တောင်ပိုင်းဒေသအား အာဏာနှင့် သံယဇာတခွဲပေးမည့် ဥပဒေကို ဖိလစ်ပိုင်သမ္မတ လက်မှတ်ထိုး

ဇူလိုင် ၂၈၊ ၂၀၁၈
M-Media

ဖိလစ်ပိုင်သမ္မတ ရော်ဒရီဂို ဒူတာတေး

– နိုင်ငံတောင်ပိုင်းမှာ မိုရိုလူမျိုးစုတွေကို အာဏာနဲ့ သယံဇာတ ခွဲဝေပေးမယ့် ဥပဒေမူကြမ်းတစ်ခုကို ဖိလစ်ပိုင်သမ္မတ ရော်ဒရီဂို ဒူတာတေးက သောကြာနေ့မှာ လက်မှတ်ရေးထိုးလိုက်ပြီး ရာစုနှစ်ဝက်နီးပါး ရှိနေတဲ့ တောင်ပိုင်းမတည်ငြိမ်မှု အဆုံးသတ်ရေး လမ်းစတစ်ခုလည်း ဖြစ်ပါတယ်။

Bangsamoro organic law လို့ အမည်ပေးထားတဲ့ အဲဒီဥပဒေအရ နိုင်ငံတောင်ပိုင်းဒေသဟာ ကိုယ်ပိုင်အုပ်ချုပ်ခွင့်၊ ဒေသထွက် သယံဇာကို ဒေသခံပြည်သူတွေ ခံစားခွင့် ရရှိမှာဖြစ်သလို၊ ဗဟိုအစိုးရက ဒေသကို ပုံသေထောက်ပံ့မှုလည်း ပြုလုပ်ပေးမှာ ဖြစ်ပါတယ်။

ဒီသသဘောတူညီချက် ရရှိဖို့အတွက် တောင်ပိုင်းက မိုရိုအစ္စလာမ့်လွတ်မြောက်ရေး တပ်ဦး MILF နဲ့ ဖိလစ်ပိုင် အစိုးရတို့ဟာ သမ္မတ ၄ ဆက်၊ နှစ်ပေါင်း ၂၀ ကျော်ကြာ ဆွေးနွေးခဲ့ရတာ ဖြစ်ပါတယ်။

MILF ရဲ့ ဥက္ကဌ အလ် ဟဂ်ျ မူရဒ် အီဘရာဟင်က အခု လက်မှတ်ရေးထိုးလိုက်တဲ့ ဥပဒေကို အပြည့်အ၀ အကောင်အထည်ဖော်နိုင်တဲ့အချိန်ကျရင် သူတို့ရဲ့ လက်နက်ကိုင်အဖွဲ့တစ်ခုလုံးကို လက်နက်ဖြုတ်သိမ်းသွားမယ်လို့ အင်္ဂါနေ့မှာ ပြောကြားခဲ့ပါတယ်။ MILF မှာ တပ်ဖွဲ့ဝင်ပေါင်း ၃ သောင်းကနေ၊ ၄ သောင်းအထိ ရှိတယ်လို့ ခန့်မှန်းရပါတယ်။

နိုင်ငံတောင်ပိုင်းက အကြီးမားဆုံး စစ်စခန်း ၆ ခုကိုလည်း လူ့အဖွဲ့အစည်း ပြုစုပျိုးထောင်ရေးစင်တာတွေအဖြစ် အသွင်ပြောင်းထားပြီး လက်နက်ကိုင်တွေ သာမန်ဘ၀ ပြန်လည်ရရှိရေး အကူအညီပေးနေတယ်လို့လည်း မူရဒ်က ပြောပါတယ်။

လူမျိုးစုငယ်ပေါင်း များစွာရှိပြီး တောင်ပိုင်းက ဌာနေတိုင်းရင်းသားတွေဖြစ်တဲ့ မိုရိုတွေဟာ အစ္စလာမ်ဘာသာဝင်တွေဖြစ်ပြီး စပိန်ကိုလိုနီတွေရဲ့ စပိန်ဇာတ်သွင်းမှု၊ ခရစ်ယာန်ဇာတ်သွင်းမှုကို ကြံ့ကြံ့ခံ ကာကွယ်နိုင်ခဲ့တဲ့ ဖိလစ်ပိုင်က တစ်ခုတည်းသောမျိုးနွယ် ဖြစ်ပါတယ်။ မိုရိုတွေဟာ အရင်က သီးခြားနိုင်ငံတစ်ခုအဖြစ် ခွဲထွက်လိုခဲ့ပေမယ့် နောက်ပိုင်းမှာ ကိုယ်ပိုင်အုပ်ချုပ်ခွင့်နဲ့သာ ကျေနပ်ခဲ့ပါတယ်။

ဥပဒေသစ်အရ တောင်ပိုင်းဒေသ ဖွံ့ဖြိုးတိုးတက်ရေးအတွက် ဗဟိုအစိုးရဟာ နှစ်စဉ် ကန်ဒေါ်လာ ၁.၂ ဘီလီယံကနေ ၁.၃ ဘီလီယံအထိ ထောက်ပံ့ပေးသွားမှာ ဖြစ်ပါတယ်။

ဖိလစ်ပိုင်အစိုးရရဲ့ ဒီလုပ်ရပ်အတွက် အနောက်နိုင်ငံတွေက ချီးကျူးခဲ့ပြီး၊ ဖိလစ်ပိုင်တောင်ပိုင်းမှာ IS အကြမ်းဖက်သမားတွေ ခြေကုပ်ယူမှုကို ကာကွယ်နိုင်လိမ့်မယ်လို့ ပြောကြားခဲ့ပါတယ်။

MILF တပ်ဖွဲ့တွေဟာ မာရာဝီမြို့ကို IS လက်ထဲကနေ ပြန်လည်ရယူနိုင်အောင် ဖိလစ်ပိုင်စစ်တပ်နဲ့အတူ တိုက်ပွဲဝင်ခဲ့ကြသူတွေလည်း ဖြစ်ပါတယ်။

Ref: AFP