တောင်တရုတ်ပင်လယ်ကိစ္စဖြေရှင်းရေး မူကြမ်းတစ်ခုကို အာဆီယံနှင့် တရုတ်တို့ သဘောတူ

သြဂုတ် ၂၊ ၂၀၁၈
M-Media

– တောင်တရုတ်ပင်လယ်က ပိုင်နက်အငြင်းပွားမှုကိစ္စကို ဖြေရှင်းဖို့အတွက် ကျင့်ဝတ်စည်းကမ်းတွေ သတ်မှတ်ရေး ဆွေးနွေးနိုင်မယ့် မူကြမ်းတစ်ခုကို အာဆီယံ နိုင်ငံခြားရေးဝန်ကြီးတွေနဲ့ တရုတ်တို့က ဒီကနေ့မှာ သဘောတူခဲ့ကြပါတယ်။

၅၁ ကြိမ်မြောက် အာဆီယံ နိုင်ငံခြားရေးဝန်ကြီးများ အစည်းအဝေးကို စင်ကာပူနိုင်ငံမှာ ဒီကနေ့ စတင်ကျင်းပခဲ့ပြီး တရုတ်နဲ့ အခြားနိုင်ငံတစ်ချို့က ကိုယ်စားလှယ်တွေလည်း တက်ရောက်ခဲ့ကြပါတယ်။

တရုတ်ဟာ ဘရူးနိုင်း၊ မလေးရှား၊ ဖိလစ်ပိုင်နဲ့ ဗိယက်နမ်တို့အပါအ၀င် အာဆီယံနိုင်ငံတစ်ချို့နဲ့ တောင်တရုတ်ပင်လယ်မှာ ပိုင်နက်အငြင်းပွားမှုတွေ ဖြစ်ပေါ်နေပြီး လက်ရှိ အာဆီယံအဖွဲ့ရဲ့ ဥက္ကဌအဖြစ် တာဝန်ထမ်းဆောင်နေတဲ့ စင်ကာပူက ဒီကိစ္စကို ကြားဝင် ညှိနှိုင်းပေးနေပါတယ်။

ပိုက်နက်အငြင်းပွားမှု ပြဿနာ ဖြေရှင်းရာမှာ လိုက်နာရမယ့် ကျင့်ဝတ်စည်းကမ်းတွေ ချမှတ်ရေး ညှိနှိုင်းဆွေးနွေးမှုကို အခုနှစ်မတ်လမှာ စတင်ခဲ့ပြီး ဇွန်လ တရုတ်နိုင်ငံ ချန်ရှာမြို့မှာပြုလုပ်တဲ့ ဆွေးနွေးပွဲမှာ ပထမဆုံးမူကြမ်း ရေးဆွဲနိုင်ခဲ့ပါတယ်။

စင်ကာပူ နိုင်ငံခြားရေးဝန်ကြီး ဗီဗီယန် ဘာလာခရစ်ရ်ှနန်က အာဆီယံနဲ့ တရုတ်တို့ သဘောတူညီခဲ့တဲ့ အခုမူကြမ်းဟာ ကျင့်ဝတ်စည်းကမ်းသတ်မှတ်ရေးအတွက် နောက်ထပ် ပြုလုပ်ဖို့ရှိနေတဲ့ ဆွေးနွေးပွဲတွေရဲ့ အခြေခံဖြစ်တယ်လို့ ပြောကြားခဲ့ပါတယ်။

အငြင်းပွား ရေပိုင်နက်ထဲမှာ အာဆီယံနိုင်ငံတွေနဲ့ ပူးပေါင်း စစ်ရေးလေ့ကျင့်တာ၊ စွမ်းအင်ရှာဖွေတာတွေကို လုပ်ဆောင်ဖို့နဲ့ အဲဒီလိုလုပ်ဆောင်ရာမှာ ဒေသပြင်ပက တစ်ခြားနိုင်ငံတွေ မပါဖို့ တရုတ်က မူကြမ်းမှာ အကြံပြုထားတယ်လို့ AP သတင်းဌာနက ဖော်ပြပါတယ်။

ဗီယက်နမ်ကတော့ တရုတ်ရဲ့လုပ်ရပ်တွေကို ပြင်းပြင်းထန် ကန့်ကွက်ကြောင်း မူကြမ်းမှာ ဖော်ပြထားပြီး ကျွန်းတုတွေ၊ စစ်စခန်းတွေ ဆောက်လုပ်နေတာကို ရပ်တန့်ဖို့လည်း တိုက်တွန်းထားပါတယ်။

Ref: CNA, AP