ငံတကာသတင်းများ

ဇူလိုင် ၂၆၊ ၂၀၁၈
M-Media

ဆော်ဒီရေနံတင်သင်္ဘောများ

ရေနံတင်သင်္ဘောကို ဟူသီတို့ တိုက်ခိုက်မှုကြောင့် ဆော်ဒီက ရေလက်ကြားတစ်ခု ပိတ်ပစ်
=========
ယီမင်က ဟူသီသူပုန်တွေဟာ ဆော်ဒီရေနံတင်သင်္ဘောတွေကို တိုက်ခိုက်ခဲ့ပြီးတဲ့နောက် ဘာ့ဘ် အလ်-မန်ဒက်ဘ် ရေလက်ကြားကနေ ရေနံတွေတင်ပို့မှုကို ခေတ္တရပ်ဆိုင်းလိုက်တယ်လို့ ဆော်ဒီက ကြေငြာပါတယ်။ ဟူသီတွေရဲ့ တိုက်ခိုက်မှုအတွင်း ရေနံစည်ပေါင်း ၂ သန်းလောက် တင်ဆောင်ထားတဲ့ ဆော်ဒီရေနံတင်သင်္ဘောတစ်စီး ထိခိုက်ခဲ့ပေမယ့် ဆော်ဒီက အသေးစိတ် ထုတ်ပြန်ခြင်း မရှိပါဘူး။ တိုက်ခိုက်မှုကို အချိန်မီ ဟန့်တားနိုင်ခဲ့တယ်လို့ ဆော်ဒီအာဏာပိုင်တွေက ပြောကြားခဲ့ပါတယ်။

လာအိုရေကာတာကြောင့် ကမ္ဘောဒီးယားတွင် ရေကြီး
===============
လာအိုမှာ လျှပ်စစ်ထုတ်တဲ့ ရေကာတာ ကျိုးပေါက်မှုကြောင့် ကမ္ဘောဒီးယားနိုင်ငံ အရှေ့မြောက်ပိုင်းက ပြည်နယ်တွေမှာ ရေကြီးမှုတွေ ဖြစ်ပေါ်နေပြီး လူသောင်းနဲ့ချီ အိုးအိမ်စွန့်ခွာခဲ့ရပါတယ်။ လက်ရှိ ရေကြီးနေတဲ့နေရာတွေဟာ ရေဆန်ဖက်ပြီး၊ ရေစုန်ဖက်မှာလည်း ထပ်ပြီး ရေကြီးမယ်လို့ အစိုးရက သတိပေးထားပါတယ်။ လာအိုနိုင်ငံမှာတော့ ရေကြီးမှုကြောင့် အနည်းဆုံး ၂၆ ဦး သေဆုံးခဲ့ပြီး ပျောက်ဆုံးနေသူ တော်တော်များများ ရှိနေပါတယ်။

ခရိုင်းမီးယားကို ရုရှားပိုင်နက်အဖြစ် အသိအမှတ်မပြုဟု အမေရိကန်ပြော
===============
ယူကရိန်းပိုင် ခရိုင်းမီးယားကျွန်းဆွယ်ကို ရှားက သူ့ပိုင်နက်ထဲ ထည့်သွင်းမှုကို မိမိတို့ ဘယ်တော့မှ အသိအမှတ်ပြုမှာ မဟုတ်ဘဲ၊ ယူကရိန်းရဲ့ နယ်မြေပိုင်ဆိုင်မှု ပြန်လည်ရရှိအောင် ဆက်လက် ကူညီသွားမယ်လို့ အမေရိကန်နိုင်ငံခြားရေးဝန်ကြီး မိုက်ပွမ်ပီယိုက မနေ့မှာ ပြောကြားခဲ့ပါတယ်။ ရုရှားစကားပြောသူအများစု နေထိုင်တဲ့ ခရိုင်းမီးယားကျွန်းဆွယ်ဟာ ၂၀၁၄ ခုနှစ်မှာ ယူကရိန်း ၀န်ကြီးချုပ်ရွေးကောက်ပွဲကနေတစ်ဆင့် မတည်မငြိမ် ဖြစ်လာခဲ့ပြီး ရုရှားက သူ့ပိုင်နက်ထဲ သွတ်သွင်း ခဲ့တာ ဖြစ်ပါတယ်။ ရုရှားက ခရိုင်းမီးယားပြည်သူတွေဟာ လူထုဆန္ဒယူပွဲလုပ်ပြီး ရုရှားနဲ့ ပေါင်းလာတာ ဖြစ်တယ်လို့ ပြောကြားထားပါတယ်။ အမေရိကန်ဟာ ဒီကိစ္စအတွက် ရုရှားအပေါ် ပိတ်ဆို့မှုတွေလည်း လုပ်ခဲ့ပါတယ်။

အစ္စရေးလက်ချက်ကြောင့် ဂါဇာတွင် လူ ၃ ဦး သေဆုံး
================
ဂါဇာကမ်းမြှောင်မှာ မနေ့က အစ္စရေးရဲ့ လေကြောင်းကနေ တိုက်ခိုက်မှုကြောင့် အနည်းဆုံး ပါလက်စတိုင်းပြည်သူ ၃ ဦး သေဆုံးခဲ့ပြီး လူ တစ်ချို့ ဒဏ်ရာရရှိခဲ့ပါတယ်။ ဂါဇာမှာအားကောင်းတဲ့ ပါလက်စတိုင်းတော်လှန်ရေးအဖွဲ့ ဟားမက်စ်နဲ့ အစ္စရေးတို့ဟာ ကုလရဲ့ ကြားဝင်မှုနဲ့ ပြီးခဲ့တဲ့ရပ်ပိုင်းကပဲ အပစ်ရပ်ခဲ့ကြတာ ဖြစ်ပါတယ်။ အစ္စရေးကတော့ နယ်စပ်မှာ သူတို့စစ်သားတစ်ယောက် သေနတ်ပစ်ခံလိုက်ရတဲ့အတွက် လက်တုန့်ပြန်တာဖြစ်တယ်လို့ ထုတ်ပြန်ပါတယ်။ ဟားမက်စ်က ဒီကိစ္စနဲ့ပတ်သက်ပြီး ထုတ်ပြန်ခြင်း မရှိသေးပါဘူး။

Ref: Aljazeera