ဗုဒ္ဓဟူးနေ့မနက် နိုင်ငံတကာသတင်းများ

သြဂုတ် ၈၊ ၂၀၁၈
M-Media

နိုက်ဂျီးရီးယား လွှတ်တော်ကို အပိုင်စီးထားမှုမြင်ကွင်း

မလေးဝန်ကြီးချုပ်ဟောင်း ငွေကြေးခ၀ါချမှုဖြင့် တရားစွဲခံရ
================
နိုင်ငံပိုင် 1MDB လုပ်ငန်းက ဒေါ်လာဘီလီယံချီပျောက်ဆုံးမှုနဲ့ပတ်သက်တဲ့ စစ်ဆေးမှုတစ်စိတ်တစ်ပိုင်းအဖြစ် မလေးရှားဝန်ကြီးချုပ်ဟောင်း နာဂျစ်ရာဇတ်ကို ဒီကနေ့မနက်မှာ ငွေကြေးခ၀ါချမှု စွဲချက် ၃ ချက်နဲ့ တရားစွဲဆိုလိုက်ပါတယ်။ အခုစွဲချက်ဟာ 1MDB ရဲ့ လက်ခွဲလုပ်ငန်းတစ်ခုဖြစ်တဲ့ SRC International ကနေ နာဂျစ်ရဲ့ ကိုယ်ပိုင်ဘဏ်အကောင့်ထဲကို ရင်းဂစ် ၄၂ သန်းလွှဲပြောင်းခဲ့မှုနဲ့ ပတ်သက်နေပါတယ်။ နာဂျစ်ဟာ အရင်ကလည်း 1MDB ကိစ္စနဲ့ပတ်သက်ပြီး တရားစွဲဆိုမှုတွေ ခံထားရပါတယ်။ အခုမနက်စွဲချက်တွေအတွက် အပြစ်မရှိဘူးလို့ နာဂျစ်က လျှောက်လဲခဲ့ပြီး အာမခံလည်း ရရှိခဲ့ပါတယ်။ အပြစ်ရှိကြောင်းတွေ့ရမယ်ဆိုရင် နာဂျစ်ဟာ အမြင့်ဆုံး ထောင်ဒဏ် နှစ် ၂၀ ကျခံရနိုင်ပြီး ပိုင်ဆိုင်မှုတွေလည်း အသိမ်းခံရနိုင်ပါတယ်။

မြောက်ကိုရီးယားနှင့် အီရန် နိုင်ငံခြားရေးဝန်ကြီးတို့ တီဟီရန်တွင် တွေ့ဆုံ
====================
ကမ္ဘာကြီးဟာ အမေရိကန်ရဲ့ ကိုယ့်မင်းကိုယ့်ချင်းဝါဒကို စိတ်ပျက်နေပြီး၊ ထရမ့်ရဲ့ Twitter က ရာဇသံတွေကို နားမထောင်ကြတော့ဘူးလို့ အီရန်နိုင်ငံခြားရေးဝန်ကြီး ဂျာဗဒ်ဇာရစ်ဖ်က ပြောကြားလိုက်ပါတယ်။ မေလမှာ ၂၀၁၅ ခုနှစ် နျူသဘောတူညီချက်နေ ထွက်ပြီးတဲ့နောက် အမေရိကန်ဟာ အီရန်အပေါ် ပိတ်ဆို့မှုတွေ ထပ်လုပ်ခဲ့ပြီး ပထမအကျော့ဟာ မနေ့မှာ သက်ရောက်ခဲ့ပါတယ်။ ဇာရစ်ဖ်ဟာ မနေ့က မြောက်ကိုရီးယား နိုင်ငံခြားရေးဝန်ကြီးနဲ့ တီဟီရန်မှာ တွေ့ဆုံခဲ့ပြီး ကျွမ်းကျင်သူတွေက ဒါဟာ အမေရိကန်ကို အာခံတယ်ဆိုတာကို အီရန်က ပြသတာဖြစ်တယ်လို့ သုံးသပ်ကြပါတယ်။

လွှတ်တော်ကို အပိုင်စီးမှုအတွက် နိုက်ဂျီးရီးယားက ထောက်လှမ်းရေးအကြီးအကဲကို ထုတ်ပယ်
===================
လွှတ်တော်အဆောက်အဦးကို မနေ့က လုံခြုံရေးတပ်ဖွဲ့တွေ ခေတ္တအပိုင်စီးထားမှုအတွက် နိုက်ဂျီးရီးယားက ထောက်လှမ်းရေးအကြီးအကဲ လာဝါမူဆာ ဒေါင်ရာကို ရာထူးကနေ ထုတ်ပယ်လိုက်ပါတယ်။ သမ္မတ မူဟာမာဒူ ဘူဟာရီ တိုင်းပြည်ပြင်ပ ရောက်နေတဲ့အချိန် ပေါ်ပေါက်လာတဲ့ ဒီကိစ္စဟာ နိုက်ဂျီးရီးယား နိုင်ငံရေးအသိုင်းအ၀ိုင်းအကြား တင်းမာမှုတွေကို ထင်ဟပ်နေတယ်လို့ ကျွမ်းကျင်သူတွေက ပြောပါတယ်။ ဒုတိယသမ္မတ ယီမီ အိုဆင်ဘာဂျိုက ထောက်လှမ်းရေးလက်အောက်မှာရှိတဲ့ တပ်ဖွဲ့တွေရဲ့ ဒီလုပ်ရပ်ဟာ ဖွဲ့အစည်းပုံအခြေခံဥပဒေနဲ့ တရားဥပဒေစိုးမိုးမှုကို ပြောင်ပြောင်တင်းတင်း ချိုးဖောက်မှုဖြစ်တယ်လို့ ပြောကြားခဲ့ပါတယ်။

အင်ဒိုနီးရှားတွင် ငလျင်ကြောင့် လူ ၇ သောင်းကျော် အိုးအိမ်မဲ့
=============
အင်ဒိုနီးရှားနိုင်ငံက ကမ္ဘာလှည့်ခရီးသွားတွေ စိတ်ဝင်စားရာ လွမ်ဘွတ်ကျွန်းမှာ တနင်္ဂနွေနေ့ညနေပိုင်းက လှုပ်ခတ်ခဲ့တဲ့ အင်အားပြင်းငလျင်ကြောင့် သေဆုံးသူအရေအတွက်ဟာ ၁၀၅ ဦး ရှိလာခဲ့ပြီး ၂၃၀ ကျော် ဒဏ်ရာရရှိခဲ့ပါတယ်။ ငလျင်ကြောင့် အဆောက်အဦးတွေ ပြိုကျခဲ့တဲ့အတွက် ပြည်သူ ၇ သောင်းကျော်လောက်ဟာ အိုးမဲ့အိမ်မဲ့ ဖြစ်နေပါတယ်။ အပျက်အဆီးတွေအောက်မှာ ပိတ်မိနေသူတွေ ရှိမယ်လို့ ခန့်မှန်းထားတာကြောင့် သေးဆုံးသူအရေအတွက်ကလည်း မြင့်တက်ဖို့ ရှိနေပါတယ်။

Ref: Aljazeera, CNA