အင်္ဂါနေ့မနက် နိုင်ငံတကာ သတင်းများ

သြဂုတ် ၇၊ ၂၀၁၈
M-Media

မြောက်ကိုရီးယားကို အကူအညီပေးရေး ကုလသဘောတူ
===============
မြောက်ကိုရီးယားအပေါ် ပြုလုပ်ထားတဲ့ ပြင်းထန်တဲ့ပိတ်ဆို့မှုတွေဟာ လူသားချင်းစာနာထောက်ထားမှုဆိုင်ရာ အကူအညီတွေကို ထိခိုက်မှုမရှိစေဖို့ ရည်ရွယ်တဲ့ ဆုံးဖြတ်ချက်မူကြမ်းတွေကို ကုလလုံခြုံရေးကောင်စီက မနေ့မှာ အတည်ပြုခဲ့ပါတယ်။ မူကြမ်းကို အမေရိကန်က တင်သွင်းတာဖြစ်ပါတယ်။ စားနပ်ရိက္ခာထုတ်လုပ်မှု သိသိသာသာ ကျဆင်းနေတဲ့ မြောက်ကိုရီးယားမှာ လူ ၁၀ သန်း လောက် အဟာရ ပြတ်လတ်မှုဖြစ်နေပါတယ်။ အကူအညီပေးရေးအဖွဲ့တွေကတော့ ပိတ်ဆို့မှုတွေဟာ ကုန်သွယ်ရေးနဲ့ ဘဏ်လုပ်ငန်းတွေကို ထိခိုက်နေဆဲဖြစ်တာကြောင့် လုံခြုံရေးကောင်စီရဲ့ ဒီဆုံးဖြတ်ချက်ဟာ ထိရောက်မှုရှိမှာမဟုတ်ဘူးလို့ ဝေဖန်ခဲ့ကြပါတယ်။

အီရန်နှင့် ဆက်လက်ပူးပေါင်းမည်ဟု ဥရောပသမဂ္ဂ ပြော
==================
အီရန်အပေါ် အမေရိကန်ရဲ့ တစ်ကျော့ပြန် ပိတ်ဆို့မှုတွေဟာ ဒီကနေ့မှာ စတင်အသက်ဝင်မှာဖြစ်ပြီး ဥရောပသမဂ္ဂ နိုင်ငံတွေကတော့ အီရန်နဲ့လက်တွဲကာ ၂၀၁၅ နျူသဘောတူညီချက်ကို ဆက်လက်ထိန်းသိမ်းသွားမယ်လို့ မနေ့မှာ ကြေငြာချက် ထုတ်ပြန်လိုက်ပါတယ်။ အီရန်ဟာ နျူသဘောတူညီချက်ကို မလိုက်နာဘူးလို့ စွပ်စွဲကာ အမေရိကန်က မေလမှာ သဘောတူညီချက်ကနေ နှုတ်ထွက်ပြီး ပိတ်ဆို့မှုတွေ ပြန်လုပ်ဖို့ စီစဉ်ခဲ့တာပါ။ ဥရောပသမဂ္ဂကတော့ သူတို့အနေနဲ့ အီရန်နဲ့ ဘဏ္ဍာရေးဆိုင်ရာ ဆက်ဆံမှုတွေ ဆက်လက်ပြုလုပ်သွားမှာဖြစ်သလို၊ ရေနံနဲ့ ဓာတ်ငွေ့တွေကိုလည်း အီရန်ကနေတင်သွင်းသွားမယ်လို့ ပြောကြားခဲ့ပါတယ်။

မလေးရှားအကောက်ခွန်ဂိုထောင်ကို မူးယစ်ဂိုဏ်းက ဖောက်ထွင်းမှု ဖြစ်ပွား
=============
အကောက်ခွန်က သိမ်းဆည်းထားတဲ့ မူးယစ်ဆေးဝါးတွေကို ၀င်ရောက်ခိုးယူမှုအတွက် မလေးရှားက အကောက်ခွန်အရာရှိ ၂ ဦးနဲ့ ၀င်ရောက်ခိုးယူသူ ၃ ဦးကို ဖမ်းဆီးလိုက်ပါတယ်။ တနင်္ဂနွေနေ့က နီဂါရီဆမ်ဘီလမ်ပြည်နယ်မှာ ဒီခိုးယူမှု ဖြစ်ပွားခဲ့တာ ဖြစ်ပါတယ်။ မူးယစ်ဆေးဝါးတွေဟာ မကြာသေးခင်ကမှ ဖမ်းဆီးထားတာဖြစ်ပြီး ရင်းဂစ် သန်း ၃၀ ဖိုးလောက်ရှိပါတယ်။ ရဲတပ်ဖွဲ့က မျက်နှားဖုံးဝတ် လူ၁၀ ဦးဟာ အကောက်ခွန်ဂိုထောင်ထဲကို ကားတွေနဲ့ ၀င်လာတာပြီး အစောင့်နှစ်ဦးကို ရိုက်နှက်က တိပ်တွေနဲ့ တုပ်နှောင်ထားခဲ့ကြတယ်လို့ ပြောပါတယ်။ လက်ရှိမှာ အတွင်းလူပါမပါကို မလေးရှားရဲတပ်ဖွဲ့က စုံစမ်းနေပြီး၊ ဖောက်ထွင်းခံရတဲ့ အကောက်ခွန်ဂိုထောင်မှာလည်း လုံခြုံရေး တိုးမြှင့်ထားပါတယ်။

Ref: CNA, Aljazeera