ဘောလုံးခေါင်းတိုက်မှုကို ကန့်သတ်ပိတ်ပင်ရန် ဦးနှောက်ရောဂါပညာရှင် တိုက်တွန်း

သြဂုတ် ၉၊ ၂၀၁၈
M-Media

– ဘောလုံးပြိုင်ပွဲတွေမှာ ခေါင်းတိုက်တာကို ကန့်သတ်သင့်ပြီး လူငယ်ပွဲတွေမှာ ပိတ်သင့်တယ်လို့ ကမ္ဘာ့ထိပ်တန်း ဦးနှောက်ရောဂါဆိုင်ရာပညာရှင် ဒေါက်တာ ဘန်းနက် အိုမာလူက ပြောကြားလိုက်ပါတယ်။

ဒေါက်တာအိုမာလူဟာ အားကစားသမားတွေမှာ တွေ့ရလေ့ရှိတဲ့ ဦးနှောက်ပျက်စီးမှုရောဂါ Chronic Traumatic Encephalopathy (CTE) ကို ရှာဖွေတွေ့ရှိခဲ့သူလည်းဖြစ်ပါတယ်။ CTE ဟာ ဦးခေါင်းကို အကြိမ်ပေါင်းများစွာ ထိခိုက်မှုကြောင့် ဖြစ်ပွားတဲ့ရောဂါဖြစ်ပြီး နှစ်ပေါင်းများစွာကြာမှ ပေါ်ပေါက်လာတတ်တာမျိုး ဖြစ်ပါတယ်။

“အရှိန်ပြင်းပြင်းနဲ့လာတဲ့ အရာဝတ္တုတစ်ခုကို ခေါင်းနဲ့ ထိန်းရတာမျိုးဆိုတာ အဓိပ္ပါယ်ကို မရှိပါဘူး။ ပရော်ဖက်ရှင်နယ်အဆင့်မှာ ခေါင်းတိုက်တာကို ကန့်သတ်ဖို့လိုတယ်လို့ ကျွန်တော် ယုံကြည်ပါတယ်။ ဒါဟာ အန္တရာယ်များပါတယ်” လို့ ဒေါက်တာက ပြောပါတယ်။

အသက် ၁၈ နှစ်အောက် ပြိုင်ပွဲတွေမှာဆိုရင် ခေါင်းတိုက်တာကို လုံးဝ ပိတ်ပင်ဖို့လည်း သူက တိုက်တွန်းခဲ့ပါတယ်။

“အသက် ၁၂ နှစ်ကနေ ၁၄ နှစ်အတွင်း ကလေးတွေကို ဘောလုံးနဲ့ ထိတွေ့မှုနည်းအောင် ကျွန်တော်တို့လုပ်သင့်တယ်။ ၁၂ နှစ်ကနေ ၁၈ နှစ် လူငယ်တွေက ဘောလုံးကစားလို့ရပေမယ့် ခေါင်းတော့ မတိုက်သင့်ပါဘူး။ ဒါဟာ လူတော်တော်များများအတွက် ခက်ခဲမယ်ဆိုတာ ကျွန်တော်သိပါတယ်။ ဒါပေမယ့် သိပ္ပံက ပြောနေတာပါ။ အချိန်ကိုလိုက်ပြီး လူ့အဖွဲ့အစည်းက ပြောင်းလဲရတယ်။ ကျွန်တော်တို့ရဲ့ နေထိုင်မှုတစ်ချို့ကို ပြောင်းလဲဖို့ အချိန်ရောက်ပါပြီ”

အင်္ဂလန်အသင်းနဲ့ ၀က်စ်ဘရွန်းကစားသမားဟောင်း ဂျက်ဖ် အက်စ်လီ သေဆုံးမှုကို စစ်ဆေးမှုအရ အက်စ်လီဟာ ဘောလုံးခါင်းတိုက်မှုကြောင့် ဖြစ်တဲ့ ဦးနှောက်ဒဏ်ရာကြောင့် အသက်ဆုံးရတယ်ဆိုတာကို တွေ့ရှိခဲ့ပါတယ်။

Ref: BBC