‘ဂျူးအမျိုးသားနိုင်ငံ ဥပဒေ’ ကို အစ္စရေးပြည်သူများ ကန့်ကွက်

သြဂုတ် ၅၊ ၂၀၁၈
M-Media

– အစ္စရေးကို ဂျူးအမျိုးသားနိုင်ငံတော်အဖြစ် သတ်မှတ်တဲ့ ဥပဒေကို ဆန့်ကျင်တဲ့အနေနဲ့ သိန်းနဲ့ချီတဲ့ အစ္စရေးနိုင်ငံသားတွေဟာ မနေ့က မြို့တော် တလ်အဗီးမှာ ဆန္ဒပြခဲ့ကြပါတယ်။

ပြီးခဲ့တဲ့လနှောင်းပိုင်းက အစ္စရေးလွှတ်တော်မှာ အကြိတ်အနယ်ဆွေးနွေးပြီး အတည်ပြုခဲ့တဲ့ အဲဒီမူကြမ်းဟာ အာရပ်ဘာသာစကားကို အဆင့်လျှော့ချပြီး၊ လူမျိုးစုဒေသတွေမှာ ဂျူးတွေအပေါ် အခြားလူမျိုးတွေက အုပ်စိုးမှုကို ကန့်သတ်ထားပါတယ်။

ဒီဥပဒေပြဌာန်းမှုကို အစ္စရေးမှာသာမက ကမ္ဘာတစ်ဝှမ်းကလည်း ဝေဖန်ခဲ့ကြပြီး အစ္စရေးနိုင်ငံအတွင်းမှာရှိတဲ့ ဂျူးမဟုတ်သူတွေအပေါ် ခွဲခြားမှုဖြစ်တယ်လို့ ပြောကြားခဲ့ပါတယ်။

မနေ့က ဆန္ဒပြပွဲမှာ ပြည်သူတွေဟာ “ငါတို့ဟာ ညီအစ်ကိုတွေဆိုရင် ညီတူမျှတူဖြစ်ရမယ်”၊ “ငါတို့ရဲ့အင်အားက ညီညွတ်ခြင်းပဲ- ဂျူးအမျိုးသားနိုင်ငံဥပဒေဟာ ငါတို့ကိုသွေးကွဲစေတယ်” စတဲ့ ဆောင်ပုဒ်တွေကို ကိုင်ဆောင်ချီတက်ခဲ့ကြပါတယ်။ ဆန္ဒပြသူတွေဟာ အစ္စရေးအလံနဲ့ ဒရူဇီလူမျိုးတွေရဲ့ အလံတွေကိုလည်း ယှဉ်တွဲ ကိုင်ဆောင်ခဲ့ကြပါတယ်။

ဒရူဇီလူမျိုးတွေဟာ အာရဘီဘာသာစကားပြော လူမျိုးစုဖြစ်ပြီး ထူးချွန်တာကြောင့် အစ္စရေးစစ်တပ်နဲ့ နိုင်ငံရေးနယ်ပယ်တွေမှာ ထိပ်တန်းရာထူးတွေကို ရယူထားသူတွေ ဖြစ်ပါတယ်။ ဒရူဇီတွေက ‘ဂျူးအမျိုးသားနိုင်ငံ ဥပဒေ’ ဟာ နိုင်ငံအတွင်းက အခြားသောအုပ်စုတွေကို ခွဲခြားမှုဖြစ်တယ်လို့ ပြောကြားခဲ့ပါတယ်။

ဆန္ဒပြပွဲတွေကို ရပ်တန့်ရေးအတွက် ၀န်ကြီးချုပ် နေတန်ယာဟုဟာ ဒရူဇီခေါင်းဆောင်တွေနဲ့ တွေ့ဆုံဆွေးနွေးခဲ့ပေမယ့် သဘောတူညီချက် မရခဲ့ပါဘူး။

အစ္စရေးစစ်တပ်က ဒရူဇီလူမျိုး ဗိုလ်ချုပ်တစ်ဦးဖြစ်တဲ့ အေမဲလ် အာဆတ်က ၀န်ကြီးချုပ်ဟာ လူနည်းစုတွေရဲ့အသံကို နားထောင်လိုစိတ်မရှိဘူးလို့ ပြောကြားခဲ့ပါတယ်။ ဂျူးအမျိုးသားနိုင်ငံ ဥပဒေဟာ အစ္စရေးကို လူမျိုးရေးခွဲခြားတဲ့တိုင်းပြည်မျိုး ဖြစ်သွားစေတယ်လို့လည်း ဗိုလ်ချုပ် အေမဲလ်က စောစောပိုင်းမှာ ဝေဖန်ခဲ့ပါတယ်။

အစ္စရေးက ဂျူးလက်ယာအုပ်စုတွေဟာ ဒီဥပဒေကို ပြဌာန်းနိုင်ဖို့အတွက် ၂၀၁၁ ခုနှစ်ကတည်းက ကြိုးစားခဲ့တာဖြစ်ပြီး အမေရိကန်အပါအ၀င် တစ်ခြားနိုင်ငံတွေက ဂျူးတွေကလည်း ဒီလုပ်ရပ်ကို ကွန့်ကွက်ခဲ့ကြပါတယ်။

Ref: RT