မြန်မာနိုင်ငံတွင် နွားရှားပါးမှုမရှိဘဲ တစ်နှစ်လျှင် ၇ သိန်းကျော် တရုတ်သို့ တင်ပို့နိုင်

သြဂုတ် ၈၊ ၂၀၁၈
M-Media

Photo credit – Irrawaddy

– မြန်မာနိုင်ငံက နွားအကောင်ရေပေါင်း ၈ သိန်းလောက်ကို နှစ်စဉ် ၀ယ်ယူဖို့အတွက် တရုတ်နိုင်ငံက ကမ်းလှမ်းလာတယ်လို့ စီးပွားကူးဝန်ကြီးဌာနရဲ့ ကုန်သွယ်ရေးဦးစီးဌာန ညွှန်ကြားရေးမှူးချုပ် ဦးရန်နိုင်ထွန်းက ပြောကြားလိုက်ပါတယ်။

ရှီရွှမ်ဘန်နာပြည်နယ်နဲ့ ဒီဟုန်ပြည်နယ်တွေက ဒီလိုကမ်းလှမ်းလိုက်တာဖြစ်ပြီး တစ်နှစ်ကို ၀ယ်လိုအား ကောင်ရေ ၁ သန်းလောက်ရှိပေမယ့် အားလုံးကို မြန်မာနိုင်ငံက ၀ယ်မှာမဟုတ်ဘူးလို့ ညွန်ကြားရေးမှူးက ဆိုပါတယ်။

“ရှီရွှမ်ဘန်နာက ကောင်ရေ ၃ သိန်း၊ ဒီဟုန်ပြည်နယ်က ကောင်ရေ ၅ သိန်းဝယ်ဖို့ ကမ်းလှမ်းတာဖြစ်ပါတယ်”

လယ်ယာစိုက်ပျိုရေး၊ မွေးမြူရေးနှင့် ဆည်မြောင်းဝန်ကြီးဌာနက ဖေဖော်ဝါရီလ ကျွဲနွားကောင်ရေ စစ်တမ်းကောက်ယူရာမှာ နိုင်ငံအတွင်း ကောင်ရေ ၁၁.၅ သန်းရှိပြီး တရုတ်ကို တင်ပို့နိုင်တဲ့ ပမဏာရှိတယ်လို့ ဆိုပါတယ်။

“အဲဒီလို စစ်တမ်းကောက်ယူရာမှာ စုစုပေါင်း ၅၇ ရာခိုင်နှုန်းလောက်သာ ကောက်ယူနိုင်ခဲ့တာပါ။ ကျွန်တော်တို့ စစ်တမ်းမကောက်နိုင်တဲ့ နေရာတွေလည်း ရှိပါတယ်။ ဒါ့ကြောင့် တကယ့်အရေအတွက်က ဒီထက် ပိုများနိုင်ပါတယ်။ ပြည်တွင်းစားသုံးမှု၊ သေတာ၊ ပျက်တာ၊ လယ်ယာစိုက်ပျိုးရေးမှာ အသုံးပြုတာတွေကို ဖယ်လိုက်ရင် တစ်နှစ်ကို နွားကောင်ရေ ၇ သိန်းကျော် တင်ပို့နိုင်ပါတယ်” လို့ ဦးရန်နိုင်ထွန်းက ပြောကြားခဲ့ပါတယ်။

နွားတင်ပို့လိုသူများအနေနဲ့ မွေးမြူရေးနှင့် ကုသရေးဦးစီးဌာနမှာ လိုင်စင် လျှောက်ထားနိုင်မှာဖြစ်ပါတယ်။

မွေးမြူရေးနှင့် ကုသရေး ဦးစီးဌာန ဦးစီးဌာနက တိရစ္ဆာန်ကျန်းမာရေးဆိုင်ရာ အသိအမှတ်ပြုလက်မှတ် ထုတ်ပေးမှသာ စီးပွားကူးသန်း ၀န်ကြီးဌာနက တင်ပို့ခွင့်လိုင်စင် ထုတ်ပေးမှာဖြစ်ကြောင်း၊ နိုင်ငံခြားကုမ္ပဏီတွေက မြန်မာနိုင်ငံရဲ့ မွေးမြူရေးလုပ်ငန်းမှာ ရင်းနှီးမြှုပ်နှံဖို့ ကမ်းလှမ်းမှုတွေ ရှိထားကြောင်း ဦးရန်နိုင်ထွန်းက ပြောကြားခဲ့ပါတယ်။

လက်ရှိမှာ မြန်မာနိုင်ငံက နွားတွေ တရုတ်နိုင်ငံကို တရားမ၀င် တင်ပို့နေတာတွေရှိနေပြီး၊ တရားဝင်တင်ပို့ခွင့် ပြုခြင်းအားဖြင့် နိုင်ငံတော်ဘဏ္ဍာတွေ ပိုမိုရရှိဖို့လည်း အစိုးရက မျှော်လင့်နေပါတယ်။

အခုနှစ် ဇန်န၀ါရီလကစလို့ မြန်မာနိုင်ငံက တင်ပို့တဲ့ နွားကောင်ရေဟာ ၇ သောင်းလောက် ရှိနေတယ်လို့ စီးပွားကူးသန်းဝန်ကြီးဌာနရဲ့ စာရင်းအရ သိရပါတယ်။

Ref : Irrawaddy