အသက် ၁၀ နှစ်အရွယ် ဖိလစ်ပိုင်ရေကူးသမား မိုကယ်ဖဲလ်ပ်၏ ၂၃ နှစ်ကြာစံချိန်ကို ချိုးဖျက်နိုင်

သြဂုတ် ၄၊ ၂၀၁၈
M-Media

– ဖိလစ်ပိုင်က အသက် ၁၀ နှစ်အရွယ် ရေကူးအားကစားသမားလေးဟာ ကမ္ဘာ့ရေကူးချန်ပီယံ အမေရိကန်နိုင်ငံသား မိုက်ကယ်ဖဲလ်ပ် တင်ထားတဲ့ စံချိန်တစ်ခုကို ချိုးဖျက်နိုင်ခဲ့ပါတယ်။

ကလာ့က် ကန့် အပူအာဒါဆိုတဲ့ အဲဒီကလေးငယ်ဟာ အမေရိကန်-ဖိလစ်ပိုင် ကပြားဖြစ်ပြီး Monterey County Aquatic ရေကူးအသင်းရဲ့ အသင်းဝင်တစ်ယောက်လည်း ဖြစ်ပါတယ်။

သူဟာ ပြီးခဲ့တဲ့တစ်ပတ် အမေရိကန်ပြည်ထောင်စု ကယ်လီဖိုးနီးယားမှာ ပြုလုပ်ခဲ့တဲ့ Far West International Championship ရေကူးပြိုင်ပွဲ မီတာ ၁၀၀ လိပ်ပြာကူးမှာ ၁ မိနစ် ၉.၃၈ စက္ကန့်နဲ့ ဗိုလ်စွဲခဲ့တာပါ။

ဒါဟာ ကမ္ဘာ့ရေကူးချန်ပီယံ မိုက်ကယ်ဖဲလ်ပ် အဲဒီပြိုင်ပွဲမှာ ၁၉၉၅ ခုနှစ်က တင်ထားတဲ့စံချိန်ကို ချိုးဖျက်နိုင်ခဲ့တာဖြစ်ပါတယ်။ ဖဲလ်ပ်ဟာ သူ့ရဲ့ အဲဒီစံချိန်ကို အိုလံပစ် မီတာ ၁၀၀ ရေကူးပြိုင်ပွဲမှာ သူကိုယ်တိုင် ပြန်လည်ချိုးဖျက်နိုင်ခဲ့ပါတယ်။

လွန်ခဲ့တဲ့ ၄ နှစ်က ရေကူးအားကစားထဲကိုဝင်လာတဲ့ အပူအာဒါဟာ ပရိတ်သတ်တွေရဲ့ စိတ်ဝင်စားမှုကို ခံလာခဲ့ရပြီး လိပ်ပြာကူးမှာ မိုက်ကယ်ဖဲလ်ပ်ပြီးရင် ဒုတိယအမြန်ဆုံးကူးနိုင်သူတစ်ယောက် ဖြစ်လာပါတယ်။

သူဟာ ရေကူးအားကစားမှာတင်မကဘဲ စန္ဒားတီးယား၊ သိုင်းကစားတာနဲ့ ကွန်ပျူတာပရိုဂရမ်ရေးတာတွေမှာလည်း ထူးချွန်သူ ဖြစ်ပါတယ်။

“အဲဒါတွေကို ကျွန်တော် မျှမျှတတနဲ့ ကောင်းကောင်းမွန် လုပ်ဆောင်ပါတယ်။ ပရိတ်သတ်တွေ အများကြီးရှိပြီး၊ နည်းပြနဲ့ မိဘတွေကလည်း အားပေးတာကြောင့် ရေကူးရတာကို ကျွန်တော် ကြိုက်ပါတယ်” လို့ အပူအာဒါက ပြောကြားခဲ့ပါတယ်။

လူငယ်တွေအနေနဲ့ မိမိတို့ရဲ့ စွမ်းရည်ကို ရှာဖွေပြီး အသုံးပြုကြဖို့ သူက တိုက်တွန်းခဲ့ပါတ်။

“ရည်မှန်းချက်ကြီးကြီးထားပါ။ အဲဒီရေမှန်းချက်ကို ပျော်ပျော်ရွှင်ရွှင်နဲ့ အာရုံစိုက်လုပ်ဆောင်ပါ”

အပူအာဒါဟာ လက်ရှိ အိုလံပစ်ပြိုင်ပွဲမှာ အောင်ပွဲတွေရဖို့ ပစ်မှတ်ထားနေပါတယ်။

Ref: Khaleej Times