ဖိလစ်ပိုင်အစိုးရ၏ ကိုယ်ပိုင်အုပ်ချုပ်ခွင့် ဥပဒေသစ်ကို မိုရိုလူမျိုးစု ကြိုဆို

ဇူလိုင် ၂၉၊ ၂၀၁၈
M-Media

– သောကြာနေ့က သမ္မတဒူတာတေး လက်မှတ်ထိုးခဲ့ပြီး သူတို့ဒေသကို ကိုယ်ပိုင်အုပ်ချုပ်ခွင့်ပေးမယ့် ဥပဒေနဲ့ပတ်သက်လို့ ဖိလစ်ပိုင်က အကြီးအဆုံး မိုရိုသူပုန်အဖွဲ့နဲ့ ပြည်သူတွေဟာ ဒီကနေ့မှာ တွေ့ဆုံကာ ဆွေးနွေးမှုတွေ ပြုလုပ်ခဲ့ပါတယ်။

အဲဒီ ကိုယ်ပိုင်အုပ်ချုပ်ခွင့် ဥပဒေဟာ နိုင်ငံတောင်ပိုင်းမှာ ၁၉၇၀ ပြည့်နှစ်တွေကတည်းက စတင်ခဲ့တဲ့ မိုရိုတွေရဲ့ သူပုန်ထမှုကို အဆုံးသတ်စေမယ့် ခြေလှမ်းတစ်ခုလည်း ဖြစ်ပါတယ်။ သူပုန်ထမှုနောက်ဆက်တွဲအဖြစ် တိုက်ခိုက်မှုတွေဖြစ်ခဲ့ပြီး လူပေါင်း ၁၅၀၀၀၀ လောက် သေဆုံးခဲ့ပါတယ်။

ဒီကနေ့ ဆွေးနွေးပွဲကို မိုရိုအစ္စလာမ့်လွတ်မြောက်ရေးတပ်ဦး MILF လို့ခေါ်တဲ့ သူပုန်အဖွဲ့က အဖွဲ့ဝင်တွေ၊ မင်ဒါနာအိုကျွန်း တစ်ကျွန်းလုံးက ဒေသဆိုင်ရာ ရပ်မိရပ်ဖတွေ တက်ရောက်ခဲ့ကြပါတယ်။

သမ္မတ ဒူတာတေး လက်မှတ်ထိုးခဲ့တဲ့ ဒီဥပဒေ ဖြစ်လာဖို့အတွက် MILF နဲ့ ဖိလစ်ပိုင်အစိုးရတို့ဟာ သမ္မတ ၄ ဆက်၊ နှစ်ပေါင်း ၂၀ ကျော်ကြာ ဆွေးနွေးခဲ့ရတာဖြစ်ပါတယ်။ ဥပဒေအရ တောင်ပိုင်းဒေသဟာ ကိုယ်ပိုင်အုပ်ချုပ်ခွင့် ရမှာဖြစ်သလို၊ ဒေသထွက် သယံဇာတတွေကို ဒေသခံပြည်သူတွေ ခွဲဝေသုံးစွဲခွင့်လည်း ရမှာ ဖြစ်ပါတယ်။ အပြန်အလှန်အားဖြင့် MILF က သူ့တို့ရဲ့ တပ်ဖွဲ့အားလုံးကို လက်နက်ဖြုတ်သိမ်းရမှာ ဖြစ်ပါတယ်။

ဒီဥပဒေကို တောင်ပိုင်း ဒေသခံတွေဟာ လူထုဆန္ဒခံယူပွဲ ပြုလုပ်ဖို့လည်း ရှိနေပါတယ်။

“ဒါဟာ ကျွန်တော်တို့ရဲ့ အိပ်မက်ပါ။ ဒီတိုက်ခိုက်မှုကို အဆုံးသတ်နိုင်ပြီဆိုရင် ငြိမ်းငြိမ်းချမ်းချမ်းနဲ့ နေထိုင်သွားနိုင်မှာပါ။ ပြည်သူအများစုက ငြိမ်းချမ်းမှုကို လိုချင်တယ်။ ဒါ့ကြောင့် လက်နက်ကိုင်ပြီး တောင်းဆိုရတာပါ။ ကျွန်တော်တို့ တပ်ဦးက အောင်မြင်လိုက်တာဟာ အဖွဲ့တစ်ခုတည်းအတွက် မဟုတ်ဘဲ မင်ဒါနာအိုကျွန်းက ပြည်သူအားလုံးအတွက် ဖြစ်ပါတယ်” လို့ အသက် ၆၁ နှစ်အရွယ် MILF တိုက်ခိုက်ရေးသမားဟောင်း နာဆာရ် ဆာမာမာက ပြောကြားခဲ့ပါတယ်။

မိုရိုတွေဟာ အစောပိုင်းက ခွဲထွက်ရေး တောင်းဆိုခဲ့ပေမယ့် နောက်ပိုင်းမှာ ကိုယ်ပိုင်အုပ်ချုပ်ခွင့်နဲ့ ကျေနပ်ခဲ့ကြတာ ဖြစ်ပါတယ်။

MILF က အခြားအဖွဲ့ဝင်တွေနဲ့ မိုရိုပြည်သူတွေကလည်း အခု ဥပဒေအသစ်ကို ထောက်ခံကြောင်း ပြောကြားခဲ့ပါတယ်။

Ref: Aljazeera