တနင်္လာနေ့မနက် နိုင်ငံတကာသတင်းများ

သြဂုတ် ၆၊ ၂၀၁၈
M-Media

အင်ဒိုနီးရှားငလျင် သေဆုံးသူ ၉၀ ကျော်ပြီ
============
အင်ဒိုနီးရှားနိုင်ငံအရှေ့ပိုင်း လွမ်ဘွတ်မြို့မှာ မနေ့ညနေပိုင်းက ပြင်းအား ၆.၉ မဂ္ဂနီကျုရှိတဲ့ ငလျင်တစ်ခု လှုပ်ခဲ့မှုကြောင့် သေဆုံးသူအရေအတွက်ဟာ ၉၁ ဦးရှိလာပြီလို့ အာဏာပိုင်တွေက ဒီကနေ့မနက်မှာ ပြောကြားလိုက်ပါတယ်။ ကမ္ဘာလှည့်ခရီးသွားတွေနဲ့ စည်ကားရာ လွမ်ဘွတ်မှာ ဒီငလျင်ဟာ ၁၀ ရက်အတွင်း ဒုတိယမြောက်ငလျင်လည်းဖြစ်ပါတယ်။ မနေ့ကငလျင်ကြောင့် အဆောက်အဦး တော်တော်များများ ပြိုကျပျက်ဆီးခဲ့ပြီး ကမ္ဘာလှည့်ခရီးသွားတွေကို ဘေးလွတ်ရာကို ရွှေ့ပြောင်းပေးနေပါတယ်။

ယာဉ်မတော်တဆမှုပြစ်ဒဏ်ကို တိုးမြှင့်ရန် ဘင်္ဂလားဒေ့ရှ် စဉ်းစားနေ
==================
ယာဉ်မတော်တဆမှုကြောင့် သေဆုံးမှုတွေမှာ တာဝန်ရှိသူတွေကို ပြင်းထန်တဲ့ပြစ်ဒဏ်မျိုး ပေးနိုင်ရေးအတွက် ဘင်္ဂလားဒေ့ရ်ှလွှတ်တော်မှာ ဒီကနေ့ ဆွေးနွေးဖို့ ရှိနေပါတယ်။ ကျောင်းသား ၂ ဦး ကားမှောက်သေဆုံးပြီးတဲ့နောက် နိုင်ငံရဲ့ ပို့ဆောင်ရေးစနစ် ဆိုးရွားမှုကို နိုင်ငံတစ်ဝှမ်းက ကျောင်းသားတွေ ဆန့်ကျင်ဆန္ဒပြနေတာဟာ ဒီကနေ့မှာ ၉ ရက်မြောက်လာခဲ့ပြီး လုံခြုံရေးတပ်ဖွဲ့ဝင်တွေနဲ့ ထိပ်တိုက်တွေ့ဆုံမှုကြောင့် ထိခိုက်ဒဏ်ရာရမှုလည်း ရှိနေပါတယ်။ ဘင်္ဂလားဒေ့ရ်ှမှာ ယာဉ်မတော်တဆမှုအတွက် အမြင့်ဆုံးပြစ်ဒဏ်ဟာ ထောင်ဒဏ် ၃ နှစ်ဖြစ်ပြီး အခု လွှတ်တော်အမတ်တွေက သေဒဏ်အထိပေးဖို့ စဉ်းစားနေကြတာ ဖြစ်ပါတယ်။

ဟီရိုရှီးယားမြို့ နျူဗုံးကြဲခံရမှု ၇၃ နှစ်ပြည့်ပြီ
====================
ဟီရိုရှီးမားမြို့ နျူဗုံးအကြဲခံရတဲ့ ၇၃ နှစ်မြောက် နှစ်ပတ်လည်အခမ်းအနားကို ဒီကနေ့မနက်ပိုင်းက ဂျပန်နိုင်ငံ ဟီရိုရှီးမားမြို့မှာ ကျင်းပပြုလုပ်ခဲ့ပါတယ်။ ၁၉၄၅ ခုနှစ် သြဂုတ်လ ၆ ရက်နေ့မှာ အမေရိကန်ကပြုလုပ်ခဲ့တဲ့ ဒီတိုက်ခိုက်မှုကြောင့် ဂျပန်ပြည်သူ ၁ သိန်း ၄ သောင်းလောက် သေဆုံးခဲ့ပါတယ်။ ဟီရိုရှီးမားမြို့တော်ဝန် ကာဇူမီ မတ်ဆူအီက နျူကလီးယားကင်းစင်တဲ့ ကမ္ဘာကြီးဖြစ်အောင် ဆောင်ရွက်ဖို့ ဒီကနေ့မိန့်ခွန်းမှာ ဆော်သြခဲ့ပြီး၊ ကမ္ဘာကြီးမှာ အမျိုးသားရေးဝါဒ မြင့်တက်လာတာဟာ ငြိမ်းချမ်းရေးကို ခြိမ်းခြောက်နေတယ်လို့ သတိပေးခဲ့ပါတယ်။

SingHealth ဆိုက်ဘာတိုက်ခိုက်မှု ထိပ်တန်းဟက်ကာအဖွဲ့၏ လက်ချက်ဟု စင်ကာပူပြော
===========
စင်ကာပူကျန်းမာရေးဌာန SingHealth ရဲ့ ဒေတာဘေ့စ်ကို ဇွန်လက တိုက်ခိုက်ခံရမှုဟာ အစိုးရ ကျောထောက်နောက်ခံပြုလေ့ရှိပြီး စွမ်းရည်မြင့်ဟက်ကာတွေနဲ့ဖွဲ့စည်းထားတဲ့ APT လို အဖွဲ့မျိုးရဲ့ လက်ချက်ဖြစ်တယ်လို့ စင်ကာပူ ဆက်သွယ်ရေးနဲ့ သတင်းအချက်အလက်ဝန်ကြီး အစ္စရာဝမ်က ဒီကနေ့မှာ ပြောကြားခဲ့ပါတယ်။ အဲဒီတိုက်ခိုက်မှုအတွင်း SingHealth က လူနာတွေရဲ့ အချက်အလက်သန်းချီ ခိုးယူခံခဲ့ရပါတယ်။ အစ္စရာဝမ်က ဟက်ကာတွေဟာ သူတို့အဖွဲ့ရဲ့အမည်ကို ရေးသားခဲ့ပေမယ့် အမျိုးသားလုံခြုံရေးဆိုင်ရာ ကိစ္စတွေကြောင့် ဒီကိစ္စကို အသေးစိတ် ထုတ်ပြန်မှာမဟုတ်ဘူးလို့ ဆိုပါတယ်။

Ref: Aljazeera, CNA